ಕೋವೊವಾಕ್ಸ್​, ಕಾರ್ಬೆವಾಕ್ಸ್​ ಲಸಿಕೆ; ಮೊಲ್ನುಪಿರವಿರ್​ ಮಾತ್ರೆಗೆ ಸರ್ಕಾರ ಅನುಮೋದನೆ

ನವದೆಹಲಿ: ಪುಣೆ ಮೂಲದ ಸೆರಂ ಇನ್​ಸ್ಟಿಟ್ಯೂಟ್​ ಅಭಿವೃದ್ಧಿ ಪಡಿಸಿರುವ ನ್ಯಾನೊಪಾಟಿರ್ಕಲ್​ ಅಂಶದ ಕೋವೊವಾಕ್ಸ್​ ಮತ್ತು ಹೈದರಾಬಾದ್​ ಮೂಲದ ಬಯೋಲಾಜಿಕಲ್​-ಇ ಕಂಪನಿ ದೇಶೀಯ ತಂತ್ರಜ್ಞಾನದಲ್ಲಿ ಅಭಿವೃದ್ಧಿ ಪಡಿಸಿದ, ಆರ್​ಬಿಡಿ ಪ್ರೋಟೀನ್​ ಹೊಂದಿರುವ ಕಾರ್ಬೆವಾಕ್ಸ್​ ಲಸಿಕೆಗಳ ತುರ್ತು ಬಳಕೆಗೆ ಕೇಂದ್ರ ಸರ್ಕಾರ ಅನುಮೋದನೆ ನೀಡಿದೆ. ಅಮೆರಿಕದ ಮೆರ್ಕ್​ ಕಂಪನಿಯ ಮೊಲ್ನುಪಿರವಿರ್​ ಮಾತ್ರೆಗೂ ಕೇಂದ್ರೀಯ ಔಷಧ ಗುಣಮಟ್ಟ ನಿಯಂತ್ರಣ ಸಂಸ್ಥೆ (ಸಿಡಿಎಸ್​ಸಿಒ) ಒಪ್ಪಿಗೆ ಕೊಟ್ಟಿದೆ.

ಹೊಸದಾಗಿ ಒಪ್ಪಿಗೆ ನೀಡಲಾದ ಎರಡು ಲಸಿಕೆಯೂ ಸೇರಿದಂತೆ ದೇಶದಲ್ಲಿ ತುರ್ತು ಬಳಕೆಗೆ ಅನುಮತಿ ನೀಡಲಾದ ಕೊರೊನಾ ತಡೆಯ ಲಸಿಕೆಗಳ ಸಂಖ್ಯೆ 8ಕ್ಕೆ ಏರಿದೆ ಎಂದು ಕೇಂದ್ರ ಆರೋಗ್ಯ. ಈ ಮಾತ್ರೆಗೆ ಅಮೆರಿಕ ಮತ್ತು ಬ್ರಿಟನ್​ ಔಷಧ ಪ್ರಾಧಿಕಾರಗಳು ಈಗಾಗಲೇ ಅನುಮತಿ ನೀಡಿವೆ ಎಂದು ತಿಳಿಸಿದ್ದಾರೆ.

15ರಿಂದ 18 ವರ್ಷದ ಮಕ್ಕಳಿಗೆ ಲಸಿಕೆ ಹಾಗೂ ಕೊರೊನಾ ವಾರಿಯರ್ಸ್​ಗೆ ಹಾಗೂ ಬೇರೆ ಕಾಯಿಲೆಗಳಿಂದ ಬಳಲುತ್ತಿರುವ 60 ವರ್ಷ ಮೇಲ್ಪಟ್ಟವರಿಗೆ ಮೂರನೇ ಡೋಸ್​ ಲಸಿಕೆ ಘೋಷಣೆಯಾದ ನಂತರ ಎರಡು ಲಸಿಕೆಗಳು ಮತ್ತು ಒಂದು ಮಾತ್ರೆಗೆ ಕೇಂದ್ರ ಸರ್ಕಾರ ಅನುಮೋದನೆ ನೀಡಿದೆ.

ಹೈದರಾಬಾದ್​ ಮೂಲದ ಭಾರತ್​ ಬಯೋಟೆಕ್​ನ ಕೊವ್ಯಾಕ್ಸಿನ್​, ಪುಣೆಯ ಸೆರಂ ಸಂಸ್ಥೆಯ ಕೋವಿಶೀಲ್ಡ್​, ರಷ್ಯಾದ ಸ್ಪುಟ್ನಿಕ್​-ವಿ, ಅಹಮದಾಬಾದ್​ನ ಮೂಲದ ಝೈಡಸ್​ ಕ್ಯಾ ಡಿಲಾ ಕಂಪನಿಯ ಝೈಕೋವ್​-ಡಿ, ಅಮೆರಿಕದ ಮೂಲದ ಮಾರ್ಡನಾ ಮತ್ತು ಜಾನ್ಸನ್​ ಆ್ಯಂಡ್​ ಜಾನ್ಸನ್​ ಲಸಿಕೆಗಳು ಈಗಾಗಲೇ ಸಿಡಿಎಸ್​ಸಿಒ ಅನುಮತಿ ಪಡೆದುಕೊಂಡಿವೆ.

ಇದನ್ನೂ ಓದಿ: Vaccine for children: ಭಾರತದಾದ್ಯಂತ ಜನವರಿ 3 ರಿಂದ ಮಕ್ಕಳಿಗೆ ಲಸಿಕೆ

(Covid Vaccine India Clears 2 New Vaccines And Mercks Covid Pil)