ರಷ್ಯಾದಿಂದ ಎಕೆ -203 ರೈಫಲ್ಸ್ ಖರೀದಿಗೆ ಸೋಮವಾರ ಒಪ್ಪಂದ

ನವದೆಹಲಿ: ಅತ್ಯಾಧುನಿಕವಾದ ಎಕೆ-203 ಅಸಾಲ್ಟ್​ ರೈಫಲ್ಸ್​ ಅನ್ನು ರಷ್ಯಾದಿಂದ ಖರೀದಿಸಲಾಗುತ್ತಿದ್ದು, ಈ ಕುರಿತ ಒಪ್ಪಂದಕ್ಕೆ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್​ ಪುಟಿನ್​ ಸೋಮವಾರ (ಡಿ.6) ಭಾರತಕ್ಕೆ ಭೇಟಿ ನೀಡುವ ಸಂದರ್ಭದಲ್ಲಿ ಸಹಿ ಬೀಳಲಿದೆ. 7 ಲಕ್ಷ ರೈಫಲ್​ಗಳನ್ನು ರಷ್ಯಾ ನೇರವಾಗಿ ಸರಬರಾಜು ಮಾಡಲಿದೆ. ಉಳಿದ 50,000 ರೈಲ್​ಗಳನ್ನು ಉತ್ತರ ಪ್ರದೇಶದ ಅಮೇಠಿಯ ಕೊರ್ವಾ ಕಾರ್ಖಾನೆಯಲ್ಲಿ ತಯಾರಿಸಲಾಗುತ್ತದೆ.

ಇದು ‘ಮೇಕ್​ ಇನ್​ ಇಂಡಿಯಾ’ ಕಾರ್ಯಕ್ರಮದಲ್ಲಿ ಸಾಕಾರಗೊಳ್ಳಲಿದೆ. ಇದರಿಂದ ಉದ್ಯೋಗ ಸೃಷ್ಟಿ ಮತ್ತು ಕಚ್ಚಾ ಸಾಮಗ್ರಿಗಳಿಗಾಗಿ ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ದಿಮೆಗಳನ್ನು ಅವಲಂಬಿಸಬೇಕಿರುವುದರಿಂದ ಈ ಉದ್ದಿಮೆಗಳಿಗೆ ಬೇಡಿಕೆ ಹೆಚ್ಚಲಿದೆ. ರಷ್ಯಾದಿಂದ ಭಾರತ ಎಕೆ-203 ಅಸಾಲ್ಟ್​ ರೈಫಲ್ಸ್​ ಖರೀದಿಸುತ್ತಿದ್ದು, ಉತ್ತರ ಪ್ರದೇಶದ ಅಮೇಠಿಯ ಘಟಕದಲ್ಲೂ ಇದು ತಯಾರಿಕೆ ಆಗಲಿದೆ.

ಎಕೆ -203 ರೈಫಲ್ಸ್​ ಸಾಮರ್ಥ್ಯ
ಇಂಡೋ-ರಷ್ಯನ್​ ರೈಲ್ಸ್​ ಪ್ರೈವೇಟ್​ ಲಿಮಿಟೆಡ್​ (ಐಆರ್​ಆರ್​ಪಿಎಲ್​) ಈ ರೈಫಲ್ಸ್​ಗಳನ್ನು ತಯಾರಿಸಲಿದ್ದು, ಎಕೆ-47 ರೈಫಲ್ಸ್​ನ ಸುಧಾರಿತ ರೂಪ ಇದಾಗಿದೆ. ಗಾತ್ರದಲ್ಲಿ ಹೆಚ್ಚು ದೊಡ್ಡದಾಗಿರುವ ಈ ರೈಲ್​, 7.62 ಎಂಎಂ ಸುತ್ತು ಗುಂಡನ್ನು ಹಾರಿಸುವ ಸಾಮರ್ಥ್ಯ ಹೊಂದಿದೆ. ಇದೇ ಶ್ರೇಣಿಯ ಇತರ ರೈಫಲ್ಸ್​ಗಳು 5.56 ಎಂಎಂ ಸುತ್ತಿನದ್ದಾಗಿವೆ. 300 ಮೀಟರ್​ಗೂ ಅಧಿಕ ದೂರದವರೆಗೆ ಗುಂಡು ಹಾರಲಿದ್ದು, ಗುರಿ ಇಡುವ ಕಿಂಡಿಯನ್ನು ವಿಶೇಷವಾಗಿ ರೂಪಿಸಲಾಗಿದೆ. ರೈಫಲ್​ನ ಹಿಡಿಕೆ (ಗ್ರಿಪ್​) ಉತ್ತಮವಾಗಿದೆ. ವಿಶೇಷ ಕಾರ್ಯಾಚರಣೆಗೆ ಹೇಳಿ ಮಾಡಿಸಿದಂತೆ ಇದೆ.

ಸೇನೆಯಲ್ಲಿ ಮೂರು ದಶಕದಿಂದ ಬಳಕೆಯಲ್ಲಿರುವ ಇನ್ಸಾಸ್​ ರೈಫಲ್ಸ್​ಗಳ ಬದಲಿಗೆ ಇದನ್ನು ಖರೀದಿಸಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ. ಉಭಯ ರಾಷ್ಟ್ರಗಳ ಸೇನಾ ಸಹಕಾರ, ಪಾಲುದಾರಿಕೆ ವಿಚಾರದಲ್ಲಿ ಈ ಒಪ್ಪಂವು ಅಧ್ಯಾಯವಾಗಿ ಸೇರ್ಪಡೆಯಾಗಲಿದೆ ಎಂದು ಹೇಳಿವೆ.

ಇದನ್ನೂ ಓದಿ: ಭಾರತದಲ್ಲಿ 6.20 ಕೋಟಿ ಬೀದಿ ನಾಯಿ, 91 ಲಕ್ಷ ಬೆಕ್ಕುಗಳಿವೆ!

(Indian Army will soon get indigenous AK-203 Assault Rifles)