ನವದೆಹಲಿ: ಆರು ದಶಕಗಳ ಬಳಿಕ ಏರ್ ಇಂಡಿಯಾ ಮಹಾರಾಜ ತವರು ಮನೆಗೆ ವಾಪಸು ಬಂದಿರುವ ಸಂಭ್ರಮದಿಂದ ಇಡೀ ಟಾಟಾ ಸಮೂಹ ಪುಳಕಿತವಾಗಿದೆ. ಸಂಸ್ಥೆಯ ಚೇರ್ಮನ್ ಎಮಿರೇಟ್ಟ್ ಆಗಿರುವ ರತನ್ ಟಾಟಾ ಈ ಖುಷಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಏರ್ ಇಂಡಿಯಾ ಮಾದರಿಯ ಕೂಕಿಯನ್ನು ಹಂಚಿಕೊಳ್ಳುವ ಮೂಲಕ ವ್ಯಕ್ತಪಡಿಸಿದ್ದಾರೆ.
ಈ ಕೂಕಿ ವಿಮಾನದ ಆಕಾರದಲ್ಲಿದ್ದು, ಕೆಂಪು ಮತ್ತು ಬಿಳಿಯ ಬಣ್ಣದ ಸಮ್ಮಿಶ್ರಣದಲ್ಲಿ ತಯಾರಿಸಲಾಗಿದೆ. ಇದನ್ನು ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಪೋಸ್ಟ್ ಮಾಡಿರುವ ರತನ್ ಟಾಟಾ, ಶ್ರೀ ರತನ್ ಟಾಟಾ ಇನ್ಸ್ಟಿಟ್ಯೂಟ್ (ಆರ್ಟಿಐ)ಗೆ ಟ್ಯಾಗ್ ಮಾಡಿದ್ದಾರೆ. “ಮುದ್ದಾಗಿರುವ ಈ ಕೂಕಿಯನ್ನು ನೀಡಿರುವ ಆರ್ಟಿಐಗೆ ಧನ್ಯವಾದಗಳು’ ಎಂದು ಹೇಳಿದ್ದಾರೆ.
ಆರ್ಟಿಐ ಈ ಕೂಕಿಯನ್ನು ತಯಾರಿಸಿ, “ವೆಲ್ಕಂ ಬ್ಯಾಕ್ ಏರ್ ಇಂಡಿಯಾ” ಎಂದು ಕೂಕಿ ಪ್ಯಾಕೆಟ್ ಮೇಲೆ ಬರೆದಿದೆ.ಆರ್ಟಿಐ ಸ್ವಯಂಸೇವಾ ಸಂಸ್ಥೆಯಾಗಿದ್ದು, ಬೇಕರಿಯನ್ನೂ ಮುಂಬೈನಲ್ಲಿ ನಡೆಸುತ್ತದೆ. ಈ ಬೇಕರಿಯನ್ನು ರತನ್ಜಿ ಟಾಟಾ ಅವರ ಪತ್ನಿ ಲೇಡಿ ನವಜಾಬಾಯಿ ಟಾಟಾ 1926ರಲ್ಲಿ ತಮ್ಮ ಪತಿಯ ನೆನೆಪಿಗಾಗಿ ಇದನ್ನು ಆರಂಭಿಸಿದರು.
ಬಡಕುಟುಂಬದ ಮಹಿಳೆಯರಿಗೆ ಉದ್ಯೋಗ ನೀಡುವ ಉದಾತ್ತ ಉದ್ದೇಶದಿಂದ ಇದನ್ನು ಅವರು ಆರಂಭಿಸಿದರು.
ಕಳೆದ ವಾರ ಏರ್ ಇಂಡಿಯಾವನ್ನು ಟಾಟಾ ಸಮೂಹದ 18 ಸಾವಿರ ಕೋಟಿ ರೂಪಾಯಿಗೆ ಖರೀದಿಸಿದಾಗ ಏರ್ ಇಂಡಿಯಾವನ್ನು ಮೊದಲು ಆರಂಭಿಸಿದ ಜೆ.ಆರ್.ಡಿ. ಟಾಟಾ ಅವರ ಹಳೆಯ ಫೋಟೋವನ್ನು ರತನ್ ಟಾಟಾ ಟ್ವೀಟ್ ಮಾಡಿದ್ದರು.
Ratan tata shares cookie of air india
ಇದನ್ನೂ ಓದಿ: ಮುಂಬೈ ಬಿಇಎಸ್ಟಿ ಡಿಪೋದಲ್ಲಿ ಟಾಟಾ ಸಂಸ್ಥೆಯಿಂದ ವಿದ್ಯುಚ್ಚಾಲಿತ ಬಸ್ಗಳ ಸಂಪೂರ್ಣ ಚಾರ್ಜಿಂಗ್ ಘಟಕ ಸ್ಥಾಪನೆ
ಇದನ್ನೂ ಓದಿ: Nitin Gadkari: ಚೀನಾ ಬದಲು ಭಾರತದಲ್ಲಿ ಎಲೆಕ್ಟ್ರಿಕ್ ಕಾರು ತಯಾರಿಸಿ: ಟೆಸ್ಲಾಗೆ ನಿತಿನ್ ಗಡ್ಕರಿ ಸೂಚನೆ
Discussion about this post