Viral Video: ಚಾಕೊಲೇಟ್‌ ಕೇಕ್‌ ಮೇಲೆ ವೆನಿಲ್ಲಾ ಐಸ್‌ಕ್ರೀಮ್‌ ಅದರ ಮೇಲೆ ಸಿಹಿ ಪಾನ್‌ಬೀಡಾ ಇಟ್ಟು ಬಿಸಿ ಮಾಡಿ ತಿಂದರೆ ಹೇಗಿರುತ್ತೆ?

ಅಹಮದಾಬಾದ್: ತಿಂಡಿ-ತಿನಿಸುಗಳ ಮೇಲೆ ನಡೆಸಲಾಗುವ ಚಿತ್ರ-ವಿಚಿತ್ರವಾದ ಪ್ರಯೋಗಗಳಿಗೆ ಭಾರತೀಯರು ಹೊರತೇನಲ್ಲ.  ನಾವೆಲ್ಲಾ ಹೊಸ ರುಚಿಯ ಹೊಸ ಪ್ರಯೋಗಗಳಿಗೆ ಈಡಾಗಿ ಚೆನ್ನಾಗಿದ್ದರೆ ತಿಂದು ಆನಂದಿಸಿರುವುದು ಇಲ್ಲದಿದ್ದರೆ ಮೊದಲ ಬಲಿಪಶುಗಳಾಗಿ ಅದನ್ನು ಅನುಭವಿಸಿರುವುದು ಸರ್ವೇಸಾಮಾನ್ಯ.  ಕೆಲವೊಮ್ಮೆ ಯಾರೊಬ್ಬರ ಊಹೆಗೂ ನಿಲುಕದ ಹೊಸ-ಹೊಸ ಪ್ರಯೋಗಗಳು ನಡೆದು ಎಲ್ಲರ ಹುಬ್ಬೇರಿಸುವಂತೆ ಮಾಡಲು ಯಶಸ್ವಿಯಾಗುತ್ತವೆ. ಅಂತಹದೇ ಒಂದು ಪ್ರಯೋಗವನ್ನು ನಡೆಸಿರುವ ಅಹಮದಾಬಾದ್‌ನ ಪಾನ್‌ವಾಲಾನ ಕೈಚಳಕದ ವಿಡಿಯೋ ಇದೀಗ ವೈರಲ್‌ ಆಗಿದ್ದು ನೆಟ್ಟಿಗರ ಮಿಶ್ರ ಪ್ರತಿಕ್ರಿಯೆಗಳಿಗೆ ಈಡಾಗಿದೆ.

ಕಾಯುತ್ತಿರುವ ಹೆಂಚಿನ ಮೇಲೆ ಚಾಕೊಲೇಟ್‌ ಕೇಕನ್ನು ಇಟ್ಟು, ಅದರೊಂದಿಗೆ ಸ್ವಲ್ಪ ಚಾಕೊಲೇಟ್‌ ಸಾಸ್‌ ಸೇರಿಸಿ, ಅದು ಕಾಯುತ್ತಿರುವಂತೆಯೇ ಅದರ ಮೇಲೆ ವೆನಿಲ್ಲಾ ಐಸ್‌ಕ್ರೀಮ್‌ ಇಟ್ಟು ಇದೆಲ್ಲದರ ಮೇಲೆ ಕಲಶವಿಟ್ಟಂತೆ ಸಿಹಿ ಪಾನ್‌ಬೀಡಾ ಇಟ್ಟು ಮಾಡಿರುವ ವಿನೂತನ ಪ್ರಯೋಗ ಇದೀಗ ಎಲ್ಲರ ಗಮನ ಸೆಳೆದಿದೆ.  ಸಾಮಾನ್ಯರ ಊಹೆಗೂ ನಿಲುಕಲು ಕಷ್ಟಸಾಧ್ಯವಾದ ಈ ಕಲ್ಪನೆ ಈ ಪುಣ್ಯಾತ್ಮನ ತಲೆಗೆ ಹೇಗೆ ಬಂದಿತೋ ಅವನೇ ಹೇಳಬೇಕು.  ಕೆಲವರು ಈ ನವನವೀನ ಪ್ರಯೋಗವನ್ನು ಬಾಯಿತುಂಬಾ ಹೊಗಳಿದ್ದರೂ ಪ್ರತ್ಯೇಕವಾಗಿ ರುಚಿಕರವಾಗಿರುವ ಎರಡೂ ತಿನಿಸುಗಳನ್ನು ಕುಲಗೆಡಿಸಿರುವುದಕ್ಕಾಗಿ ಹಲವರು ತಮ್ಮ ದಿಗ್ಭ್ರಮೆ ಹಾಗೂ ಆತಂಕಗಳನ್ನು ವ್ಯಕ್ತಪಡಿಸಿದ್ದಾರೆ.

ಚಾಕೊಲೇಟ್‌ ಡಿಸರ್ಟ್‌ಗಳನ್ನು ಚಾಕೊಲೇಟ್‌ ಸಾಸ್‌ ಹಾಗೂ ವೆನಿಲ್ಲಾ ಐಸ್‌ಕ್ರೀಮ್‌ನೊಂದಿಗೆ ತಿನ್ನುವುದು ವಾಡಿಕೆ.  ಆದರೆ ಡಿಸರ್ಟ್‌ನೊಂದಿಗೆ ಐಸ್‌ಕ್ರೀಮ್ ಹಾಗೂ ಸಿಹಿ ಪಾನ್‌ಬೀಡಾ ಹೊಗೆಬರುವಂತೆ ಬಿಸಿ ಮಾಡಿ ತಿನ್ನುವ ಈ ರಚನಾತ್ಮಕತೆಯ ಪರಾಕಾಷ್ಠೆಯ ಪ್ರಯೋಗ ನಡೆಸಿರುವ ಅಹಮದಾಬಾದ್‌ನ ಡಿಸರ್ಟ್‌ ಹಾಗೂ ಪಾನ್‌ಬೀಡಾ ವ್ಯಾಪಾರಿಯೊಬ್ಬನ ಈ ವಿಶೇ‍ಷ ಪ್ರಯತ್ನ ಇದೀಗ ವೈರಲ್‌ ಆಗಿದೆ.  ಕೆಲವರು ಇದರ ರುಚಿ ಹೇಗಿರಬಹುದೆಂದು ಊಹಿಸಲು ಸಾಧ್ಯವಿಲ್ಲವೆಂದಿದ್ದರೆ ಕೆಲವರು ಇದನ್ನು ಮೆಚ್ಚಿದ್ದಾರೆ ಹಾಗೂ ಕೆಲವರು ಇದನ್ನು ಟೀಕಿಸಿ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.  ಅದಕ್ಕೇ ಅಲ್ಲವೇ “ಲೋಕೋ ಭಿನ್ನರುಚಿ:” ಎಂದು ನಮ್ಮ ಹಿರಿಯರು ಹೇಳಿರುವುದು?

Pan and Browny Combo. Only from Ahmedabad, Gujarat. 👍🏽👍🏽 pic.twitter.com/ggXwGURFS1

— raman (@Dhuandhaar) November 9, 2021

Fuming Chacolate cake with venilla icecream on its top and sweet paan over it unimaginable taste

ಇದನ್ನೂ ಓದಿ:  Increase in meal-snack prices: ಹೊಟೇಲ್ ಮಾಲೀಕರ ಸಂಘದಿಂದ ಊಟ-ತಿಂಡಿ ಬೆಲೆ ಹೆಚ್ಚಳ

ಇದನ್ನೂ ಓದಿ: Viral Post: ಡಿಲವರಿ ಬಾಯ್​ಗಳಿಗೆ ಸ್ವೀಟ್ ಗಿಫ್ಟ್ ಎಂದಾತನಿಗೆ ಶ್ಲಾಘನೆಯ ಮಹಾಪೂರ