ನಾನು ರೋಗಿಯಾಗಲು ಅಮ್ಮನೇ ಕಾರಣ: ತಾಯಿ ವಿರುದ್ಧವೇ ದಾವೆ ಹೂಡಿ ಗೆದ್ದ ಮಗಳು

ಲಂಡನ್: ಸ್ವತಃ ವೈದ್ಯೆಯಾಗಿದ್ದರೂ ಸರಿಯಾದ ಆಹಾರ ಮತ್ತು ಔಷಧವನ್ನು ಸೇವಿಸದೆ ತನ್ನನ್ನು ರೋಗಿಷ್ಠೆಯನ್ನಾಗಿ ಮಾಡಿದಳೆಂದು ತಾಯಿ ವಿರುದ್ಧವೇ ದಾವೆ ಹೂಡಿ ಮಗಳೊಬ್ಬಳು ಜಯಗಳಿಸಿದ್ದಾಳೆ.

ತನ್ನ ತಾಯಿ ಡಾ.ಕರೋಲಿನಾ ಗರ್ಭಿಣಿಯಾಗಿದ್ದಾಗ ವೈದ್ಯರ ಸಲಹೆಯಂತೆ ಔಷಧ ಹಾಗೂ ಆಹಾರವನ್ನು ತೆಗೆದುಕೊಳ್ಳಲಿಲ್ಲ. ಆದ ಕಾರಣ ತಾನು ಸ್ಪೈನಾ ಬೈಫಿಡಾ ಎಂಬ ಅಪರೂಪದ ಕಾಯಿಲೆಯಿಂದ ಬಳಲುವಂತಾಗಿದೆ. ಇದರಿಂದ ಬೆನ್ನುಹುರಿಯಲ್ಲಿ ಸಮಸ್ಯೆಯಾಗಿದೆ ಮೂಗಿನ ಮೂಲಕ ನಳಿಕೆಯನ್ನು ಹಾಕಿಕೊಂಡಿರಬೇಕಾಗುತ್ತದೆ. ಈ ಅನಾರೋಗ್ಯಕ್ಕೆ ತಾಯಿಯ ಬೇಜವಾಬ್ದಾರಿಯೇ ಕಾರಣ ಎಂದು ಇವೀ ಟೂಂಬ್ಸ್ ಎಂಬ 20ರ ಪ್ರಾಯದ ಯುವತಿ ಲಂಡನ್ ಹೈಕೋರ್ಟಿಗೆ ದಾವೆ ದಾಖಲಿಸಿದ್ದಳು. ಇದರ ವಿಚಾರಣೆ ನಡೆಸಿದ ಕೋರ್ಟ್, ಸ್ವತಃ ವೈದ್ಯೆ ಆಗಿದ್ದು, ಪ್ರಸೂತಿ ತಜ್ಞರ ಶಿಫಾರಸನ್ನು ಉದಾಸೀನ ಮಾಡಿ ರೋಗಿಷ್ಠ ಶಿಶುವಿಗೆ ಜನ್ಮ ನೀಡಿದ ತಾಯಿಯಿಂದ ತಪ್ಪಾಗಿದೆ. ಹೀಗಾಗಿ ಆಕೆ ಮಗಳಿಗೆ ಪರಿಹಾರ ಕೊಡಬೇಕು ಎಂದು ಕೋರ್ಟ್ ಅಭಿಪ್ರಾಯಪಟ್ಟಿದೆ.

ವೈದ್ಯ ಫಿಲಿಪ್ ಮಿಚಿಲ್ ತನ್ನ ತಾಯಿಗೆ ಸೂಕ್ತ ಸಲಹೆ ನೀಡಲಿಲ್ಲ. ಸ್ಪೈನಾ ಬೈಫಿಡಾ ಸಮಸ್ಯೆಯನ್ನು ತಗ್ಗಿಸುವ ಫಾಲಿಕ್ ಆಸಿಡ್ ಔಷಧ ಸೇವನೆ ಮಾಡುವಂತೆ ಹೇಳಿರಲಿಲ್ಲ. ಹೀಗೆ ಮಾಡಿದ್ದೆ ಆಕೆ ಗರ್ಭಿಣಿಯಾಗುವುದನ್ನು ಮುಂದೂಡುತ್ತಿದ್ದಳು ಎಂದು ಇವೀ ಟೂಂಬ್ಸ್ ಮೊದಲು ಡಾ.ಫಿಲಿಪ್‌ರನ್ನು ಕೋರ್ಟ್ಗೆ ಎಳೆದಿದ್ದಳು. ಆದರೆ, ಡಾ. ಫಿಲಿಪ್, ತನಗೆ ಸರಿಯಾಗಿಯೇ ಔಷಧ ಶಿಫಾರಸು ಮಾಡಿದ್ದರು. ನಾನೇ ತೆಗೆದುಕೊಳ್ಳದೆ ಉದಾಸೀನ ಮಾಡಿದೆ ಎಂದು ಡಾ.ಕರೋಲಿನಾ ಕೋರ್ಟ್ ಮುಂದೆ ತಪ್ಪೊಪ್ಪಿಕೊಂಡರು. ಸ್ಪೈನಾ ಬೈಫಿಡಾಗೆ ತುತ್ತಾಗಿದೆ ಎಂದು ಕೋರ್ಟ್ಗೆ ಮನವರಿಕೆ ಮಾಡಿಕೊಟ್ಟರು.

ಇದನ್ನು ಮಾನ್ಯ ಮಾಡಿದ ಕೋರ್ಟ್, ತಾಯಿಗೆ ದೊಡ್ಡ ಮೊತ್ತವನ್ನು ಪರಿಹಾರವಾಗಿ ನೀಡಲು ಸೂಚಿಸಿದೆ. ಪರಿಹಾರದ ಮೊತ್ತ ಎಷ್ಟು ಎಂಬುದನ್ನು ಲೆಕ್ಕಹಾಕಿಲ್ಲ. ಆದರೆ ಇವೀಗೆ ಜೀವನ ಪರ್ಯಂತ ಆರೈಕೆಗೆ ಬೇಕಾದಷ್ಟು ಮೊತ್ತವಂತೂ ಇದೆ ಎಂದು ಅಕೆಯ ವಕೀಲರು ಹೇಳಿದ್ದಾರೆ. ಇದು ಮೈಲಿಗಲ್ಲಿನ ತೀರ್ಪಾಗಿದ್ದು, ವೈದ್ಯಕೀಯ ವೃತ್ತಿಯಲ್ಲಿ ಇರುವವರು ಅಸಡ್ಡೆ ಮಾಡಿದ್ದಕ್ಕೆ ಅನಾರೋಗ್ಯ ಪೀಡಿತ ಮಗು ಜನಿಸಿದರೆ ಅದಕ್ಕೆ ತಕ್ಕ ಬೆಲೆ ತೆರಬೇಕು ಎಂಬುದನ್ನು ಸಾರಿದೆ ಎಂದು ವಕೀಲರು ಹೇಳಿದ್ದಾರೆ.

A woman who sued her mother’s doctor

ಇದನ್ನೂ ಓದಿ: Health: ಆಗಾಗ ಸುಸ್ತು ಹಾಗೂ ನಿಶ್ಶಕ್ತಿಯಿಂದ ಬಳಲುತ್ತಿದ್ದೀರಾ? ಇಲ್ಲಿವೆ 5 ಸುಲಭ ಪರಿಹಾರೋಪಾಯಗಳು