ನವದೆಹಲಿ: ಕೋವಿಶೀಲ್ಡ್ ಅಥವಾ ಬ್ರಿಟನ್ ಆರೋಗ್ಯ ನಿಯಂತ್ರಕರು ಮಾನ್ಯ ಮಾಡಿದ ಇನ್ಯಾವುದೇ ಲಸಿಕೆಯನ್ನು ಎರಡೂ ಡೋಸ್ ಹಾಕಿಸಿಕೊಂಡಿರುವ ಭಾರತೀಯರಿಗೆ ತಮ್ಮ ದೇಶದಲ್ಲಿ ಯಾವುದೇ ನಿರ್ಬಂಧ ಇನ್ನು ಮುಂದೆ ಇರುವುದಿಲ್ಲ ಎಂದು ಬ್ರಿಟನ್ ಶುಕ್ರವಾರ ಹೇಳಿದೆ. ಭಾರತದಿಂದ ಬರುವ ಪ್ರವಾಸಿಗರನ್ನು ಹತ್ತು ದಿನ ಪ್ರತ್ಯೇಕವಾಸದಲ್ಲಿ (ಕ್ವಾರಂಟೈನ್) ಇರುವ ಕ್ರಮ ಅಕ್ಟೋಬರ್ 11ರಿಂದ ನಿಲ್ಲಲಿದೆ ಎಂದು ನವದೆಹಲಿಯಲ್ಲಿ ಬ್ರಿಟನ್ ಹೈಕಮಿಷನರ್ ಆಗಿರುವ ಅಲೆಕ್ಸ್ ಎಲ್ಲಿಸ್ ಹೇಳಿದ್ದಾರೆ.
ಕೋವಿಶೀಲ್ಡ್ ಲಸಿಕೆಯ ಬಗ್ಗೆ ಆಕ್ಷೇಪ ತೆಗೆದು ಈ ಲಸಿಕೆ ಪಡೆದ ಭಾರತದ ಪ್ರವಾಸಿಗರಿಗೆ 10 ದಿನಗಳ ಕ್ವಾರಂಟೈನ್ ವಿಧಿಸಿ ಬ್ರಿಟನ್ ಕಳೆದ ವಾರ ವಿವಾದವನ್ನು ಎಳೆದುಕೊಂಡಿತ್ತು. ಇದಕ್ಕೆ ಭಾರತ ಕೂಡ ಬ್ರಿಟನ್ನಿಂದ ಬರುವ ಪ್ರಯಾಣಿಕರ ಮೇಲೆ ಇಂಥದ್ದೇ ಪ್ರತಿಕಾರದ ಕ್ರಮವನ್ನು ಈ ವಾರದ ಆರಂಭದಲ್ಲಿ ಘೋಷಿಸಿತು. ಈ ಬೆಳವಣಿಗೆಯಿಂದ ಎಚ್ಚೆತ್ತುಕೊಂಡಿರುವ ಬ್ರಿಟನ್, ಆಕ್ಷೇಪ ಇರುವುದು ಲಸಿಕೆಯ ಬಗ್ಗೆ ಅಲ್ಲ; ಲಸಿಕೆಯ ಪ್ರಮಾಣ ಪತ್ರ ಬಗ್ಗೆ ಎಂದು ಸಬೂಬು ಹೇಳಿ ಕ್ವಾರಂಟೈನ್ ನಿಯಮವನ್ನು ಪುನರ್ ಪರಿಶೀಲಿಸುವುದಾಗಿ ತಿಳಿಸಿತ್ತು. ಈಗ ಕ್ವಾರಂಟೈನ್ ನಿಯಮ ಕೈಬಿಡುವುದಾಗಿ ತಿಳಿಸಿದೆ.
ಕೋವಿಶೀಲ್ಡ್ ಲಸಿಕೆಯನ್ನು ಮೂಲವಾಗಿ ಅಭಿವೃದ್ಧಿ ಪಡಿಸಿದ್ದು ಬ್ರಿಟನ್ ಅಸ್ಟಾಜೆನಿಕಾ ಕಂಪನಿ ಮತ್ತು ಬ್ರಿಟನ್ ಕೇಂಬ್ರಿಜ್ ವಿಶ್ವವಿದ್ಯಾಲಯ. ಇದನ್ನು ಭಾರತದ ಪುಣೆ ಮೂಲದ ಸೆರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ಸ್ಥಳೀಯವಾಗಿ ಉತ್ಪಾದಿಸಿ ವಿತರಿಸುತ್ತಿದೆ. ವಿಶ್ವ ಆರೋಗ್ಯ ಸಂಸ್ಥೆ ಮಾನ್ಯ ಮಾಡಿರುವಂತ ಕೋವಿಡ್-19 ಲಸಿಕೆಗಳಲ್ಲಿ ಅಸ್ಟಾಜೆನಿಕಾ ಕಂಪನಿಯ ಲಸಿಕೆಯೂ ಇದೆ.
No quarantine for Indian 🇮🇳 travellers to UK 🇬🇧 fully vaccinated with Covishield or another UK-approved vaccine from 11 October.
Thanks to Indian government for close cooperation over last month. pic.twitter.com/cbI8Gqp0Qt
— Alex Ellis (@AlexWEllis) October 7, 2021
No Quarantine for Indians in Britain says UK High Commissioner
ಇದನ್ನೂ ಓದಿ: ಭಾರತೀಯರು ಪಡೆದ ಲಸಿಕೆಗೆ ಬ್ರಿಟನ್ ಮಾನ್ಯತೆ ಇಲ್ಲ
ಇದನ್ನೂ ಓದಿ: ಭಾನುವಾರ ಲಸಿಕೆ ಇಲ್ಲ: ಆರೋಗ್ಯ ಇಲಾಖೆ ಸ್ಪಷ್ಟನೆ
Discussion about this post