ಮಾನವನ ಮೂಳೆ, ಹಲ್ಲುಗಳು, ಹಾಗೂ ನರಮಂಡಲದ ಆರೋಗ್ಯವನ್ನು ಉತ್ತಮವಾಗಿಡುವುದರಲ್ಲಿ ಕ್ಯಾಲ್ಷಿಯಂ ಹೆಚ್ಚಿನ ಪ್ರಮಾಣದಲ್ಲಿರುವ ಆಹಾರಗಳನ್ನು ದಿನನಿತ್ಯ ಸೇವಿಸಬೇಕೆನ್ನುವುದು ಇತ್ತೀಚಿನ ದಿನಗಳಲ್ಲಿ ಎಲ್ಲರಿಗೂ ತಿಳಿದಿರುವ ವಿಚಾರ. “ಹಿತ್ತಲಗಿಡ ಮದ್ದಲ್ಲ” ಎನ್ನುವಂತೆ ಕ್ಯಾಲ್ಷಿಯಂ ಹೆಚ್ಚಿನ ಪ್ರಮಾಣದಲ್ಲಿ ಸುಲಭವಾಗಿ ದೊರೆಯುವ ಆಹಾರ ಪದಾರ್ಥಗಳು ನಮ್ಮ ಸುತ್ತಮುತ್ತಲಿನಲ್ಲೇ ಇದ್ದರೂ ನಾವು ಅವುಗಳ ಸಂಪೂರ್ಣ ಉಪಯೋಗ ಪಡೆಯುವಲ್ಲಿ ವಿಫಲರಾಗಿರುತ್ತೇವೆ. ಅಂತಹ ಕೆಲ ಸುಲಭಲಭ್ಯ ಆಹಾರಗಳ ಬಗ್ಗೆ ತಿಳಿಯೋಣ.
1. ಹಾಲು: ಕ್ಯಾಲ್ಷಿಯಂ ಪೂರೈಕೆಯಲ್ಲಿ ಪ್ರಮುಖ ಮೂಲವಾಗಿದ್ದು ಕೇವಲ 100 ಗ್ರಾಂ ಹಾಲಿನಲ್ಲಿ 125 ಮಿ.ಗ್ರಾಂ ಕ್ಯಾಲ್ಷಿಯಂ ಇರುತ್ತದೆ. ಪ್ರತಿದಿನ ಹಾಲನ್ನು ಸೇವಿಸುವುದರಿಂದ ಹೆಚ್ಚಿನ ಕ್ಯಾಲ್ಷಿಯಂ ದೊರೆತು ಮೂಳೆ, ಹಲ್ಲುಗಳು, ಹಾಗೂ ನರಮಂಡಲದ ಆರೋಗ್ಯ ಹಾಗು ಚೈತನ್ಯ ಹೆಚ್ಚಿ ಅವು ಸರಿಯಾಗಿ ಬೆಳೆಯಲು ಹಾಗೂ ಕಾರ್ಯನಿರ್ವಹಿಸಲು ಸಹಾಯಕವಾಗುತ್ತದೆ.
2. ಹಸಿರು ಸೊಪ್ಪುಗಳು (ಪಾಲಕ್): ಭಾರತದಲ್ಲಿ ಜನರು ಹೆಚ್ಚು-ಹೆಚ್ಚು ಉಪಯೋಗಿಸುವ ತರಕಾರಿ ಇದಾಗಿದ್ದು 100 ಗ್ರಾಂ ಸೊಪ್ಪಿನಲ್ಲಿ 99 ಮಿ.ಗ್ರಾಂ. ಕ್ಯಾಲ್ಷಿಯಂ ಇರುತ್ತದೆ.
3. ರಾಗಿ: ಇದು ದಕ್ಷಿಣ ಭಾರತದ ಗ್ರಾಮೀಣ ಜನತೆಯ ಅತಿ ಮುಖ್ಯವಾದ ಆಹಾರವಾಗಿದ್ದು 100 ಗ್ರಾಂ ರಾಗಿಯಲ್ಲಿ 340-360 ಮಿ.ಗ್ರಾಂ. ಕ್ಯಾಲ್ಷಿಯಂ ಇರುತ್ತದೆ. ಹಾಲಿನಲ್ಲಿ ಸಿಗುವ ಪ್ರಮಾಣಕ್ಕಿಂತ ರಾಗಿಯಲ್ಲಿ ಹೆಚ್ಚಿನ ಪ್ರಮಾಣದ ಕ್ಯಾಲ್ಷಿಯಂ ದೊರೆಯುತ್ತದೆ.
4. ಬೇಳೆ-ಕಾಳುಗಳು ಹಾಗೂ ಮೊಳಕೆ ಕಾಳುಗಳು: ಇವುಗಳಿಗೆ ಭಾರತವೇ ತವರುಭೂಮಿಯಾಗಿದ್ದು ಇವುಗಳ ನಿಯಮಿತ ಸೇವನೆಯಿಂದ ಹೆಚ್ಚಿನ ಕ್ಯಾಲ್ಷಿಯಂ ದೊರೆಯುತ್ತದೆ.
5. ಎಳ್ಳು ಹಾಗೂ ಎಳ್ಳೆಣ್ಣೆ: ಇದೊಂದು ಪ್ರಮುಖ ಕ್ಯಾಲ್ಷಿಯಂ ಪೂರೈಸುವ ಧಾನ್ಯವಾಗಿದ್ದು ಕೇವಲ 100 ಗ್ರಾಂ ಎಳ್ಳಿನಲ್ಲಿ 1160 ಮಿ.ಗ್ರಾಂ. ಕ್ಯಾಲ್ಷಿಯಂ ಇರುತ್ತದೆ.
6. ರಾಜ್ಮಾ (ಹುರುಳಿ ಬೀಜದ ಆಕಾರದ ದೊಡ್ಡ ಕೆಂಪು ಬಣ್ಣದ ಬೀಜಗಳು): ಇದರಿಂದ ಮಾಡಿದ ಆಹಾರಗಳನ್ನು ಸೇವಿಸುವುದರಿಂದ ಹೆಚ್ಚಿನ ಪ್ರಮಾಣದ ಕ್ಯಾಲ್ಷಿಯಂ ದೊರೆಯುತ್ತದೆ.
7. ಬೆಲ್ಲ: ಕ್ಯಾಲ್ಷಿಯಂ ಹೆಚ್ಚಿನ ಪ್ರಮಾಣದಲ್ಲಿರುವ ಪದಾರ್ಥಗಳಲ್ಲಿ ಇದೂ ಒಂದಾಗಿದ್ದು ಭಾರತದ ಅಡುಗೆಗಳಲ್ಲಿ ಇದನ್ನು ಪ್ರಮುಖವಾಗಿ ಉಪಯೋಗಿಸಲಾಗುತ್ತದೆ.
ಮೇಲಿನ ಆಹಾರ ಪದಾರ್ಥಗಳನ್ನು ನಮ್ಮ ದಿನನಿತ್ಯದ ಆಹಾರ ಪದ್ಧತಿಯಲ್ಲಿ ಸೇರಿಸಿಕೊಂಡರೆ ನಮ್ಮ ಹಲ್ಲುಗಳ, ಮೂಳೆಗಳ, ಹಾಗೂ ನರಮಂಡಲದ ಸುಸ್ಥಿತಿಗೆ ಹಾಗೂ ಸೂಕ್ತ ಕಾರ್ಯನಿರ್ವಹಣೆಗೆ ದಾರಿಯಾಗುತ್ತದೆ.
Seven easily available calcium-rich foods that can take care of your calcium requirements and keep your teeth and bones in great health
ಇದನ್ನೂ ಓದಿ: RTPCR Report : ವಿದೇಶಗಳಿಂದ ಬೆಂಗಳೂರಿಗೆ ಬರುವವರಿಗೆ ಬೇಡ ಆರ್ಟಿಪಿಸಿಅರ್ ರಿಪೋರ್ಟ್..!
ಇದನ್ನೂ ಓದಿ:ಡ್ರಗ್ಸ್ ಪ್ರಕರಣದಲ್ಲಿ ಆರ್ಯನ್ ಖಾನ್ ಬಂಧನದ ನಂತರ ಪ್ರಥಮ ಬಾರಿಗೆ ಬಹಿರಂಗವಾಗಿ ಕಾಣಿಸಿಕೊಂಡ ಶಾರುಖ್
Discussion about this post