ವಿಷಯುಕ್ತ ಕೆಮಿಕಲ್ಸ್​ ಹೊಂದಿರುವ ಚೀನಾ ಆಟಿಕೆಗಳು ಅಮೆರಿಕದಲ್ಲಿ ಮುಟ್ಟುಗೋಲು

ಬಾಲ್ಟಿಮೋರ್​ (ಅಮೆರಿಕ): ವಿಷಕಾರಿಯೆಂದು ಪರಿಗಣಿತವಾದ ರಾಸಾಯನಿಕದ ಅಂಶಗಳಿರುವ ಚೀನಾದ ಆಟಿಕೆಗಳನ್ನು ಅಮೆರಿಕ ಮುಟ್ಟಗೋಲು ಹಾಕಿಕೊಂಡಿದೆ. ಬಾಲ್ಟಿಮೋರ್​ ಬಂದರಿಗೆ ಸರಕು ಸಾಗಣೆ ಸಹಜಿನಲ್ಲಿ ಇಂಥ ಆಟಿಕೆಗಳು ಬಂದಿದ್ದವು.

ಚೀನಾದಲ್ಲಿ ತಯಾರಾದ ಈ ಟಾಯ್ಸ್​ಗೆ ಸೀಸ, ಕಾಡ್ಮಿಯಂ ಮತ್ತು ಬೇರಿಯಂ ವಿಷಕಾರಿ ರಾಸಾಯನಿಕಗಳನ್ನು ಲೇಪಿಸಲಾಗಿದ್ದು, ಇಂಥ ಅಸುರಕ್ಷಿತ ಟಾಯ್ಸ್​ ಅನ್ನು ಮಕ್ಕಳು ಬಳಸಿದರೆ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟಾಗುತ್ತದೆ. ಆದ್ದರಿಂದ ಚೀನಾದ ಆಟಿಕೆಗಳನ್ನು ಖರೀದಿಸುವಾಗ ಪೋಷಕರು ಎಚ್ಚರ ವಹಿಸಬೇಕು ಎಂದು ಅಮೆರಿಕದ ಸೀಮಾಸುಂಕ ಮತ್ತು ಗಡಿ ರಕ್ಷಣೆ (ಸಿಬಿಪಿ) ಇಲಾಖೆ ತಿಳಿಸಿದೆ.

ಬಾಲ್ಟಿಮೋರ್​ ಬಂದರಿನಲ್ಲಿ ಸಿಬಿಪಿ ಮತ್ತು ಗ್ರಾಹಕರ ಉತ್ಪನ್ನ ಸುರಕ್ಷತಾ ಆಯೋಗ (ಸಿಪಿಎಸ್​ಸಿ)ತಂಡಗಳು ಆಗಸ್ಟ್​ನಲ್ಲಿ ಜಂಟಿ ಕಾರ್ಯಾಚರಣೆ ನಡೆಸಿ ಚೀನಾದಿಂದ ಬಂದಿದ್ದ ಆಟಿಕೆಗಳ ಸುರಕ್ಷತೆಯನ್ನು ಪರಿಶೀಲಿಸಿತು. ಅವುಗಳಲ್ಲಿ ಅಪಾಯಕಾರಿ ರಾಸಾಯನಿಕಗಳು ಇರುವುದು ಮೇಲ್ನೋಟಕ್ಕೆ ಕಂಡುಬಂತು. ಹೀಗಾಗಿ ಇದನ್ನು ಕಳೆದ ಆಗಸ್ಟ್​ 24ರಂದು ಸಿಪಿಎಸ್​ಸಿ ಪ್ರಯೋಗಾಲಯಕ್ಕೆ ರವಾನಿಸಲಾಯಿತು. ಆಟಿಕೆಗಳಲ್ಲಿ ಸೀಸ, ಕಾಡ್ಮಿಯಂ, ಬೇರಿಯಂ ರಾಸಾಯನಿಕಗಳು ಇರುವುದು ಖಚಿತ ಆಯಿತು. ನಂತರ ಆಟಿಕೆಗಳಿದ್ದ ಇಡೀ ಕಂಟೈನರ್​ ವಶಕ್ಕೆ ಪಡೆಯಲಾಗಿದೆ.

ಮಕ್ಕಳ ಆರೋಗ್ಯ ಆದ್ಯತೆಯ ವಿಷಯ. ಜತೆಗೆ ಗ್ರಾಹಕರ ಸುರಕ್ಷತೆಯೂ ಮುಖ್ಯವಾದ ಕಾರಣ ಚೀನಾದ ಆಟಿಕೆಗಳನ್ನು ಜಪ್ತಿ ಮಾಡಲಾಗಿದೆ ಎಂದು ಬಾಲ್ಟಿಮೋರ್​ ಬಂದರಿನ ಸಿಬಿಪಿ ಪ್ರಾದೇಶಿಕ ನಿರ್ದೇಶಕ ಆ್ಯಡಂ ರೋಟ್ಮನ್​ ತಿಳಿಸಿದ್ದಾರೆ.

ಚೀನಾದಿಂದ ಬಂದ ಏಳು ಕಂಟೈನರ್​ಗಳ 295 ಪ್ಯಾಕೇಜ್​ಗಳಲ್ಲಿ ಲಗೋರಿ ಆಟದ ಸರಕು ಇದ್ದವು. ಇದು ಅಪಾಯಕಾರಿ ರಾಸಾಯನಿಕಗಳಿಂದ ಕೂಡಿದೆ. ಹೀಗಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದಿದ್ದಾರೆ. ಈ ಲಂಗೋರಿ ಆಟದ ಚೀನಾ ಟಾಯ್ಸ್​ ಭಾರತದಲ್ಲಿಯೂ ಬಹು ಜನಪ್ರಿಯವಾಗಿದೆ.

China Toys Seized in America

ಇದನ್ನೂ ಓದಿ: ತೈವಾನ್‌ ಗಡಿಯಲ್ಲಿ ಭೋರ್ಗರೆದ ಯುದ್ಧ ವಿಮಾನಗಳು: ದ್ವೀಪ ರಾಷ್ಟ್ರದ ಮೇಲೆ ಹೆಚ್ಚುತ್ತಿದೆ ಚೀನಾ ದಬ್ಬಾಳಿಕೆ
ಇದನ್ನೂ ಓದಿ: Xiaomi: ವಿದ್ಯುತ್ ಕಾರುಗಳ ಉತ್ಪಾದನಾ ರಂಗಕ್ಕೆ ಧುಮುಕಲಿದೆ ಚೀನಾದ ಸ್ಮಾರ್ಟ್‌ಫೋನ್ ದಿಗ್ಗಜ ಶಿಯೋಮಿ