ಪ್ರಿಯಾಂಕಾ, ನಿಕ್ ಜೋನಸ್ ಲಾಸ್‌ ಏಂಜಲೀಸ್ ನಿವಾಸದಲ್ಲಿ ದೀಪಾವಳಿ ಸಡಗರ

ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಅವರ ಪತಿ ನಿಕ್ ಜೋನಸ್ ಅವರು ಲಾಸ್‌ ಏಂಜಲೀಸ್‌ನ ತಮ್ಮ ನಿವಾಸದಲ್ಲಿ ಭರ್ಜರಿಯಾಗಿ ದೀಪಾವಳಿ ಹಬ್ಬ ಆಚರಿಸಿಕೊಂಡಿದ್ದಾರೆ.

ಮನೆಯಲ್ಲಿ ದೀಪಾವಳಿ ಆಚರಣೆಗೆ ಸಂಬಂಧಿಸಿದ ಕೆಲವು ಫೋಟೊಗಳನ್ನು ಅವರು ಸಾಮಾಜಿಕ ಮಾಧ್ಯಮ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಹಳದಿ ಸೀರೆ ಉಟ್ಟಿರುವ ಪ್ರಿಯಾಂಕಾ ಹಾಗೂ ಬಿಳಿ ಕುರ್ತಾ ಧರಿಸಿರುವ ನಿಕ್ ಅವರು ದೀಪ ಬೆಳಗುತ್ತಿರುವುದು ಚಿತ್ರದಲ್ಲಿದೆ.

‘ಯಾ ದೇವೀ ಸರ್ವಭೂತೇಷು ಲಕ್ಷ್ಮೀ ರೂಪೇಣ ಸಂಸ್ಥಿತಾ. ನಮಸ್ತಸ್ಯೈ ನಮಸ್ತಸ್ಯೈ ನಮಸ್ತಸ್ಯೈ ನಮೋ ನಮಃ. ದೇವಿ ಮಹಾಲಕ್ಷ್ಮೀಗೆ ನಮಿಸುತ್ತಾ ನಮ್ಮ ಮನೆಗೆ ಆಗಮಿಸುವಂತೆಯೂ ಅನುಗ್ರಹ ಹಾಗೂ ಸಮೃದ್ಧಿ ಕರುಣಿಸುವಂತೆಯೂ ಪ್ರಾರ್ಥನೆ ಮಾಡಿಕೊಂಡೆವು’ ಎಂದು ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ ಪ್ರಿಯಾಂಕಾ ಬರೆದುಕೊಂಡಿದ್ದಾರೆ.

ಓದಿ: Diabetes: ಹಬ್ಬದ ಸಾಲಿನಲ್ಲಿ ಮಧುಮೇಹ ನಿಯಂತ್ರಣಕ್ಕೆ ಟಿಪ್ಸ್

‘ಮನೆಯಲ್ಲಿ ಪೂಜೆ ಮತ್ತು ಪ್ರಾರ್ಥನೆಗಳನ್ನು ಮಾಡುತ್ತೇನೆ. ಜೀವನದಲ್ಲಿ ಪವಿತ್ರವಾದದ್ದನ್ನು ಏನನ್ನಾದರೂ ಆರಂಭಿಸುವಾಗ ಪೂಜೆ, ಪ್ರಾರ್ಥನೆ ಮಾಡುವಂತೆ ನಿಕ್ ಕೂಡ ನನಗೆ ಸೂಚಿಸುತ್ತಾರೆ. ನಾವಿಬ್ಬರೂ ಈ ವಿಚಾರದಲ್ಲಿ ಒಮ್ಮತದಿಂದ ಇದ್ದೇವೆ. ನಮ್ಮ ಮನೆಯಲ್ಲಿ ಈ ವಾತಾವರಣ ನಿರ್ಮಿಸಿಕೊಂಡಿದ್ದೇವೆ’ ಎಂದು ಪ್ರಿಯಾಂಕಾ ಹೇಳಿದ್ದಾರೆ.

 

View this post on Instagram

 

A post shared by Priyanka Chopra Jonas (@priyankachopra)