Health care: ಒಂದು ಹೆಣ್ಣಿನ ಜೀವನ ಪರಿಪೂರ್ಣವಾಗುವುದೇ ಆಕೆ ತಾಯಿಯಾದಾಗ. ತಾಯ್ತನದ ಸಂಭ್ರಮವನ್ನು ಅನುಭವಿಸುವುದೇ ಒಂದು ಸಂತೋಷ ಅಂತಾ ಹೇಳಲಾಗುತ್ತದೆ. ಇದರ ಜೊತೆ ಮಗುವಿನ ಆರೋಗ್ಯಕರ ಬೆಳವಣಿಗೆ ಜೊತೆಗೆ ತಾಯಿ ಆರೋಗ್ಯದ ಬಗ್ಗೆ ಗಮನ ಹರಿಸುವುದು ತುಂಬಾ ಮುಖ್ಯವಾಗಿದೆ. ಹೀಗಾಗಿ ನಾವಿವತ್ತು ಗರ್ಭಿಣಿಯರು ಯಾವ ಹಣ್ಣನ್ನು ಸೇವಿಸಬೇಕು, ಯಾವ ಹಣ್ಣನ್ನು ಸೇವಿಸಬಾರದು ಅನ್ನೋ ಬಗ್ಗೆ ಹೇಳಲಿದ್ದೇವೆ.
ಮೊದಲನೇಯದಾಗಿ ಗರ್ಭಿಣಿಯರು (pregnant woman) ಯಾವ ಹಣ್ಣನ್ನು (fruits) ಸೇವಿಸಬೇಕು ಅಂತಾ ತಿಳಿಯೋಣ. ನೇಂದ್ರ ಬಾಳೆಹಣ್ಣು, ಬೂದಿ ಬಾಳೆಹಣ್ಣು, ಏಲಕ್ಕಿ ಬಾಳೆಹಣ್ಣು, ಕೆಂಪು ಬಾಳೆಹಣ್ಣು, ಸೇಬುಹಣ್ಣು, ಕಿತ್ತಳೆಹಣ್ಣು, ದಾಳಿಂಬೆ ಹಣ್ಣು, ಚಿಕ್ಕು ಹಣ್ಣು, ಕಲ್ಲಂಗಡಿ ಹಣ್ಣು, ಕಿವಿ ಫ್ರೂಟ್, ಪೇರಲೆ ಹಣ್ಣು, ಮಾವಿನ ಹಣ್ಣು, ಸ್ಟ್ರಾಬೇರಿ, ಬಟರ್ ಫ್ರೂಟ್, ಸೀತಾ ಫಲ ಈ ಹಣ್ಣುಗಳನ್ನು ತಿನ್ನಬಹುದು.
ನೇಂದ್ರ, ಬೂದಿ ಬಾಳೆಹಣ್ಣು, ಏಲಕ್ಕಿ ಬಾಳೆಹಣ್ಣು ಮತ್ತು ಕೆಂಪು ಬಾಳೆಹಣ್ಣನ್ನ ಗರ್ಭಿಣಿಯರು ತಿನ್ನುವುದರಿಂದ ಮಲಬದ್ಧತೆ ಸಮಸ್ಯೆ ನಿವಾರಣೆಯಾಗುತ್ತದೆ. ಅಲ್ಲದೇ, ಶಕ್ತಿ ಬರುತ್ತದೆ. ಇದು ದೇಹವನ್ನು ತಂಪಾಗಿರಿಸುವುದರಿಂದ, ನಿಮ್ಮ ಮಗುವಿನ ಆರೋಗ್ಯವೂ ಉತ್ತಮವಾಗಿರುತ್ತದೆ. ಆದ್ರೆ ಬಾಳೆ ಹಣ್ಣನ್ನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸಬೇಡಿ. ಇದರಿಂದ ಶೀತವಾಗುವ ಸಾಧ್ಯತೆ ಇರುತ್ತದೆ.
ಸೇಬುಹಣ್ಣಿನ ಸೇವನೆಯಿಂದ ಮಗುವಿನ ತ್ವಚೆ (skin) ಮತ್ತು ಕೂದಲು (hair) ಆರೋಗ್ಯಕರವಾಗಿ, ಉತ್ತಮವಾಗಿ ಇರುತ್ತದೆ. ಅಲ್ಲದೇ, ತಾಯಿಯ ಆರೋಗ್ಯ ಮತ್ತು ಸೌಂದರ್ಯ ಕೂಡಾ ಇಮ್ಮಡಿಗೊಳ್ಳುತ್ತದೆ.
ಇನ್ನು ಕಿತ್ತಳೆ ಹಣ್ಣನ್ನು ಮತ್ತು ದಾಳಿಂಬೆ ಹಣ್ಣನ್ನು ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ತಿನ್ನಲು ಪ್ರಯತ್ನಿಸಿ. ಆದರೆ ಇವೆರಡೂ ಹಣ್ಣನ್ನು ಒಮ್ಮೆಲೆ ತಿನ್ನಬೇಡಿ. ಒಂದು ದಿನ ಆರೆಂಜ್ ತಿಂದರೆ, ಇನ್ನೊಂದು ದಿನ ದಾಳಿಂಬೆ ಹಣ್ಣನ್ನು ತಿನ್ನಿ. ಈ ಹಣ್ಣುಗಳ ಜ್ಯೂಸ್ ಕುಡಿದರೂ ಉತ್ತಮ. ಹೀಗೆ ಮಾಡುವುದರಿಂದ ಮಗುವಿನ ಮೆದುಳಿನ ಮತ್ತು ಹೃದಯದ ಬೆಳವಣಿಗೆ ಉತ್ತಮವಾಗಿರುತ್ತದೆ.
ಚಿಕ್ಕು ಹಣ್ಣು ಮತ್ತು ಕಿವಿ ಫ್ರೂಟ್ ಸೇವನೆಯಿಂದ ಹಿಮೋಗ್ಲೋಬಿನ್ ಪ್ರಮಾಣ ಹೆಚ್ಚುತ್ತದೆ. ನಿಮಗೆ ಕಿವಿ ಫ್ರೂಟ್ ತಿನ್ನಲು ಸಾಧ್ಯವಾಗದಿದ್ದಲ್ಲಿ, ಪ್ರತಿದಿನ ಒಂದು ಚಿಕ್ಕು ಹಣ್ಣನ್ನ ಸೇವಿಸಿ. ಇದರಿಂದ ಮೂಳೆ ಗಟ್ಟಿಗೊಳ್ಳುವುದರ ಜೊತೆಗೆ ದೇಹದಲ್ಲಿನ ಹಿಮೋಗ್ಲೋಬಿನ್ ಪ್ರಮಾಣ ಹೆಚ್ಚುತ್ತದೆ.
ಸ್ಟ್ರಾಬೇರಿ ಹಣ್ಣನ್ನು ತಿನ್ನಬಹುದಾದರೂ ಅಗತ್ಯಕ್ಕಿಂತ ಹೆಚ್ಚಿನ ಸ್ಟ್ರಾಬೇರಿ ಸೇವನೆ ಬೇಡ. ಇನ್ನು ಬಟರ್ ಫ್ರೂಟ್, ಸೀತಾ ಫಲ ತಿನ್ನುವುದರಿಂದ ನಿಮ್ಮ ಮತ್ತು ನಿಮ್ಮ ಮಗುವಿನ ತ್ವಚೆ ಸುಂದರಗೊಳ್ಳುತ್ತದೆ.
ನಿಮಗೆ ಬಟರ್ ಫ್ರೂಟ್, ಸ್ಟ್ರಾಬೇರಿ, ಆ್ಯಪಲ್‌ನಂಥ ಕಾಸ್ಟ್ಲಿ ಹಣ್ಣನ್ನ ಕೊಳ್ಳಲು ಸಾಧ್ಯವಾಗದಿದ್ದಲ್ಲಿ, ಆ ಬದಲು ಪೇರಲೆ ಹಣ್ಣು ಮತ್ತು ಕಲ್ಲಂಗಡಿ ಹಣ್ಣನ್ನ ಸೇವಿಸಿ. ಪ್ರತಿದಿನ ಅಥವಾ ವಾರಕ್ಕೆ ಮೂರು ದಿನ ಪೇರಲೆ ಹಣ್ಣು ತಿನ್ನಿ. ಸೇಬು ಹಣ್ಣಿನ ಗುಣಗಳೇ ಪೇರಲೆ ಹಣ್ಣಿನಲ್ಲಿದ್ದು, ಕಾಯಿಯಲ್ಲದ ಹೆಚ್ಚು ಹಣ್ಣಾಗದ ಪೇರಲೆ ಹಣ್ಣು ಸೇವಿಸುವುದು ಉತ್ತಮ. ಇನ್ನು ಕಲ್ಲಂಗಡಿ ಹಣ್ಣು ಎಲ್ಲ ಹಣ್ಣಿಗಿಂತಲೂ ಉತ್ತಮವಾದ ಹಣ್ಣಾಗಿದೆ. ಪ್ರತಿದಿನ ಅಥವಾ ವಾರಕ್ಕೆ ನಾಲ್ಕು ದಿನ ಮಿತವಾಗಿ ಕಲ್ಲಂಗಡಿ ಹಣ್ಣಿ ಸೇವನೆ ಮಾಡಿದರೆ, ಗರ್ಭಿಣಿಗೆ ಬೇಕಾದ ಅಷ್ಟೂ ಪೋಷಕಾಂಶಗಳು ಸಿಗುತ್ತದೆ. ಆದರೆ ಈ ಕಲ್ಲಂಗಡಿ ಹಣ್ಣನ್ನು ಮೂರು ತಿಂಗಳು ತುಂಬಿದ ಬಳಿಕ ಸೇವಿಸುವುದು ಉತ್ತಮ.
ಅತೀ ಮುಖ್ಯವಾದ ಅಂಶವೆಂದರೆ, ಕೆಲವರಿಗೆ ಮೂರು ತಿಂಗಳು ತುಂಬುವತನಕ ಈ ಮೇಲಿನ ಹಲವು ಹಣ್ಣುಗಳನ್ನು ನೀಡಲಾಗುವುದಿಲ್ಲ. ಯಾಕಂದ್ರೆ ಮೂರು ತಿಂಗಳವರೆಗೆ ಮಗು ತುಂಬಾ ನಾಜೂಕಾಗಿ ಇರುತ್ತದೆ. ಹಾಗಾಗಿ ಉತ್ತಮ ಆಹಾರ ತೆಗೆದುಕೊಳ್ಳುವುದು ಮುಖ್ಯವಾಗಿದೆ. ಹಾಗಾಗಿ ಮೊದಲ ಮೂರು ತಿಂಗಳು ಯಾವ ಹಣ್ಣುಗಳನ್ನು ತಿನ್ನಬಹುದು ಎಂದು ವೈದ್ಯರ ಬಳಿ ವಿಚಾರಿಸಿ, ನಂತರ ಆಹಾರ ತೆಗೆದುಕೊಳ್ಳುವುದು ಬಹು ಅವಶ್ಯಕವಾಗಿದೆ.
ಇನ್ನು ಗರ್ಭಿಣಿಯರು ತಿನ್ನಬಾರದ ಹಣ್ಣು ಅಂದ್ರೆ ಪಪ್ಪಾಯಿ ಹಣ್ಣು, ಅನಾನಸ್, ದ್ರಾಕ್ಷಿ, ಕಪ್ಪು ದ್ರಾಕ್ಷಿ, ನೇರಳೆ ಹಣ್ಣು, ಕಾಜು ಹಣ್ಣು, ಪಚ್ಚ ಬಾಳೆ ಹಣ್ಣುಗಳನ್ನು ತಿನ್ನಬಾರದು. ಅನಾನಸ್, ಪಪ್ಪಾಯಿ, ದ್ರಾಕ್ಷಿ ಹಣ್ಣಿನ ಸೇವನೆಯಿಂದ ಗರ್ಭಪಾತವಾಗುವ ಸಾಧ್ಯತೆ ಇರುತ್ತದೆ. ಇನ್ನು ಪಚ್ಚಬಾಳೆ ಹಣ್ಣು ತಿಂದರೆ, ಗರ್ಭಾವಸ್ಥೆಯಲ್ಲಿ ಸಮಸ್ಯೆಯಾಗುವುದರ ಜೊತೆಗೆ ಮಗು ಜನಿಸಿದ ಬಳಿಕ, ಅದಕ್ಕೂ ಪದೇ ಪದೇ ಶೀತವಾಗುವ ಸಾಧ್ಯತೆ ಇರುತ್ತದೆ. ಇದು ತಾಯಿ ಮಗು ಇಬ್ಬರ ಆರೋಗ್ಯಕ್ಕೂ ಕುತ್ತು ತರುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಈ ಹಣ್ಣುಗಳನ್ನು ಸೇವಿಸಬೇಡಿ.
ಆದ್ರೆ ಕೆಲವರು ಹಣ್ಣಾದ ಪಪ್ಪಾಯಿ ಹಣ್ಣನ್ನ (papaya) 7 ತಿಂಗಳು ತುಂಬಿದ ಬಳಿಕ ಸೇವಿಸಲು ಶುರುಮಾಡುತ್ತಾರೆ. ಆದ್ರೆ ಇದು ಕೆಲವರ ದೇಹಕ್ಕೆ ಒಗ್ಗಿದರೆ, ಇನ್ನು ಕೆಲವರ ದೇಹಕ್ಕೆ ಒಗ್ಗುವುದಿಲ್ಲ. ಹಾಗಾಗಿ ಪಪ್ಪಾಯಿ ಸೇವಿಸಲೇಬೇಕೆಂದರೆ ವೈದ್ಯರ ಬಳಿ ಈ ಬಗ್ಗೆ ಸಲಹೆ ಪಡೆದು ನಂತರ ಪಪ್ಪಾಯಿ ಸೇವಿಸಿ.
ಇದರ ಜೊತೆಗೆ ಹಲಸಿನ ಹಣ್ಣು (jackfruit) ಮತ್ತು ಮಾವಿನ ಹಣ್ಣು (mango) ತಿನ್ನಬೇಕೆಂದು ಬಯಕೆಯಾದಲ್ಲಿ ಮಾತ್ರ ತಿನ್ನಬೇಕೇ ಹೊರತು, ರುಚಿ ಇದೆಯೆಂದು ಅಗತ್ಯಕ್ಕಿಂತ ಹೆಚ್ಚು ತಿನ್ನಬಾರದು. ಹೆಚ್ಚೆಂದರೆ ನಾಲ್ಕು ಸೊಳೆ ಹಲಸಿನ ಹಣ್ಣು ತಿನ್ನಬಹುದು. ಅದಕ್ಕಿಂತ ಹೆಚ್ಚಿನ ಹಲಸಿನ ಹಣ್ಣಿನ ಸೇವನೆ ಹೊಟ್ಟೆ ನೋವಿಗೆ ಕಾರಣವಾಗಬಹುದು. ಅದೇ ರೀತಿ ಒಂದು ಸಣ್ಣ ತುಂಡು ಮಾವಿನ ಹಣ್ಣು ತಿಂದರೆ ಉತ್ತಮ. ಇನ್ನು ನಿಮಗೆ ಈ ಮೊದಲು ಹೇಳಿದ ಹಣ್ಣುಗಳನ್ನು ತಿಂದರೆ ಅಲರ್ಜಿಯಾಗುತ್ತದೆ ಎಂದಾದಲ್ಲಿ ಈ ಬಗ್ಗೆ ವೈದ್ಯರ ಬಳಿ ವಿಚಾರಿಸಿ, ಬಳಿಕ ಹಣ್ಣನ್ನ ಸೇವಿಸುವುದು ಉತ್ತಮ.
Health Tips: ಡ್ರೈಫ್ರೂಟ್ಸ್ ಸೇವನೆಯಿಂದ ಏನು ಲಾಭ..? ಇಲ್ಲಿದೆ ನೋಡಿ ಸಂಪೂರ್ಣ ಮಾಹಿತಿ
ಚಿಕ್ಕು ಹಣ್ಣು ಯಾವ ದೇಶದಿಂದ ಭಾರತಕ್ಕೆ ಬಂದಿದ್ದು? ಇದರ ಸೇವನೆಯಿಂದಾಗುವ ಪ್ರಯೋಜನಗಳೇನು?
Discussion about this post