ಜೈಪುರ: ರಾಜಸ್ಥಾನದ ರಾಜಧಾನಿ ಜೈಪುರದ ಐಷಾರಾಮಿ ಹೊಟೇಲ್ವೊಂದರಲ್ಲಿ ನಡೆಯುತ್ತಿದ್ದ ಅದ್ದೂರಿ ಮದುವೆಗೆ ಕಳಂಕ ತರುವ ಘಟನೆಯೊಂದು ನಡೆದಿದೆ. ಹೆಜ್ಜೆ ಹೆಜ್ಜೆಗೂ ಸಿಸಿಟಿವಿ ಕ್ಯಾಮರಾದ ನಿಗಾ ಇರುವ ಪಂಚತಾರಾ ಹೋಟೆಲ್ನಲ್ಲಿ 95 ಸಾವಿರ ರೂಪಾಯಿ ನಗದು ಸೇರಿ 2 ಕೋಟಿ ರೂಪಾಯಿ ಮೌಲ್ಯದ ವಜ್ರದ ಆಭರಣಗಳು ಗುರುವಾರ ಕಳವಾಗಿದೆ.
ಮುಂಬೈ ಮೂಲದ ಉದ್ಯಮಿ ರಾಹುಲ್ ಭಾಟಿಯಾ ತಮ್ಮ ಮಗಳ ಮದುವೆಯನ್ನು ಜೈಪುರದ ಕ್ಲಾರ್ಕ್ಸ್ ಅಮೆರ್ ಹೋಟೆಲ್ನಲ್ಲಿ ಆಯೋಜಿಸಿದ್ದರು. ಭಾಟಿಯಾ ಮತ್ತು ಅವರ ಕುಟುಂಬದವರು ಹೋಟೆಲ್ನ 7ನೇ ಮಹಡಿಯಲ್ಲಿ ವಸತಿ ಮಾಡಿದ್ದರು. ಅಲ್ಲಿಯೇ 2 ಕೋಟಿ ರೂಪಾಯಿ ಮೌಲ್ಯದ ವಜ್ರದ ಆರಭರಣ ಮತ್ತು 95 ಸಾವಿರ ರೂಪಾಯಿಯನ್ನು ಕೋಣೆಯಲ್ಲಿ ಇರಿಸಿದ್ದರು. ಹೋಟೆಲ್ನ ಲಾನ್ನಲ್ಲಿ ನಡೆಯುತ್ತಿದ್ದ ವಿವಾಹದಲ್ಲಿ ಅವರು ಭಾಗಿಯಾಗಿದ್ದಾಗ ರೂಂನಲ್ಲಿ ಇರಿಸಿದ್ದ ನಗದು ಮತ್ತು ವಜ್ರದ ಆಭರಣಗಳು ನಾಪತ್ತೆಯಾಗಿವೆ. ಈ ಸಂಬಂಧ ಭಾಟಿಯಾ ಪೊಲೀಸರಿಗೆ ದೂರು ನೀಡಿದ್ದಾರೆ.
ರೂಂನಲ್ಲಿ ಇರಿಸಿದ್ದ ಬೆಲೆ ಬಾಳುವ ಆಭರಣ ಮತ್ತು ನಗದು ನಾಪತ್ತೆಯಾಗಿದೆ. ಇದಕ್ಕೆ ಹೋಟೆಲ್ನ ಸಿಬ್ಬಂದಿಯೇ ಕಾರಣ ಇರಬಹುದು. ಸಿಸಿಟಿವಿ ಕ್ಯಾಮರಾದ ದೃಶ್ಯಗಳನ್ನು ಪರಿಶೀಲಿಸಿ ಮತ್ತು ಹೋಟೆಲ್ನ ಆಡಳಿತ ಮತ್ತು ಸಿಬ್ಬಂದಿಯನ್ನು ವಿಚಾರಣೆಗೆ ಗುರಿಪಡಿಸಿ ಕಳವು ಮಾಡಿದವರನ್ನು ಪತ್ತೆ ಮಾಡಬೇಕೆಂದು ಭಾಟಿಯಾ ದೂರಿನಲ್ಲಿ ಮನವಿ ಮಾಡಿದ್ದಾರೆ ಎಂದು ಜವಾಹರ್ ಠಾಣೆಯ ಸರ್ಕಲ್ ಇನ್ಸ್ಪೆಕ್ಟರ್ ರಾಧಾರಮಣ ಗುಪ್ತ ತಿಳಿಸಿದ್ದಾರೆ.
ಇದನ್ನೂ ಓದಿ: ಭಾರತದಲ್ಲಿ 6.20 ಕೋಟಿ ಬೀದಿ ನಾಯಿ, 91 ಲಕ್ಷ ಬೆಕ್ಕುಗಳಿವೆ!
Discussion about this post