ಶ್ರೀನಗರ: ಜಮ್ಮು ಜಿಲ್ಲೆಯಲ್ಲಿ ಪೊಲೀಸರು 100 ಕೋಟಿ ರೂಪಾಯಿ ಮೌಲ್ಯದ 52 ಕಿಲೋ ತೂಕದ ಹೆರಾಯಿನ್ ಅನ್ನು ಪೊಲೀಸರು ಗುರುವಾರ ವಶಪಡಿಸಿಕೊಂಡಿದ್ದಾರೆ. ಇದು ಪಾಕ್ ಮೂಲಕ ಪೂರೈಕೆಯಾಗಿದ್ದು, ಇದರಿಂದ ಜಮ್ಮು ಮತ್ತು ಕಾಶ್ಮೀರಕ್ಕೆ ದಶಕಗಳಿಂದ ಉಗ್ರರನ್ನು ರ್ತು ಮಾಡುತ್ತಿರುವ ಪಾಕಿಸ್ತಾನ, ಇತ್ತೀಚಿನ ವರ್ಷದಲ್ಲಿ ಮಾದಕವಸ್ತುಗಳನ್ನು ಕಳ್ಳ ಮಾರ್ಗದಲ್ಲಿ ಪೂರೈಸುತ್ತಿರುವುದು ಸಾಕ್ಷ್ಯ ಸಮೇತ ಸಾಬೀತಾಗಿದೆ.
ಕಾಶ್ಮೀರವನ್ನು ಹೆಬ್ಬಾಗಿಲು ಮಾಡಿಕೊಂಡು ಡ್ರಗ್ಸ್ ಸ್ಮಗ್ಲಿಂಗ್ಗೆ ಪಾಕ್ ಬೆಂಬಲವಾಗಿದ್ದು, ಈ ಮೂಲಕ ಹಿಮಾಲಯ ಶ್ರೇಣಿಯಲ್ಲಿನ ಯುವ ಸಮುದಾಯವನ್ನು ದುರ್ವ್ಯಸನಕ್ಕೆ ಎಳೆಯುತ್ತಿದೆ. ಜಮ್ಮು ಜಿಲ್ಲೆಯ ರಜ್ಜರ್ ಕೋಟ್ಲಿಯಲ್ಲಿ ಪೊಲೀಸರು ನಾಕಾಬಂದಿ ನಡೆಸುತ್ತಿದ್ದಾಗ ಪಂಜಾಬ್ಗೆ ಸಾಗಣೆ ಮಾಡಲಾಗುತ್ತಿದ್ದ “1999′ ಎಂಬ ಗುರುತು ಇದ್ದ ಪ್ಯಾಕೇಟ್ಗಳು ಕಂಡುಬಂದವು. ಅದನ್ನು ಪರಿಶೀಲಿಸಿದಾಗ ಡ್ರಗ್ಸ್ ಪತ್ತೆಯಾಯಿತು ಎಂದು ಜಮ್ಮು ಮತ್ತು ಕಾಶ್ಮೀರದ ಪೊಲೀಸ್ ಮಹಾನಿರ್ದೇಶಕ ದಿಲ್ಬಾಗ್ ಸಿಂಗ್ ಹೇಳಿದ್ದಾರೆ.
ಇಂಥದ್ದೇ ಪ್ಯಾಕೇಟ್ಗಳು ಈ ಹಿಂದೆ ಪಾಕ್ನಿಂದ ಕಳ್ಳಮಾರ್ಗದಲ್ಲಿ ಭಾರತಕ್ಕೆ ಬಂದಿತ್ತು. ಡ್ರೋನ್ ಮೂಲಕವೂ ಗಡಿಯಲ್ಲಿ ಡ್ರಗ್ಸ್ ಪ್ಯಾಕೇಟ್ಗಳನ್ನು ಇಳಿಸಲಾಗುತ್ತಿದೆ. ಕಳೆದೆರಡು ವರ್ಷಗಳಲ್ಲಿ 360 ಕೋಟಿ ರೂಪಾಯಿ ಮೌಲ್ಯದ 185 ಕಿಲೋ ಹೆರಾಯಿನ್ನನ್ನು ವಶಪಡಿಸಿಕೊಳ್ಳಲಾಗಿದೆ. 1,500 ಮಂದಿಯನ್ನು ಬಂಧಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಇದು ಮಾದಕವಸ್ತು ಮತ್ತು ಭಯೋತ್ಪಾದನೆ ಜಾಲದ ಕೃತ್ಯವಾಗಿದ್ದು, ಡ್ರಗ್ಸ್ ಮಾರಾಟದಿಂದ ಬರುವ ಹಣವನ್ನು ವಿಧ್ವಂಸಕ ಕೃತ್ಯಕ್ಕೆ ಬಳಸಲಾಗುತ್ತದೆ. ಡ್ರಗ್ಸ್ ಸ್ಮಗ್ಲಿಂಗ್ ಮೂಲಕ ಭಾರತದ ಜತೆಗೆ ಪಾಕ್ ಕೆಟ್ಟ ಆಟವನ್ನು ಆಡುತ್ತಿದೆ. ಯುವಕರನ್ನು ಮಾದಕವಸ್ತು ಚಟಕ್ಕೆ ಈಡು ಮಾಡಿ ಅವರ ಬುದ್ಧಿಕೆಡಿಸಿ ನಂತರ ಅವರ ಕೈಗೆ ಬಂದೂಕು ನೀಡುತ್ತದೆ ಎಂದು ದಿಲ್ಬಾಗ್ ಸಿಂಗ್ ಹೇಳಿದ್ದಾರೆ.
ಭಾರತದಲ್ಲಿ ಬಳಕೆಯಾಗುತ್ತಿರುವ ಮಾದಕವಸ್ತುಗಳ ಪೈಕಿ ಕಾಶ್ಮೀರದ ಮೂಲಕ ಬಂದ ಸರಕಿಗೆ 5ನೇ ಸ್ಥಾನವಿದೆ. ಆರು ಲಕ್ಷಕ್ಕೂ ಹೆಚ್ಚು ಜನರು ಇದರ ಸಂಪರ್ಕಕ್ಕೆ ಬಂದಿದ್ದಾರೆ. ಈ ಡ್ರಗ್ಸ್ ವ್ಯಸನಿಗರಲ್ಲಿ ಶೇ. 90ರಷ್ಟು ಮಂದಿ 17ರಿಂದ 33 ವರ್ಷದೊಳಗಿನವರು ಎಂದು ಅಖಿಲ ಭಾರತ ವೈದ್ಯವಿಜ್ಞಾನ ಸಂಸ್ಥೆ (ಏಮ್ಸ್) ಮಾದಕವಸ್ತು ವ್ಯಸನಿಗಳ ವಿಭಾಗ ನಡೆಸಿದ ಅಧ್ಯಯನದಿಂದ ತಿಳಿದು ಬಂದಿದೆ.
ಇದನ್ನೂ ಓದಿ:World Diabetes Day: ಕ್ರಿಕೆಟ್‌ನಲ್ಲಿ ಮಾತ್ರವಲ್ಲದೇ ಮಧುಮೇಹದಲ್ಲೂ ಭಾರತದೊಂದಿಗೆ ಸ್ಪರ್ಧೆಗೆ ಬಿದ್ದಿರುವ ಪಾಕಿಸ್ತಾನ
Discussion about this post