Foul Smelling Khoya: ದೆಹಲಿಯಲ್ಲಿ ಹಳಸಿದ 700 ಕೆಜಿ ಖೋವಾ ವಶ

ನವದೆಹಲಿ: ದೀಪಾವಳಿ ಹಬ್ಬದ ವೇಳೆ ಸಿಹಿ ಖಾದ್ಯಕ್ಕೆ ಬೇಡಿಕೆ ಹೆಚ್ಚು. ಹಲವಾರು ಸಿಹಿ ಖಾದ್ಯಕ್ಕೆ ಖೋವಾ ಅಗತ್ಯವಾಗಿಬೇಕು. ಹೀಗಾಗಿ ಖೋವಾವನ್ನು ಮೊದಲೇ ಸಿದ್ಧ ಮಾಡಿಕೊಳ್ಳುತ್ತಾರೆ. ಆದರೆ, ದುರ್ನಾತ ಬೀರುತ್ತಿದ್ದ ಖೋವಾವನ್ನು ಸಿಹಿ ಖಾದ್ಯಕ್ಕೆ ಬಳಸಲು ತೆಗೆದಿರಿಸಲಾಗಿತ್ತು. ಸಿಹಿ ತಯಾರಿಕೆಯ ಮಳಿಗೆಗಳನ್ನು ಅನಿರೀಕ್ಷಿತವಾಗಿ ಪರಿಶೀಲನೆ ನಡೆಸುವ ವೇಳೆ ಹಳಸಿದ್ದ 700 ಕೆಜಿ ಖೋವಾವನ್ನು ದೆಹಲಿಯ ಚಾಂದನಿ ಚೌಕ್ ಬಳಿಯ ಎರಡು ಮಾರುಕಟ್ಟೆಯಲ್ಲಿ ಪತ್ತೆಯಾಗಿದೆ. ಈಗ ಇದನ್ನು ಆಹಾರ ಸುರಕ್ಷತೆಯ ಕಾರ್ಯ ವಶಪಡಿಸಿಕೊಂಡಿದೆ.

ಮೋರಿ ಗೇಟ್‌ನಲ್ಲಿ 200 ಕೆಜಿ ಹಾಗೂ ಸಂಜಯ್ ಮಾರುಕಟ್ಟೆಯಲ್ಲಿ 500 ಕೆಜಿ ಖೋವಾವನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಆಹಾರ ಸುರಕ್ಷತಾ ಇಲಾಖೆ ಟ್ವೀಟ್ ಮಾಡಿದೆ.

ಹಳಸಿದ ಮತ್ತು ಅಸುರಕ್ಷಿತವಾದ ಖೋವಾವನ್ನು ಹಬ್ಬದ ಗಡಿಬಿಡಿ ದಿನಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಇದರಿಂದ ಜನರ ಆರೋಗ್ಯ ಹಾಳಾಗುತ್ತದೆ. ಹೀಗಾಗಿ ಇಂತಹ ಆಹಾರ ಕಲಬರೆಕೆಯನ್ನು ತಡೆಯಲು ಕಾರ್ಯಪಡೆ ರಚಿಸಲಾಗಿದೆ. ಇದು ಹಾಲಿನ ಉತ್ಪನ್ನಗಳಾದ, ಬೆಣ್ಣೆ, ಖೋವಾ, ಪನ್ನೀರು, ತುಪ್ಪ ತಯಾರಿಸುವ ಮಳಿಗೆಗಳು, ಕರಿದ ಖಾದ್ಯ ತಯಾರಿಸುವ ಕೇಂದ್ರಗಳಿಗೆ ಅನಿರೀಕ್ಷಿತವಾಗಿ ಭೇಟಿ ನೀಡಿ ಅಕ್ರಮಗಳನ್ನು ಪತ್ತೆ ಮಾಡುತ್ತಿದೆ ಎಂದು ಇಲಾಖೆ ಟ್ವೀಟ್‌ನಲ್ಲಿ ತಿಳಿಸಿದೆ.

700 kg ( 200kg + 500 kg) of perishable foul smelling khoya seized by the taskforce team from khoya mandi auction site, Mori Gate and from Sanjay Market, Bagh Diwar respectively. Great work by @AshokSi93113742 @SompalS22355310 @rkbhaskar66 and @SatishG43658353. @fssaiindia pic.twitter.com/mnHCvFDcB3

— Department of Food Safety, GNCT of Delhi (@foodsafetydelhi) October 31, 2021

Foul Smelling Khoya Seized in Delhi

ಇದನ್ನೂ ಓದಿ: Farmer struggle: ದೆಹಲಿಯಲ್ಲಿ ರೈತ ಹೋರಾಟಕ್ಕೆ ಒಂದು ವರ್ಷ
ಇದನ್ನೂ ಓದಿ: ದೆಹಲಿ ಮೆಟ್ರೋ ರೈಲಿನ ಪ್ರಯಾಣಿಕರಿಗೆ ಉಚಿತ ಇಂಟರ್ನೆಟ್