ಆರೋಗ್ಯಕರ ಜೀರ್ಣಕ್ರಿಯೆ ನಿಮ್ಮದಾಗಬೇಕೇ? ಹಾಗಾದೆರೆ ಇಲ್ಲಿವೆ ಆಯುರ್ವೇದದ 9 ಸುಲಭೋಪಾಯಗಳು

ನಾವು ತಿನ್ನುವ ಆಹಾರದಂತೆ ನಮ್ಮ ದೇಹಾರೋಗ್ಯವಿರುತ್ತದೆ ಎನ್ನುವುದು ಭಾರತೀಯರಿಗೆ ಚೆನ್ನಾಗಿಯೇ ತಿಳಿದಿರುವ ವಿಚಾರವಾಗಿದ್ದು ನಮ್ಮ ಪೂರ್ವಿಕರೂ ಸಹ ಹಿತ-ಮಿತವಾದ ಆಹಾರವನ್ನು ಸೇವಿಸಿ ದೀರ್ಘಕಾಲ ಬದುಕುತ್ತಿದ್ದರಲ್ಲದೇ ಆರೋಗ್ಯಕರ ಜೀವನವನ್ನೂ ನಡೆಸುತ್ತಿದ್ದರು. ಆದರೆ, ಸದ್ಯದ ಪರಿಸ್ಥಿತಿಯಲ್ಲಿ, ಬಹುತೇಕರಲ್ಲಿ ತಿನ್ನುವ ವಿಚಾರದಲ್ಲಿ ಶಿಸ್ತಿನ ಕೊರತೆಯಿಂದಾಗಿ ಹಾಗೂ ಜೀವನಶೈಲಿಯಲ್ಲಿನ ವ್ಯತ್ಯಾಸಗಳಿಂದಾಗಿ ಜೀರ್ಣಕ್ರಿಯೆಯ ಸಮಸ್ಯೆಗಳು ಸರ್ವೇಸಾಮಾನ್ಯವಾಗಿದ್ದು ಅವುಗಳನ್ನು ನಿವಾರಿಸಿಕೊಳ್ಳಲು ಸಹಾಯ ಮಾಡುವ 9 ಉಪಾಯಗಳನ್ನು ಕೆಳಗೆ ನೀಡಲಾಗಿದೆ.

1. ಹಸಿವಿದ್ದಾಗ ಮಾತ್ರವೇ ಆಹಾರ ಸೇವಿಸಬೇಕು: ಕೆಲವೊಮ್ಮೆ ನಮಗೆ ಹಸಿವಾಗಿರುವಂತೆ ಭಾಸವಾದರೂ ನಾವು ಈ ಹಿಂದೆ ಸ್ವೀಕರಿಸಿರುವ ಆಹಾರ ಸಂಪೂರ್ಣವಾಗಿ ಅರಗುವ ತನಕ ಆಹಾರ ಸೇವಿಸಬಾರದು. ಚೆನ್ನಾಗಿ ಹಸಿವಾದ ನಂತರವೇ ತಿನ್ನಬೇಕು.

2. ಆಹಾರವನ್ನು ನೆಮ್ಮದಿಯಿಂದ ಶಾಂತ ಪರಿಸ್ಥಿತಿಯಲ್ಲಿ ಆರಾಮವಾಗಿ ತಿನ್ನಬೇಕು: ತಿನ್ನುವಾಗ ಟಿವಿ, ಫೋನ್, ಲ್ಯಾಪ್‌ಟಾಪ್ ಮುಂತಾದವನ್ನು ಉಪಯೋಗಿಸದೇ ಆರಾಮವಾಗಿ ಕುಳಿತು ತಿನ್ನಬೇಕು.

3. ಆಹಾರವನ್ನು ಸರಿಯಾದ ಪ್ರಮಾಣದಲ್ಲಿ ತಿನ್ನಬೇಕು: ನಾವೆಲ್ಲರೂ ಪರಸ್ಪರ ಭಿನ್ನರಾಗಿದ್ದು ನಮ್ಮ-ನಮ್ಮ ದೈಹಿಕ ಅವಶ್ಯಕತೆಗಳಿಗೆ ಅನುಗುಣವಾಗಿ ತಿನ್ನಬೇಕು. ಆಹಾರ ರುಚಿಕರವಾಗಿದೆಯೆಂದೋ ಅಥವಾ ಅದು ನಿಮಗಿಷ್ಟವಾಗಿರುವುದೆಂದೋ ಅನಿಯಮಿತವಾಗಿ ತಿನ್ನದೇ ನಿಮ್ಮ ಮನದ ಮಾತ ಕೇಳಿ ನಿಮಗೆ ಸಾಕು ಎನಿಸಿದಾಗ ತಿನ್ನುವುದನ್ನು ನಿಲ್ಲಿಸಬೇಕು.

4. ಬೆಚ್ಚಗಿನ ಆಹಾರವನ್ನು ತಿನ್ನುವುದು: ಫ್ರಿಜ್‌ನಲ್ಲಿಟ್ಟ ಆಹಾರವನ್ನು ತಿನ್ನುವುದಕ್ಕಿಂತ ಬೆಚ್ಚಗಿನ ತಾಜಾ ಆಹಾರವನ್ನು ಸೇವಿಸುವುದರಿಂದ ಜೀರ್ಣಕ್ರಿಯಯಲ್ಲಿ ಸಹಾಯ ಮಾಡುವ ಕಿಣ್ವಗಳು ಸರಿಯಾಗಿ ಕೆಲಸಮಾಡಲು ಸಾಧ್ಯವಾಗುವುದರಿಂದ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತದೆ.

5. ಉತ್ತಮ ಗುಣಮಟ್ಟದ ಆಹಾರವನ್ನು ಸೇವಿಸುವುದು: ಇದರಿಂದ ಪೌಷ್ಠಿಕಾಂಶಗಳು ದೊರೆಯುವುದಲ್ಲದೇ ಜೀರ್ಣಕ್ರಿಯೆ ಚೆನ್ನಾಗಿ ಆಗುವುದು. ಒಣ ಆಹಾರಗಳನ್ನು ತಿನ್ನದಿರುವುದೇ ಒಳ್ಳೆಯದು.

6. ಹೊಂದಿಕೆಯಾಗದ ಆಹಾರಗಳನ್ನು ಒಟ್ಟಿಗ ಸೇವಿಸಬಾರದು: ಇದರಿಂದ ಜೀರ್ಣಕ್ರಿಯೆ ಸರಿಯಾಗಿ ಆಗದೆ ಹೊಟ್ಟೆ ಕೆಡಬಹುದು. ಉದಾಹರಣೆಗೆ, ಹಣ್ಣಗಳು ಮತ್ತು ಹಾಲು ಹಾಗೂ ಮೀನು ಮತ್ತು ಹಾಲು, ಇತ್ಯಾದಿ.

7. ಊಟ ಮಾಡುವಾಗಿ ನಿಮ್ಮ ಗಮನ ಅದರ ಮೇಲೆಯೇ ಇರಬೇಕು. ನೀವು ತಿನ್ನುವ ಆಹಾರದ ಗುಣಮಟ್ಟ, ರುಚಿ, ಪರಿಮಳ ಮುಂತಾದವನ್ನು ಅನುಭವಿಸಿ ಸಂತೋಷಚಿತ್ತದಿಂದ ಊಟ ಮಾಡಬೇಕು.

8. ಬೇಗ-ಬೇಗ ತಿನ್ನದೇ ಸಮಾಧಾನದಿಂದ ಚೆನ್ನಾಗಿ ಅಗೆದು ತಿನ್ನಬೇಕು. ಇದರಿಂದ ತಿಂದ ಆಹಾರ ಚೆನ್ನಾಗಿ ಜೀರ್ಣವಾಗಲು ಸಹಾಯವಾಗುತ್ತದೆ.

9. ನಿರ್ದಿಷ್ಟ ಸಮಯದಲ್ಲಿ ಆಹಾರ ತೆಗೆದುಕೊಳ್ಳಿ. ಆಹಾರ ತೆಗೆದುಕೊಳ್ಳುವಾಗ ಸಮಯದ ಶಿಸ್ತನ್ನೂ ಪಾಲಿಸಿ ನಿರ್ದಿಷ್ಟ ಸಮಯದಲ್ಲಿ ತೆಗೆದುಕೊಂಡರೆ ಜೀರ್ಣಕ್ರಿಯೆ ಚೆನ್ನಾಗಿ ಆಗುತ್ತದೆ.

Nine tips for good functioning of our digestive system

ಇದನ್ನೂ ಓದಿ:  Health: ಮಾನಸಿಕ ಆರೋಗ್ಯ ಹಾಗೂ ದೇಹಸೌಂದರ್ಯಗಳ ಮಧ್ಯೆ ನಾನು ಮಾನಸಿಕ ಆರೋಗ್ಯವನ್ನು ಆಯ್ದುಕೊಂಡಿದ್ದೇನೆ: ಹಿನಾ ಖಾನ್
ಇದನ್ನೂ ಓದಿ: ಕೋವಿಡ್ ಜನಕ ಚೀನಾ: ವಿಶ್ವ ಆರೋಗ್ಯ ಸಂಸ್ಥೆ ನೀಡಿದೆ ಶಾಕಿಂಗ್ ವರದಿ