ನವದೆಹಲಿ: ಕೋಟ್ಯಂತರ ಅಭಿಮಾನಿಗಳ ಆರಾಧ್ಯದೈವ, ದಕ್ಷಿಣದವರಾದರೂ ಉತ್ತರದ ರಾಜ್ಯಗಳಲ್ಲೂ ಚಿರಪರಿಚಿತರಾದ ಸೂಪರ್ಸ್ಟಾರ್ ರಜಿನೀಕಾಂತ್ರಿಗೆ ಈ ವರ್ಷದ ಪ್ರತಿಷ್ಠಿತ ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿಯನ್ನು ನೀಡಲಾಗಿದ್ದು ಅವರು ಇದನ್ನು ಇಂದು ನವದೆಹಲಿಯಲ್ಲಿ ನಡೆದ ವರ್ಣರಂಜಿತ ಕಾರ್ಯಕ್ರಮದಲ್ಲಿ ಉಪರಾಷ್ಟ್ರಪತಿ ವೆಂಕಯ್ಯನಾಯ್ಡುರವರಿಂದ ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಅವರ ಪತ್ನಿ ಲತಾ, ಮಗಳು ಐಶ್ವರ್ಯಾ, ಅಳಿಯ ಧನುಷ್, ಹಾಗೂ ಮೊಮ್ಮಕ್ಕಳೂ ಸಹ ಉಪಸ್ಥಿತರದ್ದು ಸಂಭ್ರಮಿಸಿದರು.
ನೆನ್ನೆಯಷ್ಟೇ (ಅ.24) ಚೆನ್ನೈನಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತಾನಾಡಿದ್ದ ಸೂಪರ್ಸ್ಟಾರ್ ರಜಿನೀಕಾಂತ್ರವರು ಎರಡು ಕಾರಣಗಳಿಂದ ತಮಗೆ ಅಕ್ಟೋಬರ್ 25 ಬಹಳ ವಿಶೇಷ ದಿನವಾಗಿದ್ದು ತಾವು ದಾದಾಸಾಹೇಬ್ ಫಾಲ್ಕೆ ಪ್ರಶಸ್ತಿಗೆ ಆಯ್ಕೆಯಾಗಿರುವುದು ಒಂದು ಕಾರಣವಾದರೆ ತಮ್ಮ ಪುತ್ರಿ ಸೌಂದರ್ಯ “ಹೂಟ್” ಹೆಸರಿನ ಧ್ವನಿ ಆಧಾರಿತ ಆಪ್ ಒಂದನ್ನು ಪ್ರಾರಂಭಿಸುತ್ತಿರುವುದು ಎರಡನೆಯ ಕಾರಣವಾಗಿದೆ ಎಂದಿದ್ದರು. ತಾವು ಈ ಪ್ರಶಸ್ತಿಗೆ ಪಾತ್ರರಾಗಿದ್ದಕ್ಕೆ ಹರ್ಷ ವ್ಯಕ್ತಪಡಿಸಿದ್ದರಲ್ಲದೇ ತಮ್ಮ ಗುರು, ಶ್ರೇಷ್ಠ ತಮಿಳು ನಿರ್ದೇಶಕ ಕೆ. ಬಾಲಚಂದರ್ರವರು ತಾವು ಇಂತಹ ದೊಡ್ಡ ಪ್ರಶಸ್ತಿ ಪಡೆಯುವುದನ್ನು ನೋಡಲು ತಮ್ಮೊಂದಿಗಿಲ್ಲದಿರುವುದನ್ನು ನೆನೆದು ವಿಷಾದವನ್ನೂ ವ್ಯಕ್ತಪಡಿಸಿದ್ದರು. ನೆನ್ನೆಯಷ್ಟೇ ತಮ್ಮ ಕುಟುಂಬದ ಸದಸ್ಯರೊಂದಿಗೆ ಚೆನ್ನೈನಿಂದ ದೆಹಲಿ ರಜಿನೀಕಾಂತ್ ತಲುಪಿದ್ದರು. ಇದೇ ಸಂದರ್ಭದಲ್ಲಿ, ರಜಿನೀಕಾಂತ್ರ ಅಳಿಯ “ಅಸುರನ್” ಚಿತ್ರದ ಅಭಿನಯಕ್ಕೆ ಶ್ರೇಷ್ಠನಟನ ಪ್ರಶಸ್ತಿ ಪಡೆದಿದ್ದು ಅದನ್ನೂ ಇದೇ ಸಮಾರಂಭದಲ್ಲಿ ನೀಡಲಾಗುವುದು.
ಈ ಪ್ರತಿಷ್ಠಿತ ಪ್ರಶಸ್ತಿ ಪಡೆದಿರುವ ರಜಿನೀಕಾಂತ್ರಿಗೆ ರಾಜಕೀಯರಂಗದ ಹಾಗೂ ಸಿನಿಮಾರಂಗದ ದಿಗ್ಗಜರಿಂದ ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದ್ದು ಅವರ ಕೋಟ್ಯಂತರ ಅಭಿಮಾನಿಗಳೂ ಹರ್ಷದಲ್ಲಿ ತೇಲುತ್ತಿದ್ದಾರೆ.
Rajinikanth awarded the Dadasaheb Phalke award in 67th National Film Awards Ceremony in New Delhi
Discussion about this post