ರಚಿತಾ ರಾಮ ರಾಮ! ರಚ್ಚು ಮತ್ತೆ ಮಾದಕವಾಗಿ ಕಾಣಿಸಿಕೊಂಡಿದ್ದೇಕೆ?

ಐ ಲವ್ ಯೂ ಚಿತ್ರ ಬಿಡುಗಡೆಯಾದಾಗ ನಟಿ ರಚಿತಾ ರಾಮ್ ಕಣ್ಣೀರು ಹಾಕಿದ್ದರು. ಕಾರಣ, ಆಕೆ ಆ ಮಟ್ಟಿಗೆ ಮಾದಕವಾಗಿ ಕಾಣಿಸಿಕೊಂಡಿದ್ದರು ಆ ಚಿತ್ರದಲ್ಲಿ. ಅದನ್ನು ಅವರೇ ನೋಡಿ ಬೇಸರಗೊಂಡು, ಇನ್ನು ಮುಂದೆ ಇಂಥ ಹಾಡುಗಳಲ್ಲಿ ಕಾಣಿಸಿಕೊಳ್ಳಲ್ಲ ಅಂತ ಶಪಥ ಮಾಡಿರುವಂತೆ ಘೋಷಿಸಿದ್ದರು. ಈಗ ರಚಿತಾ ರಾಮ್ ಮಾಗಿದ್ದಾರೆ. ಬಿಡುಗಡೆಯಾಗಲಿರುವ ಲವ್ ಯೂ ರಚ್ಚು ಸಿನಿಮಾದ ಮುದ್ದು ನೀನು ಹಾಡು ಎರಡು ದಿನಗಳ ಹಿಂದೆ ಬಿಡುಗಡೆಯಾಗಿ ಪಡ್ಡೆ ಹುಡುಗರಿಗೆ ಈ ಪಾಟಿ ಚಳಿಯಲ್ಲಿ ಬಿಸಿಬಿಸಿ ಅನುಭವ ನೀಡಿದೆಯಂತೆ. ರಚಿತಾ ಆ ಮಟ್ಟಿಗೆ ಮಾದಕವಾಗಿದ್ದಾರೆ ಹಾಡಲ್ಲಿ.

ಮುಂದುವರಿದ ಭಾಗವಾಗಿ, ನಟಿ ರಕ್ಷಿತಾ ಪ್ರೇಮ್ ನಿರ್ಮಾಣ ಮಾಡುತ್ತಿರುವ, ಪ್ರೇಮ್ ನಿರ್ದೇಶಿಸುತ್ತಿರುವ ಏಕ್ ಲವ್ ಯೂ ಸಿನಿಮಾದಲ್ಲಿ ರಚಿತಾ ಎಣ್ಣೆ ಬಾಟಲಿ ಹಿಡಿದಿರುವುದರಿಂದ, ಇದೂ ಕೂಡ ಹಾಟ್ ಸಾಂಗೇ ಅನ್ನೋ ಅನುಮಾನ ಮೂಡಿದೆ. ಈ ಚಿತ್ರವನ್ನು ರಕ್ಷಿತಾ ಸೋದರ ರಾಣಾಗಾಗಿ ನಿರ್ಮಾಣ ಮಾಡುತ್ತಿದ್ದು, ರಾಣಾ ಜೋಡಿಯಾಗಿ ರಚಿತಾ ರಾಮ್ ಮತ್ತು ರೀಷ್ಮಾ ನಾಣಯ್ಯ ಇದ್ದಾರೆ. ಯಾರೆ ಯಾರೇ, ಹೇಳು ಯಾಕೆ ಅನ್ನೋ ಹಾಡುಗಳು ಈಗಾಗಲೇ ಬಿಡುಗಡೆಯಾಗಿವೆ.

ನಾಳೆ ಮೂರನೇ ಹಾಡು ಲೋಕಾರ್ಪಣೆಗೆ ಸಿದ್ಧವಾಗಿದೆ. ಅದು ಎಲ್ಲರ ಗಮನ ಸೆಳೆದಿರೋದು ಎಣ್ಣೆಗೂ, ಹೆಣ್ಣಿಗೂ ಲಿಂಕ್ ಮಾಡಿ, ರಚಿತಾ ಕೈಗೆ ಎಣ್ಣೆ ಬಾಟಲ್ ಕೊಟ್ಟಿರೋದರಿಂದ. ಈ ಹಾಡಿನ ಸಾಹಿತ್ಯ ಪ್ರೇಮ್ ಅವರದೇ. ಇದೊಂದು ಗರ್ಲ್ಸ್ ಬ್ರೇಕಪ್ ಆಂಥೆಮ್ ಅಂತಾರೆ ಪ್ರೇಮ್. ಪ್ರೇಮ ವೈಫಲ್ಯ ಹಾಡಲ್ಲಿ ನಾಯಕನ ಕೈಯಲ್ಲಿ ಇರಬೇಕಾದ ಬಾಟಲ್ ರಚಿತಾ ರಾಮ್ ಕೈಗೆ ಕೊಟ್ಟಿದ್ದು ಮಾತ್ರ ಕುತೂಹಲ. ನಿರ್ಮಾಪಕಿ ರಕ್ಷಿತಾ ಕೂಡ ಈ ಹಾಡಲ್ಲಿ ಹೆಜ್ಜೆಹಾಕಿದ್ದಾರಂತೆ. ಹೀಗಾಗಿ, ಹಾಡಿನ ಕುತೂಹಲ ಮಗದಷ್ಟು ಹೆಚ್ಚಾಗಿದೆ.

ಹಿಂದಿನ ಮಾತನ್ನು ಮುರಿದ ರಚಿತಾರನ್ನು ಹೀಗೇಕೆ ಮಾಡಿದ್ರೀ ಮೇಡಂ ಅಂದರೆ, ಫಸ್ಟ್ ನೈಟಲ್ಲಿ ಎಲ್ರೂ ಮಾಡೋದನ್ನೇ ನಾವು ಮಾಡಿದ್ದೀವಿ ಬಿಡ್ರೀ ಅಂತ ಬೋಲ್ಡ್ ಆಗಿ ಹೇಳಿದ್ದಾರೆ. ಬ್ಯೂಟಿಫುಲ್ ಹುಡ್ಗಿ. ಅಂದರೆ, ರಚಿತಾ ರಾಮ್ ಬಹಳ ಮಾಗಿದ್ದಾರೆ ಅಂತಾಯ್ತು.

ಇದನ್ನೂ ಓದಿ: ನಟಿ ರಾಗಿಣಿ ಫುಲ್ ಬ್ಯುಸಿ; ಸಿನಿ ಪಯಣದಲ್ಲೇ ಭಿನ್ನ ಪಾತ್ರದಲ್ಲಿ ತುಪ್ಪದ ಬೆಡಗಿ