ಕಠ್ಮಂಡು: ಹಿಮಾಲಯ ಶ್ರೇಣಿಯ ರುದ್ರರಮಣೀಯ ನೋಟ, ಪ್ರಶಾಂತತೆ ಎಷ್ಟು ಚೇತೋಹಾರಿಯೂ ಇಲ್ಲಿ ಉಂಟಾಗುವ ಪ್ರಕೃತಿ ವಿಕೋಪಗಳು ಅಷ್ಟೆ ಅಪಾಯಕಾರಿ. ನೇಪಾಳದ ಮಸ್ತಾಂಗ್‌ ಜಿಲ್ಲೆಯ ಹಿಮಾಲಯ ಶ್ರೇಣಿಯ ತುಕುಚೆ ಸಾಲಿನಲ್ಲಿ ತೀವ್ರ ಹಿಮಕುಸಿತವಾಗಿದ್ದು, ಇದರ ಭಯಾನಕ ವಿಡಿಯೋ ಮತ್ತು ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದೆ.
ಬೆಟ್ಟ-ಗುಡದಿಂದ ಉದುರುತ್ತಿರುವ ಬಿಳಿಯ ದಪ್ಪ ದಪ್ಪ ಉಂಡೆಗಳು ಹಿಮಗಿರಿಯ ಪ್ರಶಾಂತತೆಗೆ ಧಕ್ಕೆ ತಂದಿದೆ. ಹಿಮದಫಲಕಗಳು ಅರ್ಧ ತಾಸು ಬಿದ್ದಿದ್ದು, ಇದರಿಂದ ಉಂಟಾದ ಭಾರಿ ಸದ್ದಿನಿಂದ ಪಶು, ಪಕ್ಷಿಗಳ ಆಕ್ರಂದನದ ಜತೆಗೆ ಮನುಷ್ಯರ ಕಿರುಚಾಟದ ಶಬ್ದವು ಕೇಳಿದೆ. ಭಯಭೀತರಾದ ಅನೇಕರು ರಕ್ಷಣೆಗಾಗಿ ಓಡತೊಡಗಿದ್ದಾರೆ,
ಹಿಮಪಾತವು ಜನಾರ್ದನ ಅಮರಸಿಂಗ್‌ ಹೈಸ್ಕೂಲ್‌ ಮೇಲೆ ಬಿದ್ದ ಕಾರಣ ಏಳು ವಿದ್ಯಾರ್ಥಿಗಳು ಸೇರಿ 11 ಜನರು ಗಾಯಗೊಂಡಿದ್ದಾರೆ. ಎಂದು ಅಧಿಕಾರಿಗಳು ಹೇಳಿದ್ದಾರೆ.
“ಹಿಮಕುಸಿದ ನಂತರ ಈ ಭಾಗದ ಜನರನ್ನು ಸ್ಥಳಾಂತರಿಸಲಾಗಿದೆ. ಈ ಅವಘಡದಿಂದ ಜನರಿಗೆ ಹೆಚ್ಚಿನ ಮಟ್ಟದ ಹಾನಿಯಾಗಿಲ್ಲ ಎಂದು ಮಸ್ತಾಂಗ್‌ನ ಜಿಲ್ಲಾಧಿಕಾರಿ ನೇತ್ರ ಪ್ರಸಾದ್‌ ಶರ್ಮಾ ತಿಳಿಸಿದ್ದಾರೆ.
ಈ ವಿಡಿಯೋ ಇನ್‌ಸ್ಟಾಗ್ರಾಂನಲ್ಲಿ ನವೆಂಬರ್‌ 14ರಂದು ಪೋಸ್ಟ್‌ ಆಗಿದ್ದು, ಹಿಮಪಾತವಾದ ಬೆಟ್ಟದ ನೆತ್ತಿಯನ್ನು ಸೆರೆ ಹಿಡಿಯಲಾಗಿದೆ. ಹಿಮಫಲಕಗಳು ಬೀಳುವ ರಭಸ ಹೆಚ್ಚಿದಂತೆ ಇದನ್ನು ವಿಡಿಯೋ ಮಾಡುತ್ತಿದ್ದ ವ್ಯಕ್ತಿ ಕೂಡ ಓಡಲಾರಂಭಿಸಿದ ಕಾರಣ ದೃಶ್ಯಗಳು ಅಲುಗಾಡಿದೆ.
ಹಿಮಾಲಯ ಪರ್ವತದಲ್ಲಿ ಹಿಮಕುಸಿತದ ಘಟನೆ ಅಸ್ವಾಭಾವಿಕ ಏನೂ ಅಲ್ಲ. ಮಸ್ತಾಂಗ್‌ ಭಾಗದಲ್ಲಿ ಭಾನುವಾರ ಹಲವು ಕಡೆ ಹಿಮಕುಸಿತ ಸಂಭವಿಸಿದೆ.
Massive Avalanche In Nepal’s Mustang
ಇದನ್ನು ಓದಿ: ಉತ್ತರಾಖಂಡದಲ್ಲಿ ಭಾರಿ ಹಿಮಪಾತ: 11 ಮಂದಿ ಚಾರಣಿಗರ ಸಾವು
ಇದನ್ನು ಓದಿ: Trekkers: ಹಿಮಾಚಲದಲ್ಲಿ ಹಿಮಪಾತಕ್ಕೆ ಮೂವರು ಚಾರಣಿಗರ ದುರ್ಮರಣ
Discussion about this post