ಸಿಗರೇಟ್ ಸೇದುವ ಚಟ ಇಲ್ಲದವರಿಗೂ ಶ್ವಾಸಕೋಶದ ಕ್ಯಾನ್ಸರ್ ತಗುಲುವ ಸಾಧ್ಯತೆ ಇದೆ. ಇದಕ್ಕೆ ವಾಯು ಮಾಲಿನ್ಯ ಮತ್ತು ಇನ್ನಿತರ ಅಂಶಗಳು ಸಿಗರೇಟ್ ಸೇವನೆಯಷ್ಟೆ ಕಾರಣ ಎನ್ನುತ್ತಾರೆ ತಜ್ಞರು.
ಒಳಾವರಣ ಮತ್ತು ಹೊರಾವರಣದಲ್ಲಿ ವಾಯು ಮಾಲಿನ್ಯ ವಿಪರೀತವಾಗುತ್ತಿದೆ. ಅಡುಗೆಗೆ ಗ್ಯಾಸ್ ಬಳಕೆ ಮಾಡಲುತ್ತಿದ್ದರೂ, ಕೈಗಾರಿಕೆಗಳಲ್ಲಿನ ಮಾಲಿನ್ಯ ತಗ್ಗಿದ್ದರೂ ಇನ್ನಿತರ ರೀತಿಯ ವಾಯು ಮಾಲಿನ್ಯ ಉಂಟಾಗುತ್ತಿರುವುದು ಶ್ವಾಸಕೋಶದ ಕ್ಯಾನ್ಸರ್ಗೆ ಕಾರಣವಾಗುವ ಸಾಧ್ಯತೆ ಇದೆ ಎಂದು ಹೇಳಿದ್ದಾರೆ.
ವಾತಾವರಣ ಅಥವಾ ಭೂಮಿಯಲ್ಲಿ ರೇಡಾನ್ ಹೆಚ್ಚಾಗಿ ಇರುವಿಕೆ, ಪರೋಕ್ಷ ಧೂಮಪಾನ, ಜಿನ್ ರೂಪಾಂತರದಿಂದಲೂ ಶ್ವಾಸಕೋಶದ ಕ್ಯಾನ್ಸರ್ ಬರಬಹುದು. ಹೀಗಾಗಿ ಶ್ವಾಸಕೋಶದ ಸಮಸ್ಯೆ ಇದ್ದವರು ಅದನ್ನು ಉಪೇಕ್ಷೆ ಮಾಡಿದೆ ವೈದ್ಯರಲ್ಲಿ ತಪಾಸಣೆ ಮಾಡಿಸಿಕೊಳ್ಳಬೇಕು.
ಶ್ವಾಸಕೋಶದ ಕ್ಯಾನ್ಸರ್ ಅನ್ನು ಪತ್ತೆ ಮಾಡಿಕೊಳ್ಳುವಿಕೆಯ ನಾಲ್ಕು ವಿಧಾನವನ್ನು ಇಲ್ಲಿ ಪಟ್ಟಿ ಮಾಡಲಾಗಿದೆ.
1. ಎಕ್ಸ್ ರೇ ಶ್ವಾಸಕೋಶದ ಕ್ಯಾನ್ಸರ್ ಪತ್ತೆಯ ಸರಳ ವಿಧಾನ. ಕೋಶದಲ್ಲಿ ಅರ್ಬುಧ ಇದ್ದರೆ ಆ ಭಾಗ ಮಬ್ಬಾಗಿ ಕಾಣುತ್ತದೆ. ಇದರಿಂದ ಕ್ಯಾನ್ಸರ್ ಶಂಕೆ ವ್ಯಕ್ತವಾಗುತ್ತದೆ. ಹೆಚ್ಚಿನ ಪರೀಕ್ಷೆಗೆ ಒಳಗಾಗುವುದಿರಿಂದ ಇದನ್ನು ಖಚಿತ ಪಡಿಸಿಕೊಳ್ಳಬಹುದು.
2. ಪಿಇಟಿ ಸ್ಕ್ಯಾನ್/ಸಿಟಿ ಸ್ಕ್ಯಾನ್ನಿಂದ ಶ್ವಾಸಕೋಶದಲ್ಲಿ ಅಸಹಜವಾದ ಭಾಗಗಳನ್ನು ತಿಳಿಯಬಹುದು ಮತ್ತು ಬಯಾಪ್ಸಿ ಮಾಡಿಸುವುದಕ್ಕೆ ಈ ಪರೀಕ್ಷೆ ಸಹಾಯವಾಗುತ್ತದೆ.
3. ಶ್ವಾಸಕೋಶದಿಂದ ತೆಗೆದ ಸಣ್ಣ ಟಿಶ್ಯೂ ಅಥವಾ ದ್ರವನ್ನು ಬಯಾಪ್ಸಿ ಪರೀಕ್ಷೆಗಾಗಿ ಸಂಗ್ರಹಿಸಲಾಗುತ್ತದೆ. ಸೂಕ್ಷ್ಮದರ್ಶಕದಲ್ಲಿ ಪರೀಕ್ಷಿಸಿ ಕ್ಯಾನ್ಸರ್ ಇರುವಿಕೆಯನ್ನು ಖಚಿತ ಪಡಿಸಲಾಗುತ್ತದೆ. ಬಯಾಪ್ಸಿ ಪರೀಕ್ಷೆಯು ಕ್ಯಾನ್ಸರ್ ಪತ್ತೆಗೆ ಅತ್ಯಂತ ಖಾಚಿತ್ಯ ವಿಧಾನವೂ ಆಗಿದೆ.
4. ಎಂಡೋಬ್ರಾಂಚಿಯಲ್ ಅಲ್ಟ್ರಾಸೌಂಡ್ (ಇಬಿಯುಎಸ್) ಪರೀಕ್ಷೆಯಿಂದ ಶ್ವಾಸಕೋಶದ ಹಲವು ಸಮಸ್ಯೆಗಳನ್ನು ಪತ್ತೆ ಮಾಡಬಹುದು.
ಮೃದುವಾದ ಟ್ಯೂಬ್ಅನ್ನು ಬಾಯಿಯಿಂದ ಶ್ವಾಸನಾಳಕ್ಕೆ ಹಾಕಿ ಪರೀಕ್ಷೆ ನಡೆಸಲಾಗುತ್ತದೆ. ಶ್ವಾಸಕೋಶದ ಉರಿಯೂತ. ಸೋಂಕುಗಳನ್ನು ಇದರಿಂದ ಪತ್ತೆಯಾಗುತ್ತದೆ.
ಇದನ್ನೂ ಓದಿ: Heart attack: ಯುವ ಜನರಲ್ಲಿ ಹೆಚ್ಚುತ್ತಿರುವ ಹೃದಯಾಘಾತ ತಡೆಯುವುದು ಹೇಗೆ ?
Discussion about this post