ನವದೆಹಲಿ: ಅರವತ್ತು ಸಾವಿರ ಕೋಟಿ ರೂಪಾಯಿಗೂ ಹೆಚ್ಚು ನಷ್ಟದಿಂದ ಬಿಳಿಯಾನೆ ಆಗಿದ್ದ ಏರ್ ಇಂಡಿಯಾವನ್ನು ಅದರ ಮಾತೃ ಸಂಸ್ಥೆ ಟಾಟಾ ಸಮೂಹಕ್ಕೆ ವಹಿಸಿಕೊಟ್ಟ ನಂತರ ಸಾರ್ವಜನಿಕ ವಲಯದ ಉದ್ದಿಮೆಗಳ ಷೇರುವಿಕ್ರಯ ವಿಷಯದಲ್ಲಿ ಸರ್ಕಾರದ ವಿಶ್ವಾಸ ಇಮ್ಮಡಿಸಿದೆ. ಭಾಗಶಃ ಮಾರಾಟ ಮಾಡಿದರೆ ಖಾಸಗಿ ವಲಯದವರು ಆಸಕ್ತಿ ತೋರುವುದಿಲ್ಲ ಎಂಬ ಸತ್ಯನವನ್ನುಏರ್‌ ಇಂಡಿಯಾ ಮಾರಾಟದಿಂದ ಕಂಡುಕೊಂಡಿರುವ ಸರ್ಕಾರ, ಸಂಪೂರ್ಣ ಷೇರುವಿಕ್ರಯಕ್ಕೆ ಏರ್ ಇಂಡಿಯಾ ಮಾರಾಟದ ಮಾದರಿಯನ್ನೆ ಅನುಸರಿಸಲು ನಿರ್ಧರಿಸಿದೆ.
2020-21ರ ಬಜೆಟ್‌ನಲ್ಲಿ ಘೋಷಿಸಿದಂತೆ ಗುರುತಿಸಲಾಗಿರುವ ಹಲವು ಪಿಎಸ್‌ಯುಗಳನ್ನು ಖಾಸಗಿ ವಲಯಕ್ಕೆ ಮಾರಾಟ ಮಾಡುವ ಪ್ರಕ್ರಿಯೆ ಚುರುಕಿನಿಂದ ಮಾಡಲಾಗುವುದು ಎಂದು ಹೂಡಿಕೆ ಮತ್ತು ಸಾರ್ವಜನಿಕ ಸ್ವತ್ತು ನಿರ್ವಹಣಾ ಇಲಾಖೆ (ಡಿಐಪಿಎಎಂ) ಕಾರ್ಯದಶರ್ಶಿ ತುಹಿನ್ ಕಾಂತ ಪಾಂಡೆ ಆಂಗ್ಲ ದೈನಿಕವೊಂದಲ್ಲೆ ಇತ್ತೀಚೆಗೆ ನೀಡಿರುವ ಸಂದರ್ಶನದಲ್ಲಿ ಹೇಳಿದ್ದಾರೆ.
ಮಾರಾಟಕ್ಕೆ ಸಿದ್ಧವಾಗಿರುವ ಪಿಎಸ್‌ಯುಗಳು
ಭಾರತ್‌ ಪೆಟ್ರೋಲಿಯಂ (ಬಿಪಿಸಿಎಲ್‌), ಶಿಪ್ಪಿಂಗ್‌ ಕಾರ್ಪೋರೇಷನ್ ಆಫ್‌ ಇಂಡಿಯಾ, ಪವನ್ ಹನ್ಸ್‌, ಸೆಂಟ್ರಲ್‌ ಎಲೆಕ್ಟ್ರಾನಿಕ್ಸ್, ಭಾರತೀಯ ಉಕ್ಕು ಪ್ರಾಧಿಕಾರ ನಿಯಮಿತದ (ಎಸ್ಎಐಎಲ್) ಕೆಲವು ಘಟಕಗಳು, ಭಾರತ್‌ ಅರ್ಥ್‌ ಮೂವರ್ಸ್‌ ಲಿಮಿಟೆಡ್ (ಬಿಇಎಂಎಲ್), ನೀಲಾಚಲ್‌ ಇಸ್ಪಾತ್‌ ನಿಗಮ.
ಷೇರುವಿಕ್ರಯದ ನಿರೀಕ್ಷೆಯಲ್ಲಿರುವ ಉದ್ದಮೆಗಳು
ರಾಷ್ಟ್ರೀಯ ಇಸ್ಪಾತ್‌ ನಿಗಮ, ಇಂಡಸ್ಟ್ರಿಯಲ್‌ ಡೆವಲಪ್‌ಮೆಂಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಐಡಿಬಿಐ), ಫೆರೋ ಸ್ಕ್ರ್ಯಾಪ್‌ ನಿಗಮ, ಕಾನ್ಕರ್, ಪ್ರಾಜೆಕ್ಟ್ ಆಂಡ್‌ ಡೆವಲಪ್‌ಮೆಂಟ್‌ ಲಿಮಿಟೆಡ್ (ಪಿಡಿಐಎಲ್), ಇಂಡಿಯನ್‌ ಮೆಡಿಸಿನ್‌ ಫಾರ್ಮಾಸ್ಯುಟಿಕಲ್ ಕಾರ್ಪೋರೇಷನ್ ಲಿಮಿಟೆಡ್ (ಐಎಂಪಿಸಿಎಲ್) ಎಚ್‌ಎಲ್‌ಎಲ್‌ ಲೈಫ್‌ ಕೇರ್.
ಪಾಂಡೆ ಅವರ ಸಂದರ್ಶನಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಪರ ಮತ್ತು ವಿರುದ್ಧ ಪ್ರತಿಕ್ರಿಯೆಗಳು ವ್ಯಕ್ತವಾಗಿದೆ.
ಬಿಎಸ್‌ಎನ್‌ಎಲ್‌ ಅನ್ನು ಸರ್ಕಾರ ಖಾಸಗಿಕರಣ ಮಾಡುವುದಿಲ್ಲ ಎಂದು ಹೇಳಲಾಗುತ್ತಿದೆ ಆದರೆ, ಇದನ್ನು ಮಾರಾಟ ಮಾಡಿ ಖಾಸಗಿ ದೂರಸಂಪರ್ಕ ಕಂಪನಿಗಳಿಗೆ ತಕ್ಕಂತೆ ಸ್ಪಧರ್ಧಾತ್ಮಕಗೊಳಿಸುವುದು ಒಳಿತು ಎಂದು ಆರ್‌. ರಾವೇಂದ್ರನ್‌ ಹೇಳಿದ್ದಾರೆ. ಸರ್ಕಾರ ಪರಿಪೂರ್ಣವಾಗಿ ಷೇರುವಿಕ್ರಯ ಮಾಡುವುದರ ಬದಲು ಕೆಲವು ಷೇರುಗಳನ್ನು ಇಟ್ಟುಕೊಳ್ಳುವುದು ಒಳ್ಳೆಯದ್ದು ಎಂದು ದೀಪ್‌ ದಯಾರಾಮ್‌ ಘಿಂದ್ವಾನಿ ಅಭಿಪ್ರಾಯಪಟ್ಟಿದ್ದಾರೆ.
ಎನ್‌ಡಿಎ ಸರ್ಕಾರಕ್ಕೆ ಇನ್ನೆರಡೂವರೆ ವರ್ಷ ಅಧಿಕಾರ ಇದೆ. ಈ ಅವಧಿಯಲ್ಲಿ ನಷ್ಟದಲ್ಲಿರುವ ಸಕರ್ಕಾರಿ ಸ್ವಾಮ್ಯದ ಉದ್ದಿಮೆಗಳನ್ನು ಪರಭಾರೆ ಮಾಡಬೇಕು. ಇದರಿಂದ ಸರ್ಕಾರಕ್ಕೆ ಲುಕ್ಸಾನು ತಪ್ಪುತ್ತದೆ ಮತ್ತು ಒಂದಿಷ್ಟು ಬಂಡವಾಳ ಶೇಖರವಾಗುತ್ತದೆ ಎಂದು ಕೆ.ಎಸ್‌.ಅಧಿಕಾರಿ ಹೇಳಿದ್ದಾರೆ.
Air India Makes way for Disinvestment of many PSUs
ಇದನ್ನೂ ಓದಿ: ಏರ್ ಇಂಡಿಯಾ ಆಕಾರದ ಕೂಕಿ ಹಂಚಿಕೊಂಡ ಟಾಟಾ
ಇದನ್ನೂ ಓದಿ: ಮುಂಬೈ ಬಿಇಎಸ್‌ಟಿ ಡಿಪೋದಲ್ಲಿ ಟಾಟಾ ಸಂಸ್ಥೆಯಿಂದ ವಿದ್ಯುಚ್ಚಾಲಿತ ಬಸ್‌ಗಳ ಸಂಪೂರ್ಣ ಚಾರ್ಜಿಂಗ್ ಘಟಕ ಸ್ಥಾಪನೆ
Discussion about this post