ಲಂಡನ್: ಸಾಮೂಹಿಕ ಲಸಿಕಾ ಕಾರ್ಯಕ್ರಮ ಜಾರಿಯಲ್ಲಿದ್ದರೂ ಬ್ರಿಟನ್ನಲ್ಲಿ ಹೊಸ ಕೊರೊನಾ ಪ್ರಕರಣಗಳ ಸಂಖ್ಯೆ ಏರಿಕೆ ಆಗಿರುವುದು ಚಿಂತಿಗೀಡು ಮಾಡಿದೆ.ಇದರಿಂದ ಬೋರಿಸ್ ಜಾನ್ಸನ್ ನೇತೃತ್ವದ ಸರ್ಕಾರ ಕೋವಿಡ್-19 ಸನ್ನಿವೇಶದ ನಿರ್ವಹಣೆಯಲ್ಲಿ ಮತ್ತೆ ಎಡವುತ್ತಿದೆ ಎಂಬ ಆಕ್ರೋಶ ಎದುರಾಗಿದೆ. ನೆರೆಹೊರೆಯ ಐರೋಪ್ಯ ರಾಷ್ಟ್ರಗಳಲ್ಲೂ ಕೋವಿಡ್ ಹೆಚ್ಚಿತ್ತು, ಆದರೀಗ ಅಲ್ಲಿ ಪರಿಸ್ಥಿತಿ ಸುಧಾರಿಸಿದೆ. ಆದರೆ, ನಮ್ಮಲ್ಲೇಕೆ ಕೇಸ್ಗಳ ಸಂಖ್ಯೆ ಜಾಸ್ತಿಯಾಗುತ್ತಿದೆ ಇದೆ ಎಂಬ ಪ್ರಶ್ನೆ ವಿವಿಧ ವಲಯಗಳಿಂದ ವ್ಯಕ್ತವಾಗಿದೆ.
ಕಳೆದ ಎರಡು ವಾರಗಳಿಂದ ಬ್ರಿಟನ್ನಲ್ಲಿ ನಿತ್ಯ 35 ಸಾವಿರದಿಂದ 40 ಸಾವಿರ ಹೊಸ ಪ್ರಕರಣಗಳು ವರದಿ ಆಗುತ್ತಿದೆ. ಸೋಮವಾರ ಇದು 50 ಸಾವಿರಕ್ಕೆ ಏರಿದೆ. ಜುಲೈ ನಂತರ ದೈನಿಕ ಪ್ರಕರಣ ಗರಿಷ್ಠ ಮಟ್ಟಕ್ಕೆ ಹೋಗಿದೆ. ನಿತ್ಯ ಮರಣಿಸುವವರ ಸಂಖ್ಯೆ ನೂರಕ್ಕಿಂತಲೂ ಹೆಚ್ಚಿದ್ದು, ಒಟ್ಟು ಸಾವಿನ ಸಂಖ್ಯೆ 1,38 ಲಕ್ಷ ಮೀರಿದೆ. ಯುರೋಪ್ನಲ್ಲಿ ರಷ್ಯಾದ ನಂತರ ಅಧಿಕ ಮರಣದ ಸಂಖ್ಯೆ ಬ್ರಿಟನ್ನಲ್ಲಿ ಇದೆ.
ಯುರೋಪಿನ ಇತರ ರಾಷ್ಟ್ರಗಳಿಗೆ ಹೋಲಿಸಿದರೆ ಬ್ರಿಟನ್ನಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ ಹೆಚ್ಚಾಗಿದೆ. ಕೊರೊನಾ ಟೆಸ್ಟ್ನಲ್ಲಿ ಮಾತ್ರವಲ್ಲ, ಆಸ್ಪತ್ರೆಗೆ ದಾಖಲಾಗುತ್ತಿರುವವರ ಸಂಖ್ಯೆ ಮತ್ತು ಸಾವಿನ ವಿಷಯದಲ್ಲೂ ಅಧಿಕವಾಗಿದೆ ಎಂದು ಆಕ್ಸ್ಫರ್ಡ್ ವಿಶ್ವವಿದ್ಯಾಲಯದ ರಚನಾತ್ಮಕ ಜೀವಶಾಸ್ತ್ರದ ಪ್ರೊಫೆಸರ್ ಜಿಮ್ ನೈಸ್ಮಿತ್ ಹೇಳಿದ್ದಾರೆ.
ಫ್ರಾನ್ಸ್ನಲ್ಲಿ ನಿತ್ಯದ ಪ್ರಕರಣ ನಾಲ್ಕು ಸಾವಿರ, ಜರ್ಮನಿಯಲ್ಲಿ 10 ಸಾವಿರದ ಆಸುಪಾಸಿನಲ್ಲಿದೆ. ದೈನಿಕ ಸಾವಿನ ಸಂಖ್ಯೆಯು ಈ ದೇಶಗಳಲ್ಲಿ 30ರಿಂದ 60 ನಡುವೆ ಇದೆ. ಪ್ರಧಾನಿ ಬೋರಿಸ್ ಜಾನ್ಸನ್ ಕೋವಿಡ್ಗೆ ತುತ್ತಾಗಿ ಚೇತರಿಸಿಕೊಂಡು ಸ್ವತಃ ಕಷ್ಟವನ್ನು ಅನುಭವಿಸಿದ್ದಾರೆ. ಆದರೂ ರಾಷ್ಟ್ರೀಯ ಆರೋಗ್ಯ ಮಿಷನ್ ಸೋಂಕು ಪ್ರಸರಣ ನಿಯಂತ್ರಿಸುವಲ್ಲಿ ಎಡವುತ್ತಿದೆ ಎಂದು ಅವರು ದೂರಿದ್ದಾರೆ.
Coronavirus Infection Rising in Great Britain England London Public Outrage Against Boris Jonson
ಇದನ್ನೂ ಓದಿ: Coronavirus: 7 ತಿಂಗಳ ಬಳಿಕ ದೈನಿಕ ಕೊರೊನಾ ಕೇಸ್ನಲ್ಲಿ ಇಳಿಕೆ
ಇದನ್ನೂ ಓದಿ: ಕೊರೊನಾ ರೂಪಾಂತರ ವೈರಸ್: ವ್ಯಾಕ್ಸಿನ್ ಗಳಿಗೆ ಬಗ್ಗದ ವಿನಾಶಕ ತಳಿ
Discussion about this post