ಚಳಿಗಾಲದಲ್ಲಿ ಕೀಲು ನೋವಿನಿಂದ ರಕ್ಷಣೆ ಪಡೆಯುವುದು ಹೇಗೆ?

ಚಳಿಗಾಲ ಶುರುವಾಗಿದೆ. ಈ ಕಾಲವು ಬಹಳಷ್ಟು ಹಬ್ಬ ಹರಿದಿನಗಳನ್ನು ತರುತ್ತದೆ. ಹಲವರಿಗೆ ಈ ಹವಾಮಾನದಲ್ಲಿ ಸ್ನಾಯು ಸೆಳೆತ, ಕೀಲು ನೋವು ಮತ್ತು ಈಗಾಗಲೇ ಇರುವಂತಹ ಹಳೆಯ ನೋವು ಮರುಕಳಿಸಬಹುದು. ನಾವು ತಿಳಿದುಕೊಳ್ಳಲೇ ಬೇಕಾದ ಈ ಚಳಿಗಾಲ, ಚಳಿಗಾಲದಲ್ಲಿ ಉಂಟಾಗುವ ನೋವು ಮತ್ತು ಅದರ ರಕ್ಷಣೆಯ ಬಗ್ಗೆ ಇಲ್ಲಿದೆ.

ಚಳಿಗಾಲದಲ್ಲಿ ನೋವು ಏಕೆ ಕಾಣಿಸುತ್ತದೆ ಅಥವಾ ಉಲ್ಭಣಗೊಳ್ಳುತ್ತದೆ?

ಶೀತಕಾಲದಲ್ಲಿ ನೋವು ಏಕೆ ಬಾಧಿಸುತ್ತದೆ ಎಂಬುದಕ್ಕೆ ನಿಖರವಾದ ಕಾರಣ ತಿಳಿದಿಲ್ಲವಾದರೂ ಕೆಲವು ಸಿದ್ಧಾಂತಗಳಿಂದ ವಿವರಿಸಬಹುದು. ಈ ಕಾಲದಲ್ಲಿ ದೇಹವು ಉಷ್ಣತೆಯನ್ನು ಕಾಪಾಡಿಕೊಳ್ಳಲು ಸ್ನಾಯು ಮತ್ತು ಕೀಲುಗಳಿಗೆ ರಕ್ತ ಪರಿಚಲನೆಯನ್ನು ಕಡಿಮೆ ಗೊಳಿಸಬಹುದು. ಅದಲ್ಲದೆ ಕಡಿಮೆ ಉಷ್ಣತೆಯಿಂದ ಸ್ನಾಯುಗಳಲ್ಲಿನ ಬಿಗಿತ, ನೋವು ಕಾಣಿಸುತ್ತದೆ. ಮತ್ತೊಂದು ಬಗೆಯಲ್ಲಿ ಹೇಳುವುದಾದರೆ ವಾತಾವರಣದಲ್ಲಿರುವ ಉಷ್ಣತೆಯ ಕೊರತೆಯು ಶೀತವನ್ನು ಹೆಚ್ಚಿಸುವುದರ ಜೊತೆಗೆ ಅಂಗಾಗಳು ಊದಿಕೊಂಡು, ಸ್ನಾಯ ಮತ್ತು ಕೀಲುಗಳಲ್ಲಿ ನೋವುನ್ನುಂಟು ಮಾಡುತ್ತದೆ. ದೇಹದ ಅಂಗಾಗಳನ್ನು ನಯವಾಗಿಸಿ ಮತ್ತು ಪೋಷಿಸುವ ’ಸೈನೊವಿಯಲ್‌’ ದ್ರವವು ಚಳಿಗಾಲದಲ್ಲಿ ಗಟ್ಟಿಯಾಗುವದರಿಂದ ಕೀಲುಗಳಲ್ಲಿ ಬಿಗಿತವುಂಟಾಗುವುದು. ಅದಲ್ಲದೆ ಈ ಕಾಲದಲ್ಲಿ ದೇಹಕ್ಕೆ ಅಗತ್ಯವಿರುವ ವ್ಯಾಯಾಮವನ್ನು ಮಾಡದೇ ಇರುವುದು ಮತ್ತು ಸೂರ್ಯ ಪ್ರಕಾಶದ ಕೊರತೆಯಿಂದ ವಿಟಾಮಿನ್‌ ’ಡಿ’ ಕಡಿಮೆಯಾಗಿಯೂ ನೋವು ಮತ್ತು ಸೆಳೆತವುಂಟಾಗುವುದು.

ಚಳಿಗಾಲದಲ್ಲಿ ನೋವನ್ನು ತಡೆಯಲು ಈ ಕೆಳಗಿನ ಸಲಹೆಗಳನ್ನು ಅನುಸರಿಸಬಹುದು. . .

ನಿಮ್ಮ ದೇಹವನ್ನು ಬೆಚ್ಚಗಿಡಿ:
ಚಳಿಗಾಲದಲ್ಲಿ ಬೆಚ್ಚನೆಯ ಉಡುಪುಗಳನ್ನು ಧರಿಸಿ. ಇದು ದೇಹದ ಉಷ್ಣತೆ ಹೆಚ್ಚಾಗಿಸುವುದರ ಜೊತೆಗೆ ಕೀಲುಗಳಲ್ಲಿ ಶಾಖವು ಉತ್ಪತ್ತಿಯಾಗುವಂತೆ ಮಾಡಿ ನೋವುನ್ನು ಶಮನಗೊಳಿಸುತ್ತದೆ.

ಪ್ರತಿನಿತ್ಯ ವ್ಯಾಯಾಮ ಮಾಡಿ:
ನಿತ್ಯದ ವ್ಯಾಯಾಮವು ಕೀಲುಗಳಲ್ಲಿನ ಬಿಗಿತವನ್ನು ಹೋಗಲಾಡಿಸಿ ಆರಾಮದಾಯಕವಾಗಿಸಲು ಸಹಾಯ ಮಾಡುತ್ತದೆ. ವ್ಯಾಯಮದಿಂದ ಕೀಲುಗಳು ನಯವಾಗುವುದಲ್ಲದೆ ಅವುಗಳಿಗೆ ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ. ಇದರಿಂದ ನೋವು ನಿವಾರಿಸುತ್ತದೆ. ವ್ಯಾಯಾಮದಿಂದಾಗುವ ಗಾಯಗಳನ್ನು ತಡೆಗಟ್ಟಲು ವ್ಯಾಯಾಮ ಮಾಡುವ ಮೊದಲು ದೇಹವನ್ನು ಸಿದ್ಧಪಡಿಸಿ.

ದೇಹದ ತೂಕ ಕಾಪಾಡಿಕೊಳ್ಳಿ:
ಚಳಿಗಾಲದಲ್ಲಿಅಸಮತೋಲನ ಆಹಾರ ಮತ್ತು ಚಟುವಟಿಕೆಯಿಂದ ಇಲ್ಲದೆ ಇರುವುದು ದೇಹದ ತೂಕವನ್ನು ಹೆಚ್ಚಿಸುತ್ತದೆ. ಇದರಿಂದ ಕೀಲುಗಳಲ್ಲಿ ಒತ್ತಡವುಂಟಾಗಿ ಮಂಡಿಗಳಲ್ಲಿ ನೋವು ಹೆಚ್ಚಾಗುತ್ತದೆ. ದೇಹದ ತೂಕವನ್ನು ಕಡಿಮೆ ಮಾಡಿಕೊಳ್ಳುವುದರಿಂದ ನೋವನ್ನು ತಡೆಗಟ್ಟಬಹುದು.

ನೀರು ಮತ್ತು ಸಮತೋಲನ ಆಹಾರ:
ನಿರ್ಜಲೀಕರಣವು ದೇಹವನ್ನು ಆಯಾಸಗೊಳಿಸಿ ಸ್ನಾಯು ಸೆಳೆತವನ್ನುಂಟು ಮಾಡುತ್ತದೆ. ಅದಕ್ಕಾಗಿ ದ್ರವ ಪದಾರ್ಥಗಳನ್ನು ಸೇವಿಸಿ ದೇಹವನ್ನು ಕಾಪಾಡಿ. ಎಲುಬು ಮತ್ತು ಮೂಳೆಗಳಿಗೆ ಬೇಕಾಗುವ ಕ್ಯಾಲ್ಸಿಯ್ಂ ಮತ್ತು ವಿಟಾಮಿನ್‌ ’ಡಿ’ ಅನ್ನು ಸಮತೋಲಿತ ಆಹಾರ ಮತ್ತು ನೀರು ಒದಗಿಸುತ್ತದೆ. ಸಕ್ಕರೆ, ಉಪ್ಪು, ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌, ಸಂಸ್ಕರಿಸಿದ ಆಹಾರಗಳು ನೋವನ್ನು ಉಲ್ಭಣ ಗೊಳಿಸುತ್ತದೆ. ಒಂದುವೇಳೆ ನಿಮಗೆ ಕ್ಯಾಲ್ಸಿಯ್ಂ ಮತ್ತು ವಿಟಾಮಿನ್‌ ’ಡಿ’ ಯ ಸಮರ್ಪಕ ಪೂರೈಕೆಯಾಗುತ್ತಿಲ್ಲ ಎನಿಸಿದರೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಕೀಲುಗಳಿಗೆ ಶಾಖವನ್ನು ಒದಗಿಸಿ:
ಕೀಲುಗಳಿಗೆ ಬಿಸಿ ನೀರಿನ ಚೀಲ ಅಥವಾ ಎಲಕ್ಟ್ರಿಕಲ್‌ ಹೀಟಿಂಗ್‌ ಪ್ಯಾಡ್‌ಗಳ ಬಳಕೆಯಿಂದ ಶಾಖವನ್ನು ಒದಗಿಸಿವುದರಿಂದಲೂ ನೋವನ್ನು ನಿವಾರಿಸಿಕೊಳ್ಳಬಹುದು. ಬಿಸಿ ನೀರಿನ ಸ್ನಾನವೂ ಸ್ನಾಯುಗಳಿಗೆ ಚೈತನ್ಯವನ್ನು ತಂದು ಕೊಡುವುದಲ್ಲದೆ ನೋವನ್ನೂ ಕಡಿಮೆಗೊಳಿಸಿತ್ತದೆ. ಒಂದು ವೇಳೆ ತೀವ್ರವಾದ ಗಾಯ ಅಥವಾ ಉಳುಕಿದ್ದರೆ ’ಐಸ್‌ ಪ್ಯಾಕ್‌’ ಮಾಡಿಕೊಳ್ಳಬಹುದು.

How to Protect Your Joints From The Cold Weather?

ಇದನ್ನೂ ಓದಿ:Health Tips: ವಯಸ್ಕರು, ಮಕ್ಕಳಲ್ಲಿ ಹೆಚ್ಚುತ್ತಿರುವ ಬೊಜ್ಜು; ತಡೆಯಲು ಉಪಾಯವೇನು?