ಅಯ್ಯೋ ಮರೆತೇಹೋಯಿತು ಎನ್ನುವವರು ಮತ್ತು ನೆನಪಿನ ಶಕ್ತಿಯೇ ಇರುವುದಿಲ್ಲ ಎಂದು ವಿದ್ಯಾರ್ಥಿಗಳು ತೊಳಲಾಡುತ್ತಾರೆ. ಇಂಥವರಿಗೆ ಜ್ಞಾನಪಕ ಶಕ್ತಿಯನ್ನು ವೃದ್ಧಿಸಲು ಹದಿನಾಲ್ಕು ಸರಳೋಪಾಯ ಇಲ್ಲಿದೆ.
ನೆನಪು ಹಾರಿಹೋಗಲು ಒತ್ತಡ ಮತ್ತು ಜೆನಿಟಿಕ್‌ ಕಾರಣಗಳು ಇರುತ್ತವೆ. ಕೆಲವೊಮ್ಮೆ ನರ ಸಂಬಂಧಿ ಕಾಯಿಲೆಯಿಂದ ಅಲ್ಜೈಮೆರ್‌ನಿಂದಲೂ ಮೆರೆವು ಬರುತ್ತದೆ. ಪಥ್ಯ ಮತ್ತು ಜೀವನ ಶೈಲಿಯಲ್ಲಿನ ಅಸಡ್ಡೆಕೂಡ ನೆನಪಿನ ಶಕ್ತಿ ಕುಂದಲು ಕಾರಣ ಎಂದು ಕೆಲವು ಅಧ್ಯಯನಗಳು ಹೇಳಿವೆ.
ಜ್ಞಾಪಕವೇ ಇರುವುದಿಲ್ಲ ಎನ್ನುವವರಿಗೆ ನೆನಪಿನ ಶಕ್ತಿಯನ್ನು ವೃದ್ಧಿಸಲು ಸಹಕಾರಿಯಾಗುವಂತಹ 14 ಸಹಜ ಉಪಾಯ ಇಲ್ಲಿದೆ.
1. ಹೊಟ್ಟೆಬಾಕತನ, ಅತಿಯಾಗಿ ಸಿಹಿ ತಿನ್ನುವಿಕೆಯಿಂದ ಮಿದುಳಿನಲ್ಲಿನ ತಾತ್ಕಾಲಿಕ ನೆನಪಿನ ಕೋಶ ಮಂದವಾಗುತ್ತದೆ. ಆದರಿಂದ ಮಿತ ಆಹಾರ ಮತ್ತು ಸಕ್ಕರೆ ಅಂಶವನ್ನು ಕಡಿಮೆಗೊಳಿಸಬೇಕು.
2. ಮೀನು, ಮೀನೆಣ್ಣೆಯಲ್ಲಿ ಒಮೆಗಾ-3 ಇರುವುದರಿಂದ ನೆನಪಿನ ಶಕ್ತಿ ಹೆಚ್ಚಾಗುತ್ತದೆ. ವಯೋಸಹಜವಾಗಿ ಕಾಡುವ ಮೆರೆವಿನಿಂದ ಹೊರಬರಲು ಇದು ಸಹಾಯಕ.
3. ಧ್ಯಾನ ಮಾಡುವುದರಿಂದಲೂ ಜ್ಞಾನಪಕ ಶಕ್ತಿ ವೃದ್ಧಿಸುತ್ತದೆ ಮತ್ತು ಇದು ಒತ್ತಡವೂ ಕಡಿಮೆ ಆಗುತ್ತದೆ.
4. ಸ್ಥೂಲಕಾಯವು ಮರೆವಿನ ರೋಗಕ್ಕೆ ಕಾರಣ ಆದ್ದರಿಂದ ಆರೋಗ್ಯಕರವಾದ ತೂಕಹೊಂದುವುದು ಉತ್ತಮ.
5. ನಿದ್ರಾಹೀನತೆಯಿಂದಲೂ ನೆನಪು ನಷ್ಟವಾಗುತ್ತದೆ. ಆದರಿಂದ ಸಾಕಷ್ಟು ಸಮಯ ನಿದ್ರಿಸಿ.
6. ಆತುರಾತುರಾಗಿ ಕೆಲಸ ಮಾಡುವುದನ್ನು ಬಿಡಬೇಕು. ಸಾವಧಾನತೆಯನ್ನು ರೂಢಿಸಿಕೊಳ್ಳಬೇಕು.
7. ಮದ್ಯ ಸೇವನೆ ತ್ಯಜಸಿ ಅಥವಾ ಕಡಿಮೆ ಮಾಡಿಕೊಳ್ಳುವುದು ನೆನಪಿನ ಶಕ್ತಿ ವೃದ್ಧಿಸುವ ಉಪಾಯದಲ್ಲೊಂದು.
8. ಮಿದುಳಿಗೆ ಕಸರತ್ತು ನೀಡಿ. ಅಂದರೆ ಚಿಂತನೆಯನ್ನು ಹೆಚ್ಚಿಸಿ ಅಲೋಚನಾ ಕ್ರಮಗಳಲ್ಲಿ ನಾವೀನ್ಯತೆ ಇರಲಿ. ಬುದ್ಧಿಯನ್ನು ಚುರುಕುಗೊಳಿಸುವ ಆಟಗಳನ್ನು ಆಡಿ.
9. ಕೇಕ್, ಕುಕೀಸ್‌, ರಿಫೈನ್ಡ್‌, ಬೇಕರಿ ತಿನಿಸುಗಳ ಅತಿಯಾದ ಸೇವನೆಯೂ ಜ್ಞಾನಪಕ ಶಕ್ತಿಯನ್ನು ಹಾಳು ಮಾಡುತ್ತದೆ. ಆದರಿಂದ ಇದನ್ನು ಮಿತಗೊಳಿಸಿ.
10. ವಿಟಮಿನ್‌ ಡಿ ಮಟ್ಟವನ್ನು ಆಗಾಗ್ಗೆ ಪರೀಕ್ಷಿಸಿಕೊಳ್ಳಿ. ವಿಟಮಿನ್‌ ಡಿ ಅಂಶ ಕುಸಿಯುವುದರಿಂದಲೂ ನೆನಪು ಕಡಿಮೆ ಆಗುವ ಸಂಭವ ಇದೆ.
11. ವ್ಯಾಯಾಮ ಮಾಡುವುದಿಂದ ದೇಹಾರೋಗ್ಯ ಉತ್ತಮ. ಇದು ನೆನಪಿನ ಶಕ್ತಿ ಹೆಚ್ಚಿಸಿಕೊಳ್ಳಲು ಸಹಕಾರಿ.
12. ಆಹಾರ ಕ್ರಮದಲ್ಲಿ ಬೇಯಿಸಿದ ಆಹಾರಕ್ಕಿಂತ ಹಸಿ ಆಹಾರ ಹೆಚ್ಚಿರಲಿ. ಅಂದರೆ ತಾಜಾ ತರಕಾರಿ, ಸೊಪ್ಪನ್ನುಹಾಗೆಯೇ ಸೇವಿಸುವುದು ಉತ್ತಮ. ಇದರಿಂದ ಆಂಟಿಆಕ್ಸಿಡೆಂಟ್ಸ್‌ ಹೆಚ್ಚುತ್ತದೆ.
13. ಅರಿಶಿನದ ಸೇವನೆಯಿಂದ ನೆನಪು ಧಾರಣೆಯ ಶಕ್ತಿ ಹೆಚ್ಚಳ. ಅರಿಸಿದಲ್ಲಿರುವ ಕರ್ಕ್ಯಮಿನ್‌ ಅಂಶ ನೆನಪಿನ ಶಕ್ತಿ ವೃದ್ಧಿಸುತ್ತದೆ.
14. ಆಹಾರ ಕ್ರಮದಲ್ಲಿ ಕೋಕೋ ಅಂಶ ಇದ್ದರೆ ಪೌಷ್ಟಿಕಾಂಶ ಹೆಚ್ಚಳವಾಗಿ ಜ್ಞಾನಪಕ ಶಕ್ತಿ ಅಧಿಕವಾಗುತ್ತದೆ.
ಇದನ್ನೂ ಓದಿ:
Discussion about this post