ನವದೆಹಲಿ: ವಾಯುಪಡೆಯ ಬಲವೃದ್ಧಿಸಲು ಅತ್ಯಾಧುನಿಕವಾದ ಮತ್ತು ಬಹುಕಾರ್ಯ ನಿರ್ವಹಣೆಯ ಫ್ರಾನ್ಸ್ನಿಂದ ರಫೇಲ್ ಯುದ್ಧ ವಿಮಾನದ ಖರೀದಿ ಸಂಬಂಧ ಲಂಚ ಪಡೆಯಲಾಗಿದೆ (ಕಿಕ್ಬ್ಯಾಕ್) ಎಂದು ಫ್ರಾನ್ಸ್ ದೇಶದ “ಮೀಡಿಯಾಪಾರ್ಟ್’ ಮಾಧ್ಯಮದ ಇತ್ತೀಚಿನ ವರದಿ ಕುರಿತಂತೆ ಕಾಂಗ್ರೆಸ್ ಮತ್ತು ಬಿಜೆಪಿ ಮಧ್ಯೆ ವಾಕ್ಸಮರ ನಡೆದಿದೆ.
ರಫೇಲ್ ಖರೀದಿಯಲ್ಲಿ ಅವ್ಯವಹಾರ ನಡೆದಿರುವುದು 2007ರಿಂದ 2012ರ ನಡುವೆ ಎಂದು “ಮೀಡಿಯಾಪಾರ್ಟ್’ ವರದಿ ಬೆಟ್ಟು ಮಾಡಿದೆ. ಅಂದರೆ ನರೇಂದ್ರ ಮೋದಿ ನೇತೃತ್ವದಲ್ಲಿ ಸರ್ಕಾರ ರಚನೆಯಾಗುವುದಕ್ಕೂ (2014) ಹಿಂದೆ ಈ ಕಿಕ್ಬ್ಯಾಕ್ ವಿನಿಮಯ ಆಗಿದೆ. ಹೀಗಾಗಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಮೇಲೆ ದೇಶದ ಜನರಿಗೆ ಉತ್ತರಿಸುವ ಹೊಣೆಗಾರಿಕೆ ಇದೆ ಎಂದು ಬಿಜೆಪಿ ವಕ್ತಾರ ಸಂಬಿತ್ ಪಾತ್ರಾ ಆಗ್ರಹಿಸಿದ್ದಾರೆ.
ಐಎನ್‌ಸಿ ಎಂದರೆ ಇಂಡಿಯನ್ ನ್ಯಾಷನಲ್ ಕಾಂಗ್ರೆಸ್ ಅಲ್ಲ, “ಐ ನೀಡ್ ಕಮಿಷನ್’ ಎಂದು. ಪಕ್ಷದ ಅಧ್ಯಕ್ಷೆಯಾದಿಯಾಗಿ ಅವರ ಮಕ್ಕಳು, ಇನ್ನಿತರ ನಾಯಕರು ಕಮಿಷನ್ಗೆ ಬಾಯ್ಬಾಯಿ ಬಿಡುತ್ತಾರೆ. ಹೀಗಾಗಿ ಯುಪಿಎ ಸರ್ಕಾರದ ಅವಧಿಯಲ್ಲಿ ರಫೇಲ್ ವಿಮಾನ ಖರೀದಿಸಲು ಶೇ. 40 ಕಮಿಷನ್ಗೆ ಡೀಲ್ ಆಗಿತ್ತು ಎಂದು ಪಾತ್ರಾ ಆರೋಪಿಸಿದ್ದಾರೆ.
ಜೆಪಿಸಿ ತನಿಖೆಗೆ ಆಗ್ರಹ:
ಸಂಬಿತ್ ಪಾತ್ರಾ ಅವರ ಈ ಟೀಕೆಗೆ ಪ್ರತಿಯಾಗಿ ಸೋನಿಯಾ ಗಾಂಧಿ ಮಕ್ಕಳು ಮತ್ತು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿಗಳಾದ ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾ ಟ್ವೀಟ್ ಮಾಡಿದ್ದಾರೆ.
ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ಭ್ರಷ್ಟಾಚಾರವನ್ನು ರಕ್ಷಿಸುತ್ತಿದೆ. ರಫೇಲ್ ವ್ಯವಹಾರದಲ್ಲಿ ಯಾರುಯಾರಿಗೆ ಎಷ್ಟೆಷ್ಟು ಹಣ ಗುಪ್ತವಾಗಿ ಸಂದಾಯ ಆಗಿದೆ ಎಂಬ ಮಾಹಿತಿ ಸಿಬಿಐ ಮತ್ತು ಜಾರಿ ನಿರ್ದೇಶನಾಲಯಕ್ಕೆ 2018ರಲ್ಲೇ ತಿಳಿದಿದೆ. ಆದರೂ, ಆರೋಪಿಗಳಿಗೆ ಅಭಯ ನೀಡಲು ಕೇಂದ್ರ ಸರ್ಕಾರ ತನಿಖೆಗೆ ಆದೇಶಿಸಿಲ್ಲ. ಕೇಂದ್ರೀಯ ತನಿಖಾ ಸಂಸ್ಥೆಗಳ ಮೇಲೆ ಜನಸಾಮಾನ್ಯರು ವಿಶ್ವಾಸ ಕಳೆದುಕೊಂಡಿರುವುದರಿಂದ ಈ ಹಗರಣದ ಬಗ್ಗೆ ಜಂಟಿ ಸಂಸದೀಯ ಸಮಿತಿಯಿಂದ (ಜೆಪಿಸಿ) ತನಿಖೆ ಆಗಬೇಕು. ಆಗ ಮಾತ್ರ ಸತ್ಯ ಹೊರಬರಲು ಸಾಧ್ಯ ಎಂದಿದ್ದಾರೆ.
ರಫೇಲ್ ಖರೀದಿ ಹಿನ್ನೆಲೆ:
ಫ್ರಾನ್ಸ್ ಡಸಾಲ್ಟ್ ಕಂಪನಿಯಿಂದ 36 ರಫೇಲ್ ವಿಮಾನ ಖರೀದಿ ವ್ಯವಹಾರವನ್ನು ಕುದುರಿಸುವುದಕ್ಕಾಗಿ ಮಧ್ಯವರ್ತಿ ಸುಶೇನ್ ಗುಪ್ತಾಗೆ ರಹಸ್ಯವಾಗಿ 7.50 ದಶಲಕ್ಷ ಯೂರೋ (ಸುಮಾರು 6,500 ಕೋಟಿ ರೂಪಾಯಿ) ಕಮಿಷನ್ ಪಾವತಿಸಲಾಗಿದೆ. ಈ ಕುರಿತ ಸಾಕ್ಷ್ಯಾಧಾರಗಳು ಭಾರತದ ತನಿಖಾ ಸಂಸ್ಥೆಗಳಿಗೆ ಲಭ್ಯವಾಗಿದ್ದರೂ ತನಿಖೆ ನಡೆಸುವಲ್ಲಿ ವಿಲವಾಗಿವೆ ಎಂದು “ಮೀಡಿಯಾಪಾರ್ಟ್’ ವರದಿಯಲ್ಲಿ ಉಲ್ಲೇಖವಾಗಿದೆ.
ಇದನ್ನೂ ಓದಿ: ಪ್ರಧಾನಿಯಾದರೆ ಮೊದಲ ಕೆಲಸ ಮಹಿಳೆಯರಿಗೆ ಮೀಸಲಾತಿಯ ಆದೇಶ ಎಂದ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ
Discussion about this post