ಕಂದಮ್ಮಗಳಿಗೆ ಮುತುವರ್ಜಿಯ ಅಗತ್ಯತೆ; ಅವಧಿ ಪೂರ್ವ ಶಿಶುಗಳ ಆರೈಕೆಗೆ ಇಲ್ಲಿದೆ ಸಲಹೆ

ನವಮಾಸ ತುಂಬಿದಾಗ ಶಿಶುಗಳ ಜನನ ಎಂಬುದು ವಾಡಿಕೆಯ ಹೇಳಿಕೆ. ಆದರೆ, ಅವಧಿ ಪೂರ್ವವಾಗಿ ಅಂದರೆ 7 ಇಲ್ಲವೆ 8ನೇ ತಿಂಗಳಲ್ಲೂ ಮಕ್ಕಳು ಅಥವಾ 8 ತಿಂಗಳು ತುಂಬಿ 9ನೇ ಮಾಸಕ್ಕೆ ಮುಂಚೆ ಶಿಶುಗಳು ಜನಿಸುತ್ತವೆ. 37 ವಾರಕ್ಕೂ ಮುನ್ನ ಜನಿಸಿದ ಕಂದಮ್ಮಗಳನ್ನು ಅವಧಿಪೂರ್ವ ಜನನ (ಪ್ರಿಮೆಚೂರ್‌ ಬೇಬಿ) ಎಂದೇ ವೈದ್ಯಕೀಯ ಭಾಷೆಯಲ್ಲಿ ಕರೆಯಲಾಗುತ್ತದೆ.

ಇಂಥ ಮಕ್ಕಳನ್ನು ನವಜಾತ ಶಿಶುಗಳ ತೀವ್ರ ನಿಗಾ ಘಟಕ (ಎನ್‌ಐಸಿಯು)ದಲ್ಲಿ ಇರಿಸಿ ಆರೈಕೆ ಮಾಡಲಾಗುತ್ತದೆ. ಇಂಥ ಮಗುವನ್ನು ಮನೆಗೆ ಕರೆತಂದ ಮೇಲೆ ಪಾಲಕರು ಹೆಚ್ಚು ಮುತುವರ್ಜಿಯಿಂದ ನೋಡಿಕೊಳ್ಳಬೇಕು. ಏಕೆಂದರೆ ಇವು ಬಾಹ್ಯ ಪರಿಸರದ ಬಗ್ಗೆ ಹೆಚ್ಚು ಸೂಕ್ಷ್ಮವಾಗಿರುತ್ತವೆ. ಈ ಮಕ್ಕಳಿಗೆ ಸ್ನಾನ ಮಾಡಿಸುವುದು, ಹಾಲುಣಿಸುವಾಗಲು ಎಚ್ಚರ ಅಗತ್ಯ. ವೈದ್ಯರ ಸಲಹೆಯಂತೆಯೇ ಮಾಡಬೇಕು.An essential guide for parents with preemies

ಪ್ರಿಮೆಚೂರ್‌ ಬೇಬಿಗಳ ಬಗ್ಗೆ ಪಾಲಕರಲ್ಲಿ ಅನೇಕ ಪ್ರಶ್ನೆಗಳಿರುವುದು ಸಹಜ. ಅದರಲ್ಲೂ ಆರೋಗ್ಯದ ಬಗ್ಗೆ ತೀವ್ರ ಕಳಕಳಿಯನ್ನು ಹೊಂದಿರುತ್ತಾರೆ. ಮಕ್ಕಳ ಬೆಳವಣಿಗೆ ಹೇಗೆ, ಏನು ಎಂದು ಚಿಂತಿತರಾಗಿರುತ್ತಾರೆ. ಇಂಥ ಪಾಲಕರಿಗೆ ನವಜಾತ ಶಿಶುಗಳ ತಜ್ಞ ಡಾ.ಕಿಶೋರ್‌ ಕುಮಾರ್‌ ಕೆಲವು ಸಲಹೆಗಳನ್ನು ನೀಡಿದ್ದಾರೆ.

* ನವಜಾತ ಶಿಶುಗಳ ಜನನ ತಾಯಿಯಿಂದಾಗುವ ತಪ್ಪು ಎಂಬ ಭ್ರಮೆ ಬೇಡ. ಬಾಣಂತಿಯರು ಇಂಥ ಕೆಟ್ಟ ಆಲೋಚನೆಯನ್ನು ಮೊದಲ ತಲೆಯಿಂದ ತೆಗೆದುಹಾಕಬೇಕು. ಇಲ್ಲದಿದ್ದರೆ ಮಾನಸಿಕ ಒತ್ತಡ ಕಾಡುತ್ತದೆ.
* ಕುಟುಂಬದವರು ಅವಧಿಪೂರ್ವ ಮಗು ಜನನಕ್ಕೆ ತಾಯಿಯನ್ನು ದೂಷಿಸುವುದನ್ನು ಬಿಡಬೇಕು. ಇಲ್ಲದಿದ್ದರೆ ಆಕೆಗೆ ಮಗುವಿನ ಮೇಲೆ ಸಿಟ್ಟು ಹೆಚ್ಚುತ್ತದೆ. ಇಂಥ ತಾಯಂದಿರಿಗೆ ಕುಟುಂಬದ ಬೆಂಬಲ ಹೆಚ್ಚು ಬೇಕಾಗುತ್ತದೆ.
* ಅವಧಿ ಪೂರ್ವ ಜನಿಸಿದ ಶಿಶುವಿನ ಪಾಲಕರಲ್ಲಿ ಅನೇಕ ಪ್ರಶ್ನೆಗಳು ಸಾಮಾನ್ಯವಾಗಿ ಇರುತ್ತವೆ. ಆದರೆ, ಗಾಬರಿಯಾಗುವುದು ಬೇಡ.
* ಇಂಥ ಮಕ್ಕಳಲ್ಲಿ ಉಸಿರಾಟದ ಸಮಸ್ಯೆ ಇರುವ ಸಾಧ್ಯತೆ ಇದೆ. ಹೃದ್ರೋಗ, ಜೀರ್ಣ ಸಮಸ್ಯೆ, ರಕ್ತಹೀನತೆ, ಕಾಮಾಲೆ. ಸೋಂಕು ತಗುಲಿರುವಿಕೆ ಇರಬಹುದು. ಇವೆಲ್ಲವೂ ಗುಣಪಡಿಸಬಹುದಾದ ಕಾಯಿಲೆಗಳು. ಆದರೆ, ಪಾಲಕರು ಒತ್ತಡಕ್ಕೆ ಒಳಗಾಗಬಾರದು. ಸಂಯಮದಿಂದ ಮಗುವಿನ ಆರೋಗ್ಯ ಸ್ಥಿತಿಯನ್ನು ಉತ್ತಮ ಪಡಿಸಲು ಮುಂದಾಗಬೇಕು ಮತ್ತು ವೈದ್ಯರಿಗೆ ಸಹಕರಿಸಬೇಕು.
* ಎನ್‌ಐಸಿಯುನಿಂದ ಮಗುವನ್ನು ಮನೆಗೆ ಕರೆದುಕೊಂಡ ಹೋದ ನಂತರ ಮೂರು ತಿಂಗಳ ಅತ್ಯಂತ ಜತನದಿಂದ ನೋಡಿಕೊಳ್ಳಬೇಕು. ವೈದ್ಯರ ಸಲಹೆಯನ್ನು ತಪ್ಪದೆ ಪಾಲಿಸಬೇಕು.

ಇದನ್ನೂ ಓದಿ: ಐದರಿಂದ ಎಂಟನೆಯ ತರಗತಿಯ ವಿದ್ಯಾರ್ಥಿಗಳಿಗೆ ಆರೋಗ್ಯ ಮತ್ತು ಔಷಧವಿಜ್ಞಾನ ಪ್ರಬಂಧ ಸ್ಪರ್ಧೆ