ಅಮೆಜಾನ್ “ರತ್ನನ್ ಪ್ರಪಂಚ”ಕ್ಕೆ ಪುನೀತ್ ಹಾಡಿದ “ಗಿಚ್ಚಿ ಗಿಲಿಗಿಲಿ” ಹಾಡು ಹೊಸ ಟ್ರೆಂಡ್ ಸೃಷ್ಟಿಸುವ ಎಲ್ಲ ಸಾಧ್ಯತೆ

ಅಮೆಜಾನ್ ಒರಿಜಿನಲ್ ಮೂವೀಸ್ ಸರಣಿಯಲ್ಲಿ ಮುಂಬರಲಿರುವ “ರತ್ನನ್ ಪ್ರಪಂಚ” ಚಿತ್ರಕ್ಕೆ ಜಾನಪದ ಶೈಲಿಯ ಹಾಡೊಂದನ್ನು ಹಾಡಿದ ಪವರ್‌ಸ್ಟಾರ್ ಪುನೀತ್ ರಾಜಕುಮಾರ್ ಹೊಸ ಟ್ರೆಂಡ್ ಸೃಷ್ಟಿಸುವುದರಲ್ಲಿ ಸಂಶಯವಿಲ್ಲ.

ಕೆಆರ್‌ಜಿ ಸ್ಟುಡಿಯೋಸ್ ನಿರ್ಮಿಸಲಿರುವ ಈ ಟ್ರಾವೆಲ್ ಕಾಮಿಡಿ ಚಿತ್ರವನ್ನು ರೋಹಿತ್‌ ಪದಕಿ ನಿರ್ದೇಶಿಸಲಿದ್ದಾರೆ. ಡಾಲಿ ಧನಂಜಯ್ ಈ ಚಿತ್ರದ ನಾಯಕರಾಗಿದ್ದು ಅವರೆದುರು ರೆಬಾ ಮೋನಿಕಾ ಜಾನ್ ನಾಯಕಿಯಾಗಿದ್ದಾರೆ.

ಈ ಚಿತ್ರದ ಹೈಲೈಟ್ ಎಂದರೆ ಪವರ್‌ಸ್ಟಾರ್ ಪುನೀತ್ ರಾಜಕುಮಾರ್ ಹಾಡಿರುವ ಉತ್ತರಕರ್ನಾಟಕದ ಜಾನಪದ ಶೈಲಿಯ “ಗಿಚ್ಚಿ ಗಿಲಿಗಿಲಿ” ಹಾಡು. ಒಮ್ಮೆ ಕೇಳಿದರೆ ಮತ್ತೆ-ಮತ್ತೆ ಕೇಳಬೇಕೆನ್ನಿಸುವ ಈ ಹಾಡು ಅಭಿಮಾನಿಗಳ ಹಾಗೂ ಚಿತ್ರರಸಿಕರ ಕಿಕ್ಕೇರಿಸುವುದರಲ್ಲಿ ಸಂಶಯವಿಲ್ಲ.

ಸಾಹಿತ್ಯವನ್ನು ಶಿವು ಬೆರ್ಗಿ ಬರೆದಿದ್ದರೆ ಸಂಗೀತ ನೀಡಿರುವವರು ಬಿ.ಅಜನೀಶ್ ಲೋಕನಾಥ್. ಎಂತಹದೇ ಒತ್ತಡದಲ್ಲಿದ್ದರೂ ಒಮ್ಮೆ ಗೀತೆ ಪ್ರಾರಂಭವಾಗುತ್ತಿದ್ದಂತೆ ಕೇಳುಗನ್ನು ಎಲ್ಲವನ್ನೂ ಮರೆತು ಅದರ ತಾಳಕ್ಕೆ ತಕ್ಕಂತೆ ಕುಣಿಯಬೇಕೆನ್ನುವಂತೆ ಮಾಡುತ್ತದೆ.

ಭಾರತ ಸೇರಿದಂತೆ 240 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ 22 ಅಕ್ಟೋಬರ್ 2021ರಿಂದ ಈ ಚಿತ್ರ ಅಮೆಜಾನ್ ಪ್ರೈಮ್‌ವಿಡಿಯೋದಲ್ಲಿ ಸ್ಟ್ರೀಮಿಂಗ್‌ಗೆ ಲಭ್ಯವಾಗಲಿದೆ.

Power star Puneeth Rajkumar sings a trendsetting song “Gichchi Gili Gili for Ratnan Prapancha

ಇದನ್ನೂ ಓದಿ: ಸ್ಯಾಂಡಲ್ ವುಡ್ ನಲ್ಲಿ ಒಂದೇ ಡ್ಯಾನ್ಸ್ ಗೆ ಹೆಜ್ಜೆ ಹಾಕ್ತಾರೆ ಪ್ರಭುದೇವ್ ಮತ್ತು ಪವರ್ ಸ್ಟಾರ್
ಇದನ್ನೂ ಓದಿ: ಅನಿತಾ ಭಟ್‌ ನಿರ್ಮಾಣದ ಇಂದಿರಾ ಪೋಸ್ಟರ್ ಬಿಡುಗಡೆ ಮಾಡಿದ ಪುನೀತ್ ರಾಜ್‌ಕುಮಾರ್