ಸೇವಿಸಿದ ಆಹಾರ ಜೀರ್ಣಗೊಂಡ ನಂತರ ಅದರಲ್ಲಿದ್ದ ಸತ್ವಗಳನ್ನು ಹೀರಿಕೊಳ್ಳುವಲ್ಲಿ ಹಾಗೂ ಶರೀರಕ್ಕೆ ಬೇಡವಾದ ಅಂಶಗಳನ್ನು ಹೊರಹಾಕುವಲ್ಲಿ ಕರುಳಿನ ಪಾತ್ರ ಮಹತ್ವದ್ದು. ಮಾನವನ ಶರೀರದಲ್ಲಿ ದೊಡ್ಡ ಕರುಳು ಹಾಗೂ ಸಣ್ಣ ಕರುಳು ಇದ್ದು, ಇವುಗಳಲ್ಲಿ ಕಂಡುಬರುವ ಒಂದು ವಿಧದ ಆರೋಗ್ಯ ಸಮಸ್ಯೆಯೇ ಇರಿಟೇಬಲ್ ಬೊವೆಲ್ ಸಿಂಡ್ರೋಮ್ ಅಥವಾ ಐಬಿಎಸ್ (ಕರುಳಿನಲ್ಲಿ ಕಿರಿಕಿರಿ ಹಾಗೂ ಚಲನೆ).
ವಾಯು ಪ್ರಕೋಪ, ಅಸಮರ್ಪಕ ಆಹಾರ ಪದ್ಧತಿ, ಆಧುನಿಕ ಜೀವನ ಪದ್ಧತಿ ಹಾಗೂ ಸೋಂಕು ತಗುಲುವುದೇ ಐಬಿಸ್ ಸಮಸ್ಯೆ ಕಂಡುಬರಲು ಮುಖ್ಯ ಕಾರಣ.
ಪ್ರತಿಕೂಲ ಪರಿಸ್ಥಿತಿಯಲ್ಲಿ ಕರುಳಿನ ನರಗಳು ಸೂಕ್ತ ರೀತಿಯಲ್ಲಿ ಸ್ಪಂದಿಸದೇ ಇರುವುದೇ ಈ ಸಮಸ್ಯೆಗೆ ಕಾರಣ ಎಂದು ಮ್ಯೂನಿಚ್ ವಿಶ್ವವಿದ್ಯಾಲಯದ ಸಂಶೋಧಕರು ಕೆಲವು ವರ್ಷಗಳ ಹಿಂದೆ ಅಧ್ಯಯನದಲ್ಲಿ ಕಂಡುಕೊಂಡಿದ್ದಾರೆ.
ಕಾರಣಗಳೇನು?
ಅಸಮತೋಲಿತ ಆಹಾರ ಪದ್ಧತಿ, ಅಸಿಡಿಟಿ, ಅತಿಯಾದ ಜಂಕ್ ಫುಡ್ ಸೇವನೆ ಇತ್ಯಾದಿಗಳು ಕರುಳಿನ ಕಿರಿಕಿರಿಗೆ ಪ್ರಮುಖ ಕಾರಣ ಎನ್ನಲಾಗಿದೆ. ಕರುಳಿಗೆ ಸೋಂಕು ತಗುಲಿದರೂ ಈ ಸಮಸ್ಯೆ ಕಂಡುಬರುತ್ತದೆ. ದೀರ್ಘಕಾಲದ ಮಲಬದ್ಧತೆ, ಅತಿಯಾದ ಮಾನಸಿಕ ಒತ್ತಡ, ಮಾನಸಿಕ ಖಿನ್ನತೆ ಹಾಗೂ ಉದ್ವೇಗ ಕೂಡ ಕರುಳಿನ ಸಮಸ್ಯೆಗೆ ಕಾರಣವಾಗಬಹುದು ಎಂದು ಸಂಶೋಧಕರು ಹೇಳಿದ್ದಾರೆ.
ಸಣ್ಣ ವಯಸ್ಸಿನವರಿಗೂ ಬರಬಹುದು
ಇರಿಟೇಬಲ್ ಬೊವೆಲ್ ಸಿಂಡ್ರೋಮ್ ಕಾಣಿಸಿಕೊಳ್ಳಲು ವಯಸ್ಸಿನ ಹಂಗಿಲ್ಲ. ಚಿಕ್ಕಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಈ ಸಮಸ್ಯೆ ಕಂಡುಬರಬಹುದು ಎಂದು ಸಂಶೋಧಕರು ಹೇಳಿದ್ದಾರೆ.
ಚಿಕಿತ್ಸೆ ಅಗತ್ಯ
ಇರಿಟೇಬಲ್ ಬೊವೆಲ್ ಸಿಂಡ್ರೋಮ್ನಲ್ಲಿ ಎರಡು ವಿಧಗಳಿವೆ. ಒಂದು ತಾತ್ಕಾಲಿಕ ಹಾಗೂ ಇನ್ನೊಂದು ದೀರ್ಘಕಾಲೀನ. ಭೇದಿ, ಮಲಬದ್ಧತೆ ಅಥವಾ ಸೋಂಕಿನಿಂದ ಕಂಡುಬರುವ ಇರಿಟೇಬಲ್ ಬೊವೆಲ್ ಸಿಂಡ್ರೋಮ್ ತಾತ್ಕಾಲಿಕ. ಸೋಂಕು ಗುಣಮುಖವಾಗುತ್ತಿದ್ದಂತೆಯೇ ಸರಿಹೋಗುತ್ತದೆ. ಆದರೆ, ದೀರ್ಘಕಾಲದ ಸಮಸ್ಯೆಗೆ ಚಿಕಿತ್ಸೆ ಪಡೆಯುವುದು ಅತಿ ಅಗತ್ಯ. ಒಂದುವೇಳೆ ಚಿಕಿತ್ಸೆ ಪಡೆಯದಿದ್ದಲ್ಲಿ ಹರ್ನಿಯಾದಂಥ ಗಂಭೀರ ಆರೋಗ್ಯ ಸಮಸ್ಯೆ ಕಂಡುಬರುವ ಸಾಧ್ಯತೆಯೂ ಇದೆ. ಹಾಗೆಂದು ಇರಿಟೇಬಲ್ ಬೊವೆಲ್ ಸಿಂಡ್ರೋಮ್ ಮಾರಣಾಂತಿಕವಲ್ಲ. ಆದರೆ ಚಿಕಿತ್ಸೆ ಪಡೆಯದೇ ಹೋದಲ್ಲಿ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಸಂಶೋಧಕರು ಎಚ್ಚರಿಕೆ ನೀಡಿದ್ದಾರೆ.
(ಆಧಾರ ಸೈನ್ಸ್ ಡೈಲಿ ಅಂತರ್ಜಾಲತಾಣ)
ಇನ್ನಷ್ಟು ಓದು…
Grand Title: ಶೃಂಗೇರಿಯ ಬಾಲಪ್ರತಿಭೆಗೆ ಗ್ರ್ಯಾಂಡ್ ಟೈಟಲ್ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ
RTPCR Report : ವಿದೇಶಗಳಿಂದ ಬೆಂಗಳೂರಿಗೆ ಬರುವವರಿಗೆ ಬೇಡ ಆರ್ಟಿಪಿಸಿಅರ್ ರಿಪೋರ್ಟ್..!
Petrol-diesel price: ಪೆಟ್ರೋಲ್, ಡೀಸೆಲ್ ಬೆಲೆ ತಲಾ 35 ಪೈಸೆ ಹೆಚ್ಚಳ
Discussion about this post