ಐದರಿಂದ ಎಂಟನೆಯ ತರಗತಿಯ ವಿದ್ಯಾರ್ಥಿಗಳಿಗೆ ಆರೋಗ್ಯ ಮತ್ತು ಔಷಧವಿಜ್ಞಾನ ಪ್ರಬಂಧ ಸ್ಪರ್ಧೆ

ಬೆಂಗಳೂರು: ಬೆಂಗಳೂರಿನ ಔಷಧ ವಿತರಣೆ ಮತ್ತು ಜೀವವೈದ್ಯಕೀಯ ವಿಜ್ಞಾನಗಳ ಸಂಶೋಧನಾ ಸಂಸ್ಥೆಯು (IDBR) ಹಿರಿಯ ಪ್ರಾಥಮಿಕ (5-8ನೇ ತರಗತಿ) ಶಾಲಾ ವಿದ್ಯಾರ್ಥಿಗಳಿಗಾಗಿ ಆರೋಗ್ಯ ಮತ್ತು ಔಷಧಶಾಸ್ತ್ರ ವಿಷಯಗಳ ಮೇಲೆ ಸಂಶೋಧನಾ ಪ್ರಬಂಧ ಸ್ಪರ್ಧೆಯನ್ನು ಆಯೋಜಿಸಿದೆ.

ಆಸಕ್ತ ವಿದ್ಯಾರ್ಥಿಗಳು ಆರೋಗ್ಯ ವಿಜ್ಞಾನ ಸಂಶೋಧನೆಗೆ ಸಂಬಂಧಿಸಿದ ವಿಷಯಗಳನ್ನು ಕುರಿತು ಸಂಕ್ಷಿಪ್ತ (5೦೦ ಪದಗಳನ್ನು ಮೀರದ) ಪ್ರಸ್ತಾವನಾ ಪ್ರಬಂಧಗಳನ್ನು ಬರೆದು ಈ ಕೆಳಕಂಡ ವಿಳಾಸಕ್ಕೆ ಅಂಚೆ ಮೂಲಕವಾಗಿ ಅಥವಾ ಸಂಸ್ಥೆಯ ಇ-ಮೇಲ್‌ ವಿಳಾಸಕ್ಕೆ ಕಳುಹಿಸಬಹುದಾಗಿದೆ. ಬರವಣಿಗೆಯು ಮೂಲ ಕಲ್ಪನೆ/ಪರಿಹಾರ/ಪ್ರಯೋಗ/ಊಹೆ ಅಥವಾ ವೈದ್ಯಕೀಯ ಸಮಸ್ಯೆಯನ್ನು ಪರಿಹರಿಸುವ ಪ್ರಸ್ತಾವನೆಯಾಗಿರಬೇಕು. ಉದಾಹರಣೆಗೆ ಕೈಗಳ ನೈರ್ಮಲ್ಯೀಕರಣದ ಹೊಸ ರೀತಿ, ವೈರಸ್‌ನ ಸಂಪರ್ಕವನ್ನು ತಡೆಗಟ್ಟುವ ಹೊಸ ವಿಧಾನ, ಸಿಗರೇಟ್ ಹೊಗೆಯ ಪರೋಕ್ಷ ಸಂಪರ್ಕವನ್ನು ಕಡಿಮೆ ಮಾಡುವ ವಿಧಾನ ಇತ್ಯಾದಿ.

ಪ್ರಥಮ ಸುತ್ತಿನಲ್ಲಿ ಆಯ್ಕೆಯಾದ ವಿದ್ಯಾರ್ಥಿಗಳ ಪ್ರಸ್ತಾವನೆಗಳನ್ನು ಪವರ್ ಪಾಯಿಂಟ್ ಬಳಕೆಯ ಮೂಲಕ ತೀರ್ಪುಗಾರರ ಮುಂದೆ ಪ್ರಸ್ತುತ ಪಡಿಸಲು ಅವಕಾಶ ನೀಡಲಾಗುತ್ತದೆ. ಅಂತಿಮ ಸುತ್ತಿನಲ್ಲಿ ಆಯ್ಕೆಯಾದ ವಿದ್ಯಾರ್ಥಿಗಳಿಗೆ ಪ್ರಶಸ್ತಿಪತ್ರಗಳನ್ನು ಮತ್ತು ಸೂಕ್ತ ಬಹುಮಾನಗಳನ್ನು ನೀಡಲಾಗುವುದು.

ವಿದ್ಯಾರ್ಥಿಗಳು ತಮ್ಮ ಕಲ್ಪನೆಗಳನ್ನು/ಪ್ರಯೋಗಗಳ ಪ್ರಸ್ತಾವನೆಗಳನ್ನು ಕಳುಹಿಸಲು ಹಿಂಜರಿಯಬಾರದು. ವಿದ್ಯಾರ್ಥಿಗಳು ಭವಿಷ್ಯದಲ್ಲಿ ವಿಜ್ಞಾನಿಗಳಾಗಿ ಬೆಳೆಯಬೇಕು ಹಾಗು ವೈಜ್ಞಾನಿಕ ಸಂಶೋಧನೆಯನ್ನು ವೃತ್ತಿ ಹಾಗು ವೃದ್ಧಿಯಾಗಿ ಮುಂದುವರೆಸಲು ಪ್ರೋತ್ಸಾಹಿಸುವುದು ಈ ಸಂಸ್ಥೆಯ ಮೂಲ ಉದ್ದೇಶವಾಗಿದೆ.

ಪ್ರಸ್ತಾವನೆಗಳನ್ನು ಕಳುಹಿಸಲು ಕಡೆಯ ದಿನಾಂಕ: 31-12-2021.

IDBR ಸಂಸ್ಥೆಯು 2013 ರಲ್ಲಿ ಸ್ಥಾಪಿತವಾದ DSIR ಮಾನ್ಯತೆ ಪಡೆದ ಲಾಭರಹಿತ ಸಂಶೋಧನಾ ಸಂಸ್ಥೆಯಾಗಿದ್ದು ನವೀನ ಔಷಧ ಮತ್ತು ಚಿಕಿತ್ಸಾ ವಿಧಾನಗಳನ್ನು ಕುರಿತು ಸಂಶೋಧನೆಗಳನ್ನು ನಡೆಸುವ ಉದ್ದೇಶ ಹೊಂದಿರುತ್ತದೆ. IDBR ಸಂಸ್ಥೆಯ ಉದ್ದೇಶವು ದೀರ್ಘಕಾಲದ ಅಸ್ವಸ್ಥತೆಗಳಿಂದ ಬಳಲುತ್ತಿರುವ ರೋಗಿಗಳ ಜೀವನದ ಗುಣಮಟ್ಟವನ್ನು ಸುಧಾರಿಸುವುದಾಗಿದೆ. ವಿಜ್ಞಾನ ಸಂಶೋಧನೆಯಲ್ಲಿ ಆಸಕ್ತಿ ಹೊಂದಿರುವ ಮಕ್ಕಳು ಮತ್ತು ಯುವಕ/ಯುವತಿಯರನ್ನು ಪ್ರೋತ್ಸಹಿಸುವುದೂ ಸಹ ಈ ಸಂಸ್ಥೆಯ ಮತ್ತೊಂದು ಗುರಿಯಾಗಿದೆ.

ಹೆಚ್ಚಿನ ವಿವರಗಳಿಗಾಗಿ ಸಂಪರ್ಕಿಸಬೇಕಾದ ವಿಳಾಸ:

ಇನ್ಸ್ಟಿಟ್ಯೂಟ್ ಫಾರ್ ಡ್ರಗ್ ಡೆಲಿವರಿ ಅಂಡ್ ಬಯೋಮೆಡಿಕಲ್ ರಿಸರ್ಚ್

(Institute for Drug delivery and Biomedical Research)

#443,3ನೇ ಮಹಡಿ, ವೆಸ್ಟ್ ಆಫ್ ಕಾರ್ಡ್ ರಸ್ತೆ,

12ನೇ ಅಡ್ಡರಸ್ತೆ, 3ನೇ ಮುಖ್ಯ ರಸ್ತೆ, 2ನೇ ಹಂತ,

ಮಹಾಲಕ್ಷ್ಮೀಪುರಂ,

ಬೆಂಗಳೂರು- 560086.

Website: www.idbresearch.com

Email ID: contact@idbr.in, idbrkids@gmail.com

Phone No: +91 9845577103

Institute for Drug Delivery and Biomedical Research Bangalore invites Scientific Research Essays from Higher Primary School Students for the Competition

ಇದನ್ನೂ ಓದಿ: Science Teachers Training Camp: ವಿಜ್ಞಾನ ಲೇಖಕರ ತರಬೇತಿ ಶಿಬಿರಕ್ಕೆ ಅರ್ಜಿ ಆಹ್ವಾನ

ಇದನ್ನೂ ಓದಿ: Swarna Jayanti Fellowship: ದೇಶಾದ್ಯಂತ 17 ವಿಜ್ಞಾನಿಗಳಿಗೆ ಸ್ವರ್ಣಜಯಂತಿ ಫೆಲೋಶಿಪ್