ಒಂದೇ ವಾರದಲ್ಲಿ ಎರಡು ಬಾರಿ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ವಾಟ್ಸ್ಆಪ್ ಕಾರ್ಯನಿರ್ವಹಣೆಯಲ್ಲಿ ಸಮಸ್ಯೆ: ಕ್ಷಮೆಯಾಚಿಸಿದ ಕಂಪನಿ

ವಿಶ್ವಾದ್ಯಂತ ತನ್ನ ಶುಕ್ರವಾರದಂದು ಸೇವೆಯಲ್ಲಿ ವ್ಯತ್ಯಯವುಂಟಾಗಿ ಗ್ರಾಹಕರು ತೀವ್ರ ಸಮಸ್ಯೆಯನ್ನು ಎದುರಿಸಬೇಕಾಯಿತೆಂದು ಪ್ರಸಿದ್ಧ ಸಾಮಾಜಿಕ ಜಾಲತಾಣ ಫೇಸ್‌ಬುಕ್ ಹೇಳಿದೆ. ಇದಕ್ಕಾಗಿ ತನ್ನ ಗ್ರಾಹಕರಲ್ಲಿ ಕ್ಷಮೆಯಾಚಿಸಿರುವ ಸಂಸ್ಥೆಯ ವಕ್ತಾರರು “ನಾವು ಈಗಾಗಲೇ ಸಮಸ್ಯಯನ್ನು ಬಗೆಹರಿಸಿದ್ದು ನಮ್ಮ ಎಲ್ಲಾ ಜಾಲತಾಣಗಳೂ ಸರಿಯಾಗಿ ಕಾರ್ಯನಿರ್ವಹಿಸುವ ನಿರೀಕ್ಷೆಯಿದೆ” ಎಂದು ಹೇಳಿದರು. ಇದೇ ರೀತಿಯ ಸಮಸ್ಯೆ ಕೆಲವೇ ದಿನಗಳ ಹಿಂದೆಯೂ ಉಂಟಾಗಿದ್ದುದನ್ನು ಇಲ್ಲಿ ಸ್ಮರಿಸಬಹುದಾಗಿದೆ.

ಇದು ಇಲ್ಲಿಯವರೆಗಿನ ಫೇಸ್‌ಬುಕ್ ಇತಿಹಾಸದಲ್ಲೇ ಅತಿದೊಡ್ಡ ನಿಲುಗಡೆಯಾಗಿದ್ದು ಇದರಿಂದಾಗಿ ಫೇಸ್‌ಬುಕ್‌ನ ಅಂಗಸಂಸ್ಥೆಗಳಾದ ಇನ್ಸ್‌ಟಾಗ್ರಾಮ್, ವಾಟ್ಸ್‌ಆಪ್, ಮತ್ತು ಮೆಸೇಂಜರ್‌ಗಳ ಸೇವೆಗಳಲ್ಲೂ ವ್ಯತ್ಯಯವುಂಟಾಗಿ ಕೆಲಗಂಟೆಗಳ ಕಾಲ ಗ್ರಾಹಕರು ಪರದಾಡುವಂತಾಯಿತು.

ಫೇಸ್‌ಬುಕ್ ತನ್ನ ಕಾರ್ಯಾಚರಣೆಯಲ್ಲಿ ಕೆಲವೊಂದು ತಾಂತ್ರಿಕ ಬದಲಾವಣೆಗಳನ್ನು ಮಾಡಿದ್ದು ಅವುಗಳಲ್ಲಿ ಉಂಟಾದ ದೋಷವೇ ಈ ಸಮಸ್ಯೆಗೆ ಕಾರಣವೆಂದು ಹೇಳಲಾಗಿದೆ. ವಿಶ್ವಾದ್ಯಂತ ಕೋಟ್ಯಂತರ ಮಂದಿ ಸಾಮಾಜಿಕ ಜಾಲತಾಣಗಳ ಮೇಲೆ ಅವಲಂಬಿತರಾಗಿದ್ದು ಷೇರು-ಮಾರುಕಟ್ಟೆ ಹಾಗೂ ಪ್ರಮುಖ ವ್ಯಾಪಾರ ವಹಿವಾಟುಗಳೂ ಸಹ ಇವುಗಳ ಮೇಲೆ ನಿಂತಿದ್ದು ಇವು ನಿಷ್ಕ್ರಿಯವಾದರೆ ಮಾಹಿತಿ ವಿನಿಮಯ ಪ್ರಕ್ರಿಯೆ ಸಂಪೂರ್ಣವಾಗಿ ನಿಂತು ಹೋಗಿ ತೀವ್ರ ಪರಿಣಾಮ ಬೀರುತ್ತದೆ.

Facebook Instagram WhatsApp Server Down Second Time in a Week Company Apologizes

ಇದನ್ನೂ ಓದಿ: ಸ್ಥಗಿತಗೊಂಡಿದ್ದ ಸಾಮಾಜಿಕ ತಾಣಗಳು 6 ಗಂಟೆ ಬಳಿಕ ಆರಂಭ
ಇದನ್ನೂ ಓದಿ: 20.7 ಲಕ್ಷ ಭಾರತೀಯರ ಖಾತೆ ನಿಷೇಧಿಸಿದ ವಾಟ್ಸ್ ಆಪ್.