ಭಾರತೀಯರ ಎಲ್ಲರ ಮನೆಯಲ್ಲಿ ಬೆಲ್ಲಕ್ಕೆ ಸ್ಥಾನ ಇದ್ದೇ ಇದೆ. ಇದಿಲ್ಲದೆ ನಿತ್ಯದ ಅಡುಗೆ ಇಲ್ಲ. ಔಷಧೀಯ ಗುಣಗಳಿರುವ ಬೆಲ್ಲವನ್ನು ಮಿತ ಪ್ರಮಾಣದಲ್ಲಿ ಬಳಕೆ ಮಾಡಿದರೆ ಅದರಿಂದ ಅನೇಕ ಆರೋಗ್ಯ ಸಮಸ್ಯೆಗಳು ದೂರವಾಗುತ್ತವೆ. ಚಳಿಗಾಲದಲ್ಲಿ ಬೆಲ್ಲ ಸೇವನೆಯಿಂದ ಶೀತದಿಂದ ಉಂಟಾಗುವಂತಹ ಸಂಧಿವಾತದ ನೋವು ಶಮನವಾಗುತ್ತದೆ.
ಆಯುರ್ವೇದಿಯವಾಗಿ ಬೆಲ್ಲಕ್ಕೆ ಔಷಧೀಯ ಮೌಲ್ಯಗಳು ಇವೆ. ಗುಡವೆಂದ ಕರೆಯಲಾಗುವ ಇದನ್ನು ಕಷಾಯದಲ್ಲಿನ ಕಹಿಯನ್ನು ಕಡಿಮೆ ಮಾಡಲು ಬಳಕೆ ಮಾಡುತ್ತಾರೆ. ಡಬ್ಬದಲ್ಲಿರುವ ಬೆಲ್ಲವನ್ನು ಮೆಲ್ಲವು ಮಕ್ಕಳನ್ನು ಹೆಚ್ಚು ನಿಯಂತ್ರಿಸಲು ಹೋಗ ಬೇಡಿ ಇದರಿಂದ ಅವರಿಗೆ ಆರೋಗ್ಯಕ್ಕೆ ಲಾಭ ಇದೆ. ಆದರೆ, ಇದು ಅತಿಯಾಗದಂತೆ ನೋಡಿಕೊಳ್ಳಿ.
ಬೆಲ್ಲದಿಂದಾಗುವ ಒಂಭತ್ತು ಲಾಭಗಳನ್ನು ಇಲ್ಲಿವೆ
ಅಂದಹಾಗೆ ಬಾಣಸಿಗ ಕುನಾಲ್‌ ಕಪೂರ್‌ ಈ ಸಲಹೆಗಳನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.
1. ಜೀರ್ಣಕಾರಿ ಕಿಣ್ವಗಳನ್ನು ಹೆಚ್ಚುತ್ತದೆ. ಇದರಿಂದ ಮಲಬದ್ಧತೆ ದೂರ.
2. ದೇಹದ ಉಷ್ಣತೆಯನ್ನು ಸಮತೋಲನ ಮಾಡುವುದರಿಂದ ಚಳಿಗಾಲದಲ್ಲಿ ದೇಹವನ್ನು ಬೆಚ್ಚಗೆ ಇರುಸುತ್ತದೆ.
3. ದೇಹದಲ್ಲಿ ಪ್ರತಿಕಾಯಗಳನ್ನು ಹೆಚ್ಚು ಗುಣ ಬೆಲ್ಲಕ್ಕಿದೆ.
4. ಸಂಧಿವಾತಕ್ಕೆ ರಾಮಬಾಣ. ಉಸಿರಾಟದ ಸಮಸ್ಯೆಯನ್ನು ದೂರ ವಾಗುತ್ತದೆ.
5. ದೇಹದಲ್ಲಿನ ನಂಜಿನಂಶವನ್ನು ತೆಗೆಯುತ್ತದೆ.
6. ಬೆಲ್ಲ ಸೇವನೆಯಿಂದ ಋತುಸ್ರಾವದ ಸಮಯದಲ್ಲಿ ಮಹಿಳೆಯರ ಉದರಬೇನೆ ಅಥವಾ ಮುಟ್ಟಿನ ಸೆಳೆತದ ನೋವು ಕಡಿಮೆ ಆಗುತ್ತದೆ.
7. ಬೆಲ್ಲದಲ್ಲಿ ಕಬ್ಬಿಣದ ಅಂಶ ಅಧಿಕವಾಗಿರುವ ಕಾರಣ ರಕ್ತಹೀತನೆ ದೂರವಾಗುತ್ತದೆ.
8. ಉಸಿರಾಟದ ಸಮಸ್ಯೆಯನ್ನು ದೂರ ಮಾಡುವ ಗುಣ ಬೆಲ್ಲಕ್ಕಿದೆ.
9. ದೇಹದ ಚಯಾಪಚಯ ಕ್ರಿಯೆ ಹೆಚ್ಚಿಸಿ ತೂಕ ಇಳಿಕೆಗೆ ನೆರವಾಗುತ್ತದೆ.
ಇದನ್ನೂ ಓದಿ: ತೂಕ ಕಡಿಮೆ ಮಾಡಲು ಬೆಲ್ಲ, ನೀರು, ನಿದ್ರೆಯ ಬಳಕೆ; ಆಯುರ್ವೇದ ತಜ್ಞರ 8 ಸಲಹೆಗಳನ್ನು ತಪ್ಪದೇ ಓದಿ
Discussion about this post