Sudeep: ಕೋಟಿಗೊಬ್ಬ 3 ಬಿಡುಗಡೆ ಮುಂದೂಡಿಕೆ: ತಾಳ್ಮೆ ಅಭಿಮಾನಿಗಳಿಗೆ ಸುದೀಪ್ ಸಾಂತ್ವನ

ಬೆಂಗಳೂರು: ಸುದೀಪ್ ಅಭಿನಯದ ಬಹುನಿರೀಕ್ಷಿತ ಕೋಟಿಗೊಬ್ಬ-3 ಚಿತ್ರದ ಬಿಡುಗಡೆ ದಿನಾಂಕ ಮುಂದಕ್ಕೆ ಹೋಗಿದೆ. ನಿಗದಿಯಂತೆ ಕೋಟಿಗೊಬ್ಬ-3 ಚಿತ್ರ ಬಿಡುಗಡೆ ಮಾಡಲು ಸಾಧ್ಯವಾಗದ ಹಿನ್ನೆಲೆಯಲ್ಲಿ ಟ್ವೀಟ್ ಮೂಲಕ ಅಭಿಮಾನಿಗಳ ಕ್ಷಮೆ ಕೇಳಿರುವ ಸ್ಟಾರ್ ನಟ ಸುದೀಪ್, ಚಿತ್ರಮಂದಿರಗಳಿಗೆ ಹಾನಿ ಮಾಡಬೇಡಿ ಎಂದು ವಿನಂತಿಸಿದ್ದಾರೆ. ‘ಗಮನಿಸಬೇಕಾದವರು ನಿರ್ಲಕ್ಷ್ಯ ತೋರಿದ್ದರಿಂದ ಅವ್ಯವಸ್ಥೆಯಾಗಿದೆ. ಇದಕ್ಕಾಗಿ ಕ್ಷಮೆಯಾಚಿಸುತ್ತೇನೆ. ಮುಂದಿನ ದಿನಗಳಲ್ಲಿ ಇಂಥ ತಪ್ಪು ಮರುಕಳಿಸದಂತೆ ಎಚ್ಚರ ವಹಿಸುತ್ತೇನೆ’ ಎಂದು ಭರವಸೆ ನೀಡಿದ್ದಾರೆ.

‘ಇದೊಂದು ಅಪರೂಪದ ಸನ್ನಿವೇಶ. ತಾಳ್ಮೆ ನಮ್ಮ ದೊಡ್ಡ ಶಕ್ತಿಯಾಗಬೇಕು. ಸಿನಿಮಾ ತೆರೆ ಕಾಣಬೇಕು ಎಂಬ ಆಸೆ ನನಗೂ ಇತ್ತು. ಸಮಯದ ಬಗ್ಗೆ ಸ್ಪಷ್ಟ ಮಾಹಿತಿ ಸಿಕ್ಕ ನಂತರ ಟ್ವೀಟ್ ಮಾಡುತ್ತೇನೆ. ನೀವು ತಾಳ್ಮೆಯಿಂದಿರಿ’ ಎಂದು ಅಭಿಮಾನಿಗಳಿಗೆ ಸುದೀಪ್ ಕೋರಿದ್ದಾರೆ.

ಬಿಡುಗಡೆ ಸಾಧ್ಯವಾಗದಿರುವ ಕುರಿತು ಮಾಹಿತಿ ನೀಡಿರುವ ನಿರ್ಮಾಪಕ ಸೂರಪ್ಪ ಬಾಬು, ಚಿತ್ರವು ಶುಕ್ರವಾರದಿಂದ (ಅ.15) ರಾಜ್ಯಾದ್ಯಂತ ತೆರೆ ಕಾಣಲಿದೆ. ವಿತರಕರ ಷಡ್ಯಂತ್ರದಿಂದ ಸಮಸ್ಯೆಯಾಯಿತು ಎಂದು ಸಮಸ್ಯೆಯ ಕಾರಣ ವಿವರಿಸಿದ್ದಾರೆ. ‘ಈ ಹಿಂದೆಯೂ ಕೆಲವರು ನಮ್ಮ ವಿರುದ್ಧ ಷಡ್ಯಂತ್ರ ಮಾಡಿದ್ದರು. ಸುದೀಪ್ ಅಭಿಮಾನಿಗಳು ಕ್ಷಮಿಸಬೇಕು ಎಂದು ಹೇಳಿರುವ ಅವರು, ಕ್ಷಮಿಸಬೇಕು ಮತ್ತು ಅಭಿಮಾನಿಗಳಿಗೆ ಟ್ವೀಟ್ ಮೂಲಕ ಮಾಹಿತಿ ನೀಡಬೇಕು ಎಂದು ನಟ ಸುದೀಪ್ ಅವರನ್ನೂ ವಿನಂತಿಸಿದ್ದಾರೆ.

ಥಿಯೇಟರ್ ಎದುರು ಸೇರಿದ್ದ ಅಭಿಮಾನಿಗಳು ಶೋ ರದ್ದಾದ ಹಿನ್ನೆಲೆಯಲ್ಲಿ ಬೇಸರ ವ್ಯಕ್ತಪಡಿಸಿದರು. ‘ವಿತರಕರು ಹಾಗೂ ನಿರ್ಮಾಪಕರ ಸರಿಯಾದ ಹೊಂದಾಣಿಕೆ ಇಲ್ಲದೆ ಒಬ್ಬ ಸ್ಟಾರ್ ನಟರ ಸಿನಿಮಾ ಬಿಡುಗಡೆ ವಿಳಂಬ ಮಾಡುದ್ರೆ ಇಂತಹ ಅದೆಷ್ಟೋ ಲಕ್ಷಾಂತರ ಅಭಿಮಾನಿ ಭಾವನೆಗಳಿಗೆ ಬೇಸರ ಮೂಡಿಸಿದಂತೆ. ಇನ್ನಾದರೂ ಎಚ್ಚರ ವಹಿಸಿ ಸುದೀಪಣ್ಣ’ ಎಂದು ಶ್ರೀಹರಿ ಪಾಲೇಗಾರ್ ಎನ್ನುವವರು ಟ್ವೀಟ್ ಮಾಡಿದ್ದಾರೆ.

ವಿತರಕರು ಹಾಗೂ ನಿರ್ಮಾಪಕರ ಸರಿಯಾದ ಹೊಂದಾಣಿಕೆ ಇಲ್ಲದೆ ಒಬ್ಬ ಸ್ಟಾರ್ ನಟರ ಸಿನಿಮಾ ಬಿಡುಗಡೆ ವಿಳಂಬ ಮಾಡುದ್ರೆ ಇಂತಹ ಅದೆಷ್ಟೋ ಲಕ್ಷಾಂತರ ಅಭಿಮಾನಿ ಭಾವನೆಗಳಿಗೆ ಬೇಸರ ಮೂಡಿಸಿದಂತೆ.. ಇನ್ನಾದರೂ ಎಚ್ಚರ ವಹಿಸಿ ಸುದೀಪಣ್ಣ.. 🤗💐 @GPKSSS_Pavagada pic.twitter.com/oOVS74Qlzv

— Srihari Palegar (@PalegarSrihari) October 14, 2021

ಶಿವ ಕಾರ್ತಿಕ್ ನಿರ್ದೇಶನದ ಥ್ರಿಲ್ಲರ್ ಸಿನಿಮಾ ಕೋಟಿಗೊಬ್ಬ-3. ಸುದೀಪ್ ಜೊತೆಗೆ ಶ್ರದ್ಧಾದಾಸ್, ಮಡೊನ್ನಾ ಸಬಾಸ್ಟಿಯನ್, ಸವಾಬ್ ಶಾ, ಅಫ್ಗಾಬ್ ಶಿವದಾಸನಿ ತಾರಾಗಣದಲ್ಲಿದ್ದಾರೆ. ಅರ್ಜುನ್ ಜನ್ಯ ಸಂಗೀತ, ಶೇಖರ್ ಚಂದ್ರು ಸಿನಿಛಾಯಾಗ್ರಹಣ ಈ ಚಿತ್ರಕ್ಕಿದೆ.

Kotigobba Movie Release Date Postponed Sudeep Asks Fans to Calm Down

ಇದನ್ನೂ ಓದಿ: ಆರ್‌ಸಿಬಿಯಲ್ಲಿ ವಿರಾಟ್ ಕೊಹ್ಲಿ ನಾಯಕತ್ವ ಅಂತ್ಯ: ಏನಂದರು ಕಿಚ್ಚ ಸುದೀಪ್?
ಇದನ್ನೂ ಓದಿ: ಅನಿತಾ ಭಟ್‌ ನಿರ್ಮಾಣದ ಇಂದಿರಾ ಪೋಸ್ಟರ್ ಬಿಡುಗಡೆ ಮಾಡಿದ ಪುನೀತ್ ರಾಜ್‌ಕುಮಾರ್