ಅಶ್ವಗಂಧದಿಂದ ಒತ್ತಡ ಮಾಯ, ಜೀವನ ಸಂಜೀವನ!

ಪುರಾತನ ಆಯುರ್ವೇದ ಗ್ರಂಥದ ಪ್ರಕಾರ ಮಿಥಾನಿಯ ಸೋಮಿಫೆರಾ ಅಂದರೆ ಈಗಿನ ಅಶ್ವಗಂಧ. ಇದನ್ನು ಭಾರತೀಯ ಜಿನ್ಸಿಂಗ್ ಎಂದು ಕರೆಯುತ್ತಾರೆ. ನಮ್ಮ ಅನೇಕ ರೋಗಗಳಿಗೆ ಇದು ರಾಮಬಾಣವಾಗಿದೆ. ಮಧ್ಯಪೂರ್ವ ಹಾಗೂ ಆಫ್ರಿಕಾ ದೇಶಗಳಲ್ಲಿ ಇದರ ಬೇರು, ಹಣ್ಣುಗಳನ್ನು ಕೂಡ ಔಷಧೀಯಾಗಿ ಪರಿವರ್ತಿಸಿ ಬಳಸುತ್ತಾರೆ.

ಅಶ್ವಗಂಧ ಮಾನಸಿಕ ಖಿನ್ನತೆ, ನಿದ್ರಾಹೀನತೆ, ಒತ್ತಡ ಹಾಗೂ ದೇಹದ ರೋಗನಿರೋಧಕ ಗುಣ ಹೆಚ್ಚಿಸಲು ಬಹುಪ್ರಯೋಜನಕಾರಿ. ಇವಲ್ಲದೆ ಮತ್ತಷ್ಟು ಅಶ್ವಗಂಧದಿಂದ ಪ್ರಯೋಜನಗಳು ಉಂಟು. ಅವನ್ನು ನೋಡೋಣ ಬನ್ನಿ.

ನೆನಪಿನ ಶಕ್ತಿ ಹೆಚ್ಚಿಸಲು
ಅಶ್ವಗಂಧ ನಿದ್ರಾಹೀನತೆಗೆ ರಾಮಬಾಣ. ನಿದ್ರಾಹೀನತೆಯ ಪರಿಣಾಮ ಒಂದೊಂದಲ್ಲ. ಹಸಿವನ್ನು ಕಡಿಮೆ ಮಾಡುತ್ತದೆ, ಜೀರ್ಣಕ್ರಿಯೆ ತಡೆಯುತ್ತದೆ. ಬಿ.ಪಿಯಲ್ಲಿನ ವ್ಯತ್ಯಾಸ ತಡೆಯುವ ಶಕ್ತಿ ಅಶ್ವಗಂಧಕ್ಕಿದೆ. ಇದನ್ನು ನಮ್ಮ ಡಯಟ್ ಪ್ಲಾನ್‌ನಲ್ಲಿ ಸೇರಿಸಿಕೊಂಡರೆ ದೇಹದಲ್ಲಿ ರೋಗನಿರೋಧಕ ಶಕ್ತಿ ಹೆಚ್ಚುತ್ತದೆ. ಅಶ್ವಗಂಧ ಬಳಕೆಯಿಂದ ಆಳವಾದ ನಿದ್ದೆ ಮಾಡಬಹುದು. ಮೆದುಳಿನ ಉಂಟಾಗುವ ಒತ್ತಡವನ್ನು ನಿವಾರಿಸಬಹುದು. ಆಗ, ಶುಭ್ರವಾದ ನವೋಲ್ಲಾಸ ಮನದಲ್ಲಿ ಮೂಡುತ್ತದೆ. ಇದರ ಪರಿಣಾಮ ನೆನಪಿನ ಶಕ್ತಿ ಹೆಚ್ಚುತ್ತದೆ, ನಿಮ್ಮ ಬುದ್ಧಿವಂತಿಕೆ ವಿಸ್ತಾರವಾಗುತ್ತದೆ. ಎಲ್ಲವೂ ಅಶ್ವಗಂಧದಿಂದ ಮಾತ್ರ ಸಾಧ್ಯ.

ನರಮಂಡಳಕ್ಕೆ ಸಹಾಯ
ಅಶ್ವಗಂಧವು ನಮ್ಮ ನರಮಂಡಲ ಸರಿಯಾಗಿ ಕಾರ್ಯನಿರ್ವಹಿಸುವಂತೆ ಮಾಡುತ್ತದೆ. ಗ್ರಂಥಿಗಳ ಸ್ರವಿಸುವಿಕೆಯಲ್ಲಿ ಏರುಪೇರಾಗುವುದಿಲ್ಲ. ಇದರ ಬೇರಿನ ಪುಡಿಯನ್ನು ಬಳಸುವುದರಿಂದ ದೀರ್ಘಕಾಲಿನ ಮೆದುಳ ಮೇಲಿನ ಒತ್ತಡ ಕಡಿಮೆಯಾಗುತ್ತದೆ. ಇವೆಲ್ಲಕ್ಕಿಂತ ಮುಖ್ಯವಾಗಿ ದೇಹದಲ್ಲಿನ ನಿರೋಧಕ ಶಕ್ತಿಯನ್ನು ವೇಗವಾಗಿ ಹೆಚ್ಚಿಸುವ ಗುಣ ಅಶ್ವಗಂಧಕ್ಕಿದೆ.

ಸಾಮರ್ಥ್ಯ ಹೆಚ್ಚಿಸುತ್ತದೆ
ಅಶ್ವಗಂಧದ ಬೇರಿನಿಂದ ತಯಾರಿಸಿದ ಮಾತ್ರೆಗಳಿಗೆ ಅಡ್ರಿನಲ್ ಗ್ರಂಥಿಯನ್ನು ಕ್ರಿಯಾಶೀಲವಾಗಿರಿಸುವ ಸಮಾರ್ಥ್ಯವಿದೆ. ಕಾರ್ಟಿಸೋಲ್ ಲೆವೆಲ್ ಅನ್ನು ಸರಿಯಾಗಿ ಇಡುತ್ತದೆ. ಇದರಿಂದ ದೇಹ ಬಲಗೊಳ್ಳುತ್ತದೆ. ದೇಹವನ್ನು ದಂಡಿಸಿದರೂ ಯಾವುದೇ ಆಯಾಸವಾಗುವುದಿಲ್ಲ. ಹಾಗೇನೇ, ಅಶ್ವಗಂಧವು ಟೆಸ್ಟೋಸ್ಟೆನ್ರೋ ಮತ್ತು ದೇಹ- ಇವುಗಳ ಪ್ರಮಾಣವನ್ನು ಸುಧಾರಿಸುವಂತೆ ಮಾಡುವುದರಿಂದ ಕ್ರೀಡೆಗಳಲ್ಲಿ ತೊಡಗಿ ಕೊಂಡಿರುವವರಿಗೆ ಯಾವುದೇ ಪೆಟ್ಟು ಬಿದ್ದರೂ ಬೇಗ ಗುಣಮುಖರಾಗುತ್ತದೆ.

ಇದನ್ನೂ ಓದಿ: Ashwagandha: ಹಾಲಿನೊಂದಿಗೆ ಅಶ್ವಗಂಧ; ಆರೋಗ್ಯಕರ ಲಾಭಗಳು