ಮುಂಬೈ ಬಿಇಎಸ್‌ಟಿ ಡಿಪೋದಲ್ಲಿ ಟಾಟಾ ಸಂಸ್ಥೆಯಿಂದ ವಿದ್ಯುಚ್ಚಾಲಿತ ಬಸ್‌ಗಳ ಸಂಪೂರ್ಣ ಚಾರ್ಜಿಂಗ್ ಘಟಕ ಸ್ಥಾಪನೆ

ಮುಂಬೈ: ದೇಶದ ಪ್ರಮುಖ ವಾಣಿಜ್ಯೋದ್ದೇಶದ ವಾಹನಗಳ ತಯಾರಕರಾದ ಟಾಟಾ ಮೋಟಾರ್ಸ್ ಸಂಸ್ಥೆಯು ಮುಂಬೈನ ವೊರ್ಲಿಯ ಬಿಇಎಸ್‌ಟಿ (ಬೃಹನ್ಮುಂಬಯಿ ವಿದ್ಯುತ್ ಸರಬರಾಜು ಮತ್ತು ಸಾರಿಗೆ ಸಂಸ್ಥೆ)ಯ ಡಿಪೋದಲ್ಲಿ ಸಂಪೂರ್ಣ ವಿದ್ಯಚ್ಚಾಲಿತ ಬಸ್‌ಗಳ ಚಾರ್ಜಿಂಗ್ ಘಟಕವನ್ನು ಸ್ಥಾಪಿಸಿದೆ.

ಬ್ಯಾಕ್‌ಬೇ, ಮಾಲ್ವಾನಿ, ಮತ್ತು ಶಿವಾಜಿನಗರ ಡಿಪೋಗಳ ನಂತರ ಇದು ನಾಲ್ಕನೆಯ ಘಟಕವಾಗಿದೆ. ಟಾಟಾ ಸಂಸ್ಥೆಯು ತನ್ನ ವಿದ್ಯುಚ್ಚಾಲಿತ ಬಸ್‌ಗಳನ್ನು ನಗರದ ಸಾರ್ವಜನಿಕ ಸಾರಿಗೆ ಸಂಸ್ಥೆಗೆ ಸರಬರಾಜು ಮಾಡುತ್ತಿದ್ದು ಈ ಹೊಸ ಘಟಕದ ಸ್ಥಾಪನೆಯು ನಗರದಲ್ಲಿ ವಿದ್ಯುಚ್ಚಾಲಿತ ಬಸ್‌ಗಳು ಹೆಚ್ಚಿನ ಸೇವೆ ನೀಡಲು ಸಹಾಯಕವಾಗುತ್ತದೆ.

ಟಾಟಾ ಮೋಟಾರ್ಸ್‌ ಸಂಸ್ಥೆಯ ಬಸ್‌ ತಯಾರಿಕಾ ವಿಭಾಗದ ಉಪಾಧ್ಯಕ್ಷರಾದ ರೋಹಿತ್ ಶ್ರೀವಾಸ್ತವರವರು “ವೊರ್ಲಿಯ ಸಂಪೂರ್ಣ ವಿದ್ಯುಚ್ಚಾಲಿತ ಬಸ್ ಚಾರ್ಜಿಂಗ್ ಘಟಕದ ಸ್ಥಾಪನೆಯ ಪ್ರಕ್ರಿಯೆ ಪೂರ್ಣಗೊಂಡಿದೆಯೆಂದು ತಿಳಿಸಲು ನಾವು ಹರ್ಷಿಸುತ್ತೇವೆ ಎಂದು ತಿಳಿಸಿದರು.  ಮುಂದುವರೆದು ಮಾತನಾಡಿದ ಅವರು, ಟಾಟಾ ಮೋಟಾರ್ಸ್‌ ಸಂಸ್ಥೆಯು ಪರ್ಯಾಯ ಇಂಧನ ತಂತ್ರಜ್ಞಾನವನ್ನು ಪೂರೈಸುವಲ್ಲಿ ಮುಂಚೂಣಿಯಲ್ಲಿದ್ದು ವಿದ್ಯಚ್ಚಾಲಿತ ಬಸ್‌ಗಳ ತಯಾರಿಕೆಯಲ್ಲಿ ಪ್ರಮುಖ ಸ್ಥಾನದಲ್ಲಿದ್ದೇವೆಂದ ತಿಳಿಸಿದರು. ವಿದ್ಯುಚ್ಚಾಲಿತ ಬಸ್‌ಗಳ ಸರಬರಾಜು ಮಾತ್ರವಲ್ಲದೇ ಇವುಗಳಿಗೆ ಸಂಪೂರ್ಣ ಚಾರ್ಜಿಂಗ್ ಘಟಕದ ನಿರ್ಮಾಣ, ನಿರ್ವಹಣೆ, ಮತ್ತು ಕಾರ್ಯಾಚರಣೆಯ ವಿಷಯಗಳಲ್ಲೂ ಬಿಇಎಸ್‌ಟಿ ಯೊಂದಿಗೆ ಕೈಜೋಡಿಸಿರುವುದು ನಮಗೆ ಹೆಮ್ಮೆ ಪಡುವಂತಹ ವಿಷಯವಾಗಿದೆ ಎಂದೂ ತಿಳಿಸಿದರು.

ಉದ್ಘಾಟನಾ ಸಮಾರಂಭದಲ್ಲಿ ಮಾತನಾಡಿದ ಬಿಇಎಸ್‌ಟಿ ಸಂಸ್ಥೆಯ ಜನರಲ್ ಮ್ಯಾನೇಜರ್, ಲೋಕೇಶ್ ಚಂದ್ರ, ಐಎಎಸ್, ರವರು “ವಿದ್ಯುಚ್ಚಾಲಿತ ಬಸ್‌ಗಳ ನಾಲ್ಕನೆಯ ಘಟಕವಾಗಿ ವೊರ್‌ಲಿಯಿಂದ ಕಾರ್ಯಾಚರಣೆ ಪ್ರಾರಂಭ ಮಾಡತ್ತಿರುವುದು ಅತ್ಯಂತ ಸಂತೋಷದ ವಿಷಯವಾಗಿದ್ದು ಇದರಿಂದ ಪರಿಸರಸ್ನೇಹಿ ವಿದ್ಯುತ್ ಬಸ್‌ಗಳ ಸೇವೆಯನ್ನು ಪ್ರಯಾಣಿಕರ ಸೌಲಭ್ಯಕ್ಕಾಗಿ ಇನ್ನೂ ಹೆಚ್ಚಿನ ಪ್ರದೇಶಗಳಿಗೆ ವಿಸ್ತರಿಸಲು ಸಾಧ್ಯವಾಗುತ್ತದೆ ಎಂದು ತಿಳಿಸಿದರು. ಅಲ್ಲದೇ, ಬಿಇಎಸ್‌ಟಿ ಸಂಸ್ಥೆಯು ತನ್ನ ಎಲ್ಲಾ ವಾಹನಗಳನ್ನು ವಿದ್ಯದೀಕರಣಗೊಳಿಸಲು ಬದ್ಧವಾಗಿದ್ದು ಟಾಟಾ ಮೋಟಾರ್ಸ್ ಸಂಸ್ಥೆಯೊಂದಿಗೆ ಕೈಜೋಡಿಸುತ್ತಿರುವುದು ಸಂತಸ ತಂದಿದೆ ಎಂದು ತಿಳಿಸಿದರು.

ಉದ್ಘಾಟನಾ ಸಮಾರಂಭದಲ್ಲಿ ಮಹಾರಾಷ್ಟ್ರದ ಪ್ರವಾಸ ಮತ್ತು ಪರಿಸರಖಾತೆ ಸಚಿವ ಆದಿತ್ಯ ಠಾಕ್ರೆ, ಬೃಹನ್ಮುಂಬೈ ಮುನಿಸಿಪಲ್ ಕಾರ್ಪೊರೇಷನ್‌ನ ಮೇಯರ್ ಕಿಶೋರಿ ಪೆಡ್ನೇಕರ್, ಬಿಇಎಸ್‌ಟಿಯ ಛೇರ್‌ಮನ್ ಅಶಿಶ್ ಚೆಂಬೂರ್ಕರ್, ಮತ್ತು ಬಿಇಎಸ್‌ಟಿಯ ಜನರಲ್ ಮ್ಯಾನೇಜರ್ ಲೋಕೇಶ್ ಚಂದ್ರ, ಐಎಎಸ್, ಹಾಗೂ ಟಾಟಾ ಮೋಟರ್ಸ್-ಬಿಇಎಸ್‌ಟಿ-ಮಹಾರಾಷ್ಟ್ರ ಸರಕಾರದ ಅನೇಕ ಪ್ರತಿನಿಧಿಗಳು ಭಾಗವಹಿಸಿದ್ದರು.

Complete Charging Facility for Electric Buses Installed at Worli BEST Depot

ಇದನ್ನೂ ಓದಿ: ಈ ಟಚ್ಚಲಿ ಏನೋ ಇದೆ! ಇಬ್ಬರು ಸ್ಪರ್ಶ ವಿಜ್ಞಾನಿಗಳಿಗೆ 2021ರ ನೋಬೆಲ್‌ ಪ್ರಶಸ್ತಿ
ಇದನ್ನೂ ಓದಿ: ಇಂಧನ ಇಲಾಖೆ ಜನಸ್ನೇಹಿಯಾಗುವಂತೆ ಕೆಲಸ ಮಾಡಮಾಬೇಕು