ಹೆಡ್ ಸೆಟ್ ಹಾಗೂ ಇಯರ್ಫೊನ್ ತಯಾರಕ ಫೇಮಸ್ ಬ್ರಾಂಡ್ ಇದೀಗ ಸ್ಮಾರ್ಟ್ವಾಚ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ. ಇದು ಡಿಸೆಂಬರ್ 15 ಮಧ್ಯಾಹ್ನ12 ಗಂಟೆಯ ನಂತರ ಇ-ಕಾಮರ್ಸ್ ಸೈಟ್ ಅಮಜಾನ್ ನಲ್ಲಿ ಸೇಲ್ ಪ್ರಾರಂಭ ಆಗಲಿದೆ.
ಬೋಟ್ ವಾಚ್ ಮಿಸ್ಟಿಕ್ ( ಭoat watch mystiq) ಹೆಸರಿನ ಇದು ಹಲವಾರು ವಿಶೇಷತೆಗಳನ್ನು ಹೊಂದಿದೆ. ಇಂಟರ್ನೆಟ್ ನಲ್ಲಿ ಈಗಾಗಲೇ ಸಾಕಷ್ಟು ಟ್ರೆಂಡ್ ಪಡೆದ ಈ ವಾಚ್ ನೋಡಲು ಅಟ್ರಾಕ್ಟಿವ್ ಆಗಿದೆ. ಬೆಲೆಯೂ ಇತರ ವಾಚ್ಗಳಿಗಿಂತ ಅಗ್ಗವಾಗಿದ್ದು, ಜನರಿಗೆ ಇಷ್ಟವಾಗುವುದರಲ್ಲಿ ಸಂದೇಹವಿಲ್ಲ.
ಏನೆಲ್ಲ ವಿಶೇಷತೆ ಹೊಂದಿದೆ?
ಬೋಟ್ ವಾಚ್ ಮಿಸ್ಟಿಕ್ 1.57 ಇಂಚಿನ ಡಿಸ್ಪ್ಲೇ ಹಾಗೂ ಟಚ್ ಸ್ಕ್ರೀನ್ ಸೌಲಭ್ಯ ಹೊಂದಿರಲಿದೆ. ಇದರ ಬದಿಗಳಲ್ಲಿ ಕ್ರೌನ್ ಬಟನ್ಗಳಿದ್ದು, ನೇವಿಗೇಟ್ ಮಾಡಲು ಸುಲಭ ರೀತಿಯಲ್ಲಿ ಸಾಧ್ಯವಿದೆ. ಇದು ಕ್ಲೌಡ್ ಒರಿಯೆಂಟೆಡ್ ಸ್ಕ್ರೀನ್ ಹಾಗೂ ಥೀಮ್ ಗಳನ್ನು ಸಪೋರ್ಟ್ ಮಾಡುತ್ತದೆ.
ಅಷ್ಟೇ ಅಲ್ಲದೆ ವಾಟರ್ ಪ್ರೂಫ್ ವಾಚ್ ಇದಾಗಿದ್ದು, ಫಿಟ್ನೆಸ್ ಸಂಬಂಧಿಸಿದಂತೆ ಹಲವಾರು ಫೀಚರ್ಗಳು ಇರಲಿವೆ. ಪಲ್ಸ್ ರೇಟ್ ಮಾನಿಟರ್, ಸ್ಲೀಪಿಂಗ್ ಕೌಂಟ್, ಆಮ್ಲಜನಕ ಪ್ರಮಾಣ ಇವುಗಳನ್ನು ನೋಡಲು ಸಾಧ್ಯವಿದೆ. ಇಷ್ಟೇ ಅಲ್ಲದೇ ಸಾಕರ್, ವೇಗದ ನಡಿಗೆ, ಏರೋಬಿಕ್ಸ್, ಕ್ಲೈಂಬಿಂಗ್, ಟೆನ್ನಿಸ್, ಬಾಸ್ಕೆಟ್ಬಾಲ್, ಸೈಕ್ಲಿಂಗ್, ನೃತ್ಯ, ಈಜು, ಯೋಗ, ಬ್ಯಾಡ್ಮಿಂಟನ್ ಮತ್ತು ಸಿಟ್-ಅಪ್ಗಳು ಸೇರಿದಂತೆ 17 ಕ್ರೀಡಾ ವಿಧಾನಗಳನ್ನು ಈ ವಾಚ್ ಬೆಂಬಲಿಸುತ್ತದೆ.
ಇದರ ಮೋಸ್ಟ್ ಯೂಸರ್ ಫ್ರೆಂಡ್ಲಿ ಫೀಚರ್ ಎಂದರೆ ಇದು ಬಿಗಿನರ್ಸ್ಗಳಿಗೆ ಹಂತ ಹಂತವಾಗಿ ಸ್ಟೆಪ್ಸ್ ಹೇಳಿ ಕೊಡುತ್ತದೆ. ಇದರ ಜೊತೆಗೆ ಉಸಿರಾಟದ ಕುರಿತು ಇನ್ಸ್ಟ್ರಕ್ಷನ್ ನೀಡುತ್ತದೆ. ಅಂದರೆ ಯಾವ ವ್ಯಾಯಾಮ ಮಾಡುವಾಗ ಹೇಗೆ ಎಲ್ಲ ಉಸಿರಾಡಬೇಕು. ಎಷ್ಟು ಹೊತ್ತು ಉಸಿರಾಡಬೇಕು ಇತ್ಯಾದಿ ಮಾಹಿತಿ ನೀಡುತ್ತದೆ.
ಇತರ ವಿಶೇಷತೆಗಳು
ಈ ಬೋಟ್ ವಾಚ್ ಮಿಸ್ಟಿಕ್ ಒಮ್ಮೆ ಚಾರ್ಜ್ ಮಾಡಿದರೆ ಸತತ 7 ದಿನಗಳ ತನಕ ಬ್ಯಾಟರಿ ಬ್ಯಾಕ್ ಅಪ್ ನೀಡುತ್ತದೆ. ಅಷ್ಟೇ ಅಲ್ಲದೆ ಮ್ಯೂಸಿಕ್ ಹಾಗೂ ಕ್ಯಾಮೆರಾ ಫೀಚರಗಳು ಈ ವಾಚ್ ಒಳಗೊಂಡಿದೆ.
ಇದು ಸ್ವೆಟ್, ವಾಟರ್ ಹಾಗೂ ಡಸ್ಟ್ ಪ್ರೂಫ್ ಆಗಿದೆ. ಆರಂಭಿಕ ಬೆಲೆ 2999 ರೂ. ಆಗಿದೆ.
(Boat Watch Mystiq With 7 Day Battery Life Launched in India)
Discussion about this post