ನವದೆಹಲಿ: ಹಿಂದಿ ಧಾರಾವಾಹಿಗಳ ಜನಪ್ರಿಯ ತಾರೆ ಹಿನಾ ಖಾನ್ ಇತ್ತೀಚೆಗೆ ಇನ್‌ಸ್ಟಾಗ್ರಾಮ್‌ನಲ್ಲಿ ತಮ್ಮ ಕನ್ನಡಿಯೊಳಗಿನ ಸೆಲ್ಫಿ ಚಿತ್ರವನ್ನು ಹಂಚಿಕೊಂಡಿದ್ದು “ದೈಹಿಕವಾಗಿ ನಾವು ಎಷ್ಟು ಆಕರ್ಷಕವಾಗಿ ಕಾಣುತ್ತೇವೆನ್ನುವುದಕ್ಕಿಂತ ನಮ್ಮ ಮಾನಸಿಕ ಆರೋಗ್ಯ ಎಷ್ಟು ಉತ್ತಮವಾಗಿದೆಯೆಂಬುದು ನನಗೆ ಮುಖ್ಯವಾದ ವಿಷಯವೆಂದು ಬರೆದಿದ್ದಾರೆ.
ತಮ್ಮ ಚಿತ್ರಕ್ಕೆ “ಕೆಲಸ ಮುಂದುವರೆದಿದೆ (work-in-process)” ಎನ್ನುವ ತಲೆಬರಹ ನೀಡಿದ್ದಾರೆ. ಇತ್ತೀಚೆಗೆ ತಮ್ಮ ತೂಕದಲ್ಲಿ ಕೆಲವು ಕೆಜಿಗಳಷ್ಟು ಹೆಚ್ಚಾಗಿರುವುದನ್ನು ಪ್ರಸ್ತಾಪಿಸಿರುವ ಅವರು “ಸದ್ಯ ನಾನು ಮಾನಸಿಕ ಆರೋಗ್ಯದ ಕಡೆ ಹೆಚ್ಚು ಗಮನವನ್ನು ಹರಿಸುತ್ತಿದ್ದು ನನ್ನ ತೂಕದಲ್ಲಿ ಉಂಟಾಗಿರುವ ಈ ಅಲ್ಪ ಹೆಚ್ಚಳದ ಬಗ್ಗೆ ನಾನು ತಲೆ ಕೆಡಿಸಿಕೊಂಡಿಲ್ಲ” ಎಂದು ತಿಳಿಸಿದ್ದಾರೆ.
ಈಗ ನನಗೆ ಉತ್ತಮ ಮಾನಸಿಕ ಆರೋಗ್ಯ ಬೇರೆಲ್ಲಾ ವಿಷಯಗಳಿಗಿಂತ ಮುಖ್ಯವಾಗಿದ್ದು ದೈಹಿಕ ಲಕ್ಷಣಗಳ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುವುದಿಲ್ಲ ಹಾಗೂ ಯಾವ ಕೆಲಸಗಳನ್ನು ಮಾಡುವುದರಿಂದ ನನಗೆ ಸಂತೋಷ ಸಿಗುವುದೋ ಅಂತಹ ಕೆಲಸಗಳನ್ನೇ ಮಾಡಬೇಕೆಂದು ಬಯಸುತ್ತೇನೆಂದರು. ಕೆಲವೊಮ್ಮೆ ನೀವು ನೀವಾಗಿದ್ದು ಸಿಗುವ ಸಣ್ಣ-ಪುಟ್ಟ ಸಂತೋಷಗಳನ್ನು ಅನುಭವಿಸುತ್ತಿದ್ದರೆ ಜೀವನದಲ್ಲಿ ಹೆಚ್ಚಿನ ನೆಮ್ಮದಿಯನ್ನು ಕಾಣಬಹುದಾಗಿದೆ ಎಂದು ಬರೆದುಕೊಂಡಿದ್ದಾರೆ.
ನಾನು ಬೇರೆಯವರಿಗೆ ಹೇಗೆ ಕಾಣುತ್ತಿದ್ದೇನೋ ಎಂದೋ ಅಥವಾ ನನ್ನ ವ್ಯಕ್ತಿತ್ವದ ಬಗ್ಗೆ ಇತರರಿಗೆ ಯಾವ ಅಭಿಪ್ರಾಯವಿದೆಯೋ ಎಂದು ತಲೆಕೆಡಿಸಿಕೊಳ್ಳುವುದಕ್ಕಿಂತ ನಮಗೆ ಇಷ್ಟವಾದುದನ್ನು ಮಾಡುತ್ತಾ ಉತ್ತಮ ಮಾನಸಿಕ ಸ್ಥಿತಿಯನ್ನು ಹೊಂದಿದ್ದರೆ ಏನನ್ನು ಬೇಕಾದರೂ ಸಾಧಿಸಲು ಸಾಧ್ಯವಿದೆ, ಈಗ ನೋಡಿ ನನ್ನನ್ನು, ನಾನು ಮತ್ತೆ ನನ್ನ ಚಟುವಟಿಕೆ ಆರಂಭಿಸಿದ್ದೇನೆ ಎಂದು ಬರೆದಿದ್ದಾರೆ.
ಖಾಸಗಿ ಹಿಂದಿ ಚಾನಲ್‌ಗಳಲ್ಲಿ ಪ್ರಸಾರವಾಗುವ ಧಾರವಾಹಿಗಳ ಜನಪ್ರಿಯ ನಟಿಯಾಗಿರುವ ಹಿನಾ ಖಾನ್ ನಟಿಸುತ್ತಿರುವ ಪ್ರಮುಖ ಧಾರಾವಾಹಿಗಳೆಂದರೆ “ಯಹ್ ರಿಶ್ತಾ ಕ್ಯಾ ಕಹಲಾತಾ ಹೈ, ಕಸೌಟಿ ಝಿಂದಗಿ ಕೆ, ಖತರೋನ್ಕೆ ಖಿಲಾಡಿ, ಹಾಗೂ ಬಿಗ್‌ಬಾಸ್‌ 14.
Hina Khan says I prefer Mental Health over physical appearance
ಇದನ್ನೂ ಓದಿ: ಮೂರೇ ದಿನಗಳಲ್ಲಿ ಲಕ್ಷಕ್ಕೂ ಹೆಚ್ಚು ಸ್ಮಾರ್ಟ್‌ ಟಿವಿ ಮಾರಾಟ: ಶಿಯೋಮಿ
ಇದನ್ನೂ ಓದಿ: ನೆಮ್ಮದಿಗಾಗಿ ಉತ್ತರಾಖಂಡದ ದೇಗುಲಗಳತ್ತ ಮುಖಮಾಡಿದ ಸಮಂತಾ
Discussion about this post