ನಮ್ಮ ಪ್ರೀತಿಪಾತ್ರರೊಂದಿಗೆ ಸೇರಿ ಒಳ್ಳೆಯ ಆಹಾರ ಸವಿಯಲು ಹಾಗೂ ವರ್ಷದ ಕೊನೆಯ ಹಬ್ಬವನ್ನು ಆಚರಿಸಲು ಚಳಿಗಾಲವು ಸೂಕ್ತ ಸಮಯ. ಚಳಿಗಾಲದಲ್ಲಿ ಸಾಮಾನ್ಯ ಶೀತ, ಕೆಮ್ಮು, ಜ್ಞರದಂತಹ ಸಾಮಾನ್ಯ ಕಾಯಿಲೆಗಳೂ ನಮ್ಮನ್ನು ಕಾಡಿಸುತ್ತವೆ ಎಂಬುದನ್ನೂ ನಾವು ಮರೆಯಬಾರದು.
ಈ ಕಾಲದ ಕಾಯಿಲೆಗಳಿಂದ ದೂರವಿರಲು ನಾವು ಪೋಷಕಾಂಶಯುತ್ತ ಮತ್ತು ಆ್ಯಂಟಿಆಕ್ಸಿಡೆಂಟ್‌ ಅಂಶ ಹೆಚ್ಚಿರುವ ಆಹಾರಗಳನ್ನು ಸೇವಿಸಬೇಕು. ಖ್ಯಾತ ಆಹಾರ ತಜ್ಞೆ ರುಜುತಾ ದಿವೇಕರ್‌ ಅವರು ಈ ಕಾಲದಲ್ಲಿ ಆರೋಗ್ಯವಾಗಿರಲು ಸೇವಿಸಬೇಕಾದ ಚಳಿಗಾಲದ ಐದು ಶಕ್ತಿವರ್ಧಕ ಆಹಾರಗಳ ಪಟ್ಟಿ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.
1. ನೆಲ್ಲಿಕಾಯಿ: ಅಪಾರ ಪ್ರಮಾಣದಲ್ಲಿ ವಿಟಾಮಿನ್‌ ‘ಸಿ’ ಯನ್ನು ಒಳಗೊಂಡಿರುವ ನೆಲ್ಲೆಕಾಯಿಯು ಪೋಷಕಾಂಶಗಳಿಗೆ ಹೆಸರುವಾಸಿಯಾಗಿದೆ. ‘ಚಳಿಗಾಲದ ರಾಜ’ ಎಂದೂ ಕರೆಸಿಕೊಳ್ಳುವ ನೆಲ್ಲಿಕಾಯಿಯ ಚ್ಯವನ್‌ಪ್ರಾಶ್‌, ಪಾನಕ, ಮೊರಬ್ಬಗಳನ್ನು (ತೊಕ್ಕು) ಸೇವಿಸುವುದರಿಂದ ಕೂದಲು ಉದುರುವದು, ಅಜೀರ್ಣ, ಕಣ್ಣಿನ ದೋಷಗಳನ್ನು ನಿವಾರಿಸಕೊಳ್ಳಬಹುದು ಎಂದು ಅವರು ಹೇಳುತ್ತಾರೆ.
2. ಕಬ್ಬು: ಕಬ್ಬು ಸಿಹಿ ಇರುವುದಷ್ಟೇ ಅಲ್ಲ; ನಮ್ಮ ದೇಹಕ್ಕೆ ಚೈತನ್ಯವನ್ನೂ ತಂದುಕೊಡುತ್ತದೆ. ಕಬ್ಬು ಹಿಂದಿನಿಂದಲೂ ಬಂದಂತಹ ಶರೀರ ಶುದ್ಧೀಕರಣ ಆಹಾರವಾಗಿದೆ. ಯಕೃತ್ತಿನ್ನು ಪುನಶ್ಚೇತನಗೊಳಿಸಲು, ಶುಶ್ಕ ತ್ವಚೆಯಿಂದ ರಕ್ಷಣೆ ಪಡೆಯಲು ಇದು ಸಹಾಯ ಮಾಡುತ್ತದೆ ಎಂದು ಅವರು ಹೇಳುತ್ತಾರೆ.
3 . ಬಾರೆ ಹಣ್ಣು: ಪ್ರಮುಖವಾಗಿ ಮೇಲಿಂದ ಮೇಲೆ ರೋಗಗಳುಂಟಾಗುವ ಮಕ್ಕಳಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಈ ಬಾರೆ ಹಣ್ಣು ಸಹಾಯಕವಾಗಿದೆ. ಇದರ ವಿಶಿಷ್ಟವಾದ ರುಚಿ ವಿಧವಿಧದ ಆಹಾರವನ್ನು ತಿನ್ನುವಂತೆ ನಮ್ಮನ್ನು ಪ್ರೇರೇಪಿಸುತ್ತದೆ.
4. ಹುಣಸೆ ಹಣ್ಣು: ತನ್ನ ರುಚಿ ಮತ್ತು ಪರಿಮಳದಿಂದಲೇ ತನ್ನತ್ತ ಸೆಳೆಯುವ ಹುಣಸೆ ಹಣ್ಣಿನಲ್ಲಿ ಮ್ಯಾಗ್ನೇಸಿಯಂ, ಕಬ್ಬಿಣ ಮತ್ತು ವಿಟಾಮಿನ್‌ ‘ಸಿ’ ಅಂಶ ಅಧಿಕವಾಗಿದ್ದು ಜೀರ್ಣಕಾರಿಯಾಗಿದೆ. ಇದರ ಬೀಜದಿಂದ ಮಾಡಿದ ಮಜ್ಜಿಗೆಯು ರುಚಿಕರವಾಗಿರುತ್ತದೆ.
5. ಎಳ್ಳು: ರುಚಿಕರವಾದ ಮತ್ತು ಆರೋಗ್ಯಕ್ಕೆ ಹಿತವಾದ ಎಳ್ಳನ್ನು ಸಿಹಿ ಮತ್ತು ಖಾರದ ಅಡುಗೆಗಳಿಗೆ ಬಳಸುತ್ತೇವೆ. ಇದರಲ್ಲಿರುವ ಕೊಬ್ಬಿನ ಅಂಶವು ಚಳಿಗಾಲದಲ್ಲಿ ಮೂಳೆಗಳ ಬಲವರ್ಧನೆಗೆ ಸಹಕಾರಿಯಾಗುವುದರ ಜೊತೆಗೆ ನಮ್ಮನ್ನು ಆರೋಗ್ಯದಿಂದ ಇರಿಸುತ್ತದೆ.
ಇದನ್ನೂ ಓದಿ: ನಿಮ್ಮಲ್ಲಿ ಆಯುಷ್ಮಾನ್ ಭಾರತ್ ಆರೋಗ್ಯ ಕರ್ನಾಟಕ ಗುರುತಿನ ಚೀಟಿ ಇದೆಯೇ ??
(Winter Food Tips must follow for good health)
Discussion about this post