ನವದೆಹಲಿ: ಪೂರ್ವ ಲಡಾಖ್ ಗಡಿಯಲ್ಲಿ ಪದೇ ಪದೆ ತಂಟೆತೆಗೆಯುವ ಚೀನಾ, ಅರುಣಾಚಾಲ ಪ್ರದೇಶದಲ್ಲೂ ಗಡಿ ನಿಯಂತ್ರಣ ರೇಖೆ (ಎಲ್ಎಸಿ) ದಾಟಿ ಬಂದಿತ್ತು, (ಅರುಣಾಚಲವು ತನ್ನ ದಕ್ಷಿಣ ಟಿಬೆಟ್ನ ಭಾಗ ಎಂದು ಚೀನಾ ಹೇಳಿಕೊಳ್ಳುತ್ತದೆ) ಚೀನಾದ ಇಂತಹ ಕೃತ್ಯಕ್ಕೆ ಕಡಿವಾಣ ಹಾಕಲು ಎಲ್ಎಸಿಯಲ್ಲಿ ಅಧಿಕ ಭದ್ರತೆ (ಫೈರ್ಪವರ್) ಹಾಗೂ ಅತ್ಯಾಧುನಿಕ ಶಸ್ತ್ರಗಳನ್ನು ಹೆಚ್ಚಿಸಲಾಗಿದೆ. ಬೊಫೋಸ್F ಫಿರಂಗಿಗಳು ಅಪ್ಡೇಟ್ ಮಾಡಲಾಗಿದ್ದರೆ, ಅಲ್ಟ್ರಾ ಲೈಟ್ ಹೌವಿಟ್ಸ್ರ್ ಎಂ 777 ಗನ್ಗಳನ್ನು ಪೂರೈಸಲಾಗಿದೆ. ಆದರೆ, ಇವುಗಳನ್ನು ಎಷ್ಟು ಸಂಖ್ಯೆಯಲ್ಲಿ ರವಾನಿಸಲಾಗಿದೆ ಎಂಬುದನ್ನು ತವಾಂಗ್ನಲ್ಲಿರುವ ಸೇನಾ ಕಮಾಂಡ್ ಬಹಿರಂಗ ಪಡಿಸಿಲ್ಲ.
ಮೊದಲ ಹಂತದಲ್ಲಿ ಭಾರತ 145 ಎಂ777 ಗನ್ಗಳನ್ನು ಖರೀದಿಸಿತ್ತು, ಇದನ್ನು 2018ರಲ್ಲಿ ಸೇನೆಗೆ ಅಧಿಕೃತವಾಗಿ ಅಡಕ ಮಾಡಲಾಗಿತ್ತು. ಇದರಲ್ಲಿ ಅರ್ಧದಷ್ಟನ್ನು ಗಡಿಯಲ್ಲಿರುವ ಮೂರು ರೆಜಿಮೆಂಟ್ಗಳಿಗೆ ಪೂರೈಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.
ಅಲ್ಟ್ರಾ ಲೈಟ್ ಹೌವಿಟ್ಸ್ರ್ ಎಂ 777 ಗನ್ಗಳು ಬೊಫೋರ್ಸ್ ಫಿರಂಗಿಗಳಿಗಿಂತ ಹೆಚ್ಚಿನ ಸಾಮರ್ಥ್ಯ ಹೊಂದಿವೆ ಎಂದು ತವಾಂಗ್ ಬ್ರಿಗೇಡ್ನ ಬ್ರಿಗೇಡಿಯರ್ ಸಂಜೀವ್ ಕುಮಾರ್ ಹೇಳಿದ್ದಾರೆ. ಅರುಣಾಚಲದಲ್ಲಿ ಸಮುದ್ರ ಮಟ್ಟಕ್ಕಿಂತ 13 ಸಾವಿರ ಅಡಿ ಎತ್ತರದಲ್ಲಿರುವ ಗಡಿ ಪ್ರದೇಶಗಳೂ ಇವೆ. ಇಲ್ಲೆಗೆ ಅತಿತೂಕದ ಬೊಫೋರ್ಸ್ ಫಿರಂಗಿಗಳನ್ನು ಕೊಂಡೊಯ್ಯುವುದು ತ್ರಾಸದಾಯಕ ಕಾರ್ಯ. ಇದರಬದಲು ಹಗುರವಾದ ಎಂ 777 ಗನ್ಗಳು ಹೆಚ್ಚು ಉಪಯುಕ್ತ.
ಚಿನೂಕ್ ಹೆಲಿಕಾಪ್ಟರ್ಗಳಲ್ಲಿ ಎಂ 777 ಗನ್ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ರವಾನಿಸಬಹುದು ಎಂದು ಅವರು ತಿಳಿಸಿದ್ದಾರೆ. ತವಾಂಗ್ ರೀತಿಯ ಅತಿ ಎತ್ತರ ಶಿಖರಗಳಲ್ಲಿ ಬೊಫೋರ್ಸ್ ಫಿರಂಗಿಗಳಿಗೆ ಹೋಲಿಸಿದರೆ ಎಂ 777 ಗನ್ಗಳ ಧಾರಣಾ ಸಾಮರ್ಥ್ಯ ಹೆಚ್ಚು, ಇದರಿಂದ ಇದರ ರೇಂಜ್ 40 ಕಿ.ಮೀ.ವರೆಗೂ ಹಿಗ್ಗುತ್ತದೆ ಎಂದು ಸಂಜೀವ್ ವಿವರಿಸಿದ್ದಾರೆ. ಆದರೂ ಸೇನೆ ಎಂ-777 ಗನ್ ಗಳ ಜತೆಗೆ ಬೊಫೋರ್ಸ್ ಫಿರಂಗಿಗಳನ್ನೂ ಎಲ್ಎಸಿಗೆ ರವಾನಿಸಿ ಶಸ್ತ್ರಾಸ್ತ್ರದಲ್ಲಿ ಸಮತೋಲವನ್ನು ಕಾಯ್ದಕೊಳ್ಳುತ್ತಿದೆ. ಹೊಸ ಸ್ವಯಂಚಾಲಿತ ಶಸ್ತ್ರವ್ಯವಸ್ಥೆಯ ಮೂಲಕ ಗಡಿಯಲ್ಲಿನ ಶಸ್ತ್ರಾಸ್ತ್ರಗಳನ್ನು ಅಪ್ಡೇಟ್ ಮಾಡುತ್ತಿದೆ. ಇವುಗಳ ವೇಗವಾಗಿ ಗುಂಡನ್ನು ಸಿಡಿಸುತ್ತವೆ.
Indian Army Increases Deployment Along China Border in Arunachal Pradesh
ಇದನ್ನೂ ಓದಿ: ಅರುಣಾಚಲ ಪ್ರದೇಶದ ಎಲ್ಎಸಿ ಸಮೀಪ ಭಾರತ-ಚೀನಾ ಸೈನಿಕರ ಸಂಘರ್ಷ
ಇದನ್ನೂ ಓದಿ: Indian Army: ಭಾರತ-ಚೀನಾ 13ನೇ ಸುತ್ತಿನ ಮಿಲಿಟರಿ ಮಾತುಕತೆ ವಿಫಲ
Discussion about this post