ಶೈಕ್ಷಣಿಕ ಕ್ಷೇತ್ರಕ್ಕೆ ಅಪಾರ ಕೊಡುಗೆ ನೀಡಿದ 102 ವರ್ಷದ ನಂದ ಪ್ರಸ್ಟೀ ಅವರಿಗೆ ರಾಷ್ಟ್ರಪತಿ ರಾಮನಾಥ ಕೋವಿಂದ್ ಪದ್ಮಶ್ರೀ ಪ್ರಶಸ್ತಿ ಪ್ರದಾನ ಮಾಡಿದ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಇದಕ್ಕೆ ಕಾರಣ, ಪ್ರಶಸ್ತಿ ಪ್ರದಾನ ಮಾಡುವಾಗ ನಂದ ಮಾಸ್ಟರ್ ತಮ್ಮ ಎರಡೂ ಕೈಗಳನ್ನು ಕೋವಿಂದ ಅವರ ತಲೆಯ ಮೇಲಿಟ್ಟು ಆಶೀರ್ವದಿಸಿರುವುದು. ಅದಕ್ಕೆ ಪ್ರತಿಯಾಗಿ ರಾಷ್ಟ್ರಪತಿಗಳು ತಲೆಬಾಗಿ ತಮ್ಮ ಎರಡೂ ಕೈಗಳಿಂದ ನಂದ ಅವರಿಗೆ ನಮಸ್ಕಾರ ಮಾಡಿದ್ದೇ ಈ ಫೋಟೋ ಎಲ್ಲರ ಅಭಿಮಾನಕ್ಕೆ ಪಾತ್ರವಾಗಲು ಕಾರಣವಾಯಿತು.
ನಂದ ಮಾಸ್ಟರ್ ರಾಷ್ಟ್ರಪತಿಗಳಿಗೆ ಆಶೀರ್ವಾದ ಮಾಡುತ್ತಿರುವ ಫೋಟೋವನ್ನು ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪ್ರಕಟಿಸಿರುವ ರಾಷ್ಟ್ರಪತಿ ಭವನವು, ಇದೊಂದು,ಅಪರೂಪದ ಚಿತ್ರ ಎಂದು ಹೇಳಿಕೊಂಡಿದೆ.
102 ವರ್ಷದ ನಂದ ಮಾಸ್ಟರ್ ಅವರು ಯಾವ ಪ್ರತಿಫಲಾಕ್ಷೆ ಇಲ್ಲದೆ ಜೈಪುರ, ಓಡಿಶಾಗಳಲ್ಲಿ ಮಕ್ಕಳು, ವಿದ್ಯಾರ್ಥಿಗಳಿಗೆ ದಶಕಗಳಿಂದ ಉಚಿತ ಶಿಕ್ಷಣವನ್ನು ನೀಡುತ್ತಿದ್ದಾರೆ. ಈ ಸಾಧಕರಿಗೆ ಸಂದಿರುವ ಪದ್ಮಶ್ರೀ ಪ್ರಶಸ್ತಿಯನ್ನು ಸ್ವೀಕರಿಸುವ ಸಂದರ್ಭದಲ್ಲಿ ನಂದ ಅವರಿಂದ ರಾಷ್ಟ್ರಪತಿಗಳು ಆಶೀರ್ವಾದ ಪಡೆಯುತ್ತಿರುವ ಅಪೂರ್ವ ಸಮಯ ಸೆರೆಹಿಡಿದಿರುವ ಭಾವಚಿತ್ರವು ಈಗ ಎಲ್ಲರ ಮನಗೆದ್ದಿದೆ.
ಇದನ್ನೂ ಓದಿ: ವೃಕ್ಷಮಾತೆಗೆ ಸ್ಟಾರ್ ನಟರಿಗಿಂತ ಅದ್ದೂರಿ ಸ್ವಾಗತ; ಪದ್ಮಶ್ರೀ ತುಳಸಿ ಗೌಡ ಜೊತೆ ಸೆಲ್ಫಿಗಾಗಿ ಕಾತುರದಿಂದ ಕಾದ ಜನ
Discussion about this post