ಬಿಲ್ ಗೇಟ್ಸ್‌ಗೆ ಮಾಡಿದ ವಿವಾಹದ ಪ್ರಸ್ತಾಪ ಗಂಭಿರವಾದದ್ದಲ್ಲ, ಕುಚೋದ್ಯಕ್ಕಾಗಿ ಮಾಡಿದ್ದು: ಶಮ್ಸ್‌ ಬಂದರ್

ಕುವೈತ್: ಮೆಲಿಂಡಾ ಗೇಟ್ಸ್‌ರೊಂದಿಗೆ ಈ ವರ್ಷಾರಂಭದಲ್ಲಿ ವಿಚ್ಛೇದನ ಪಡೆದಿದ್ದ ಸಾಫ್ಟ್‌ವೇರ್ ದಿಗ್ಗಜ ಹಾಗೂ ಪ್ರತಿಷ್ಠಿತ ಮೈಕ್ರೋಸಾಫ್ಟ್ ಕಂಪನಿಯ ಸ್ಥಾಪಕ ಬಿಲ್ ಗೇಟ್ಸ್‌ರಿಗೆ ಕುವೈತ್‌ನ ಗಾಯಕಿ 41 ವರ್ಷ ವಯಸ್ಸಿನ ಶಮ್ಸ್‌ ಬಂದರ್ ಅಲ್‌-ಅಸ್ಲಾಮಿ ಇತ್ತೀಚೆಗೆ ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ವಿವಾಹದ ಪ್ರಸ್ತಾಪ ಮಾಡಿದ್ದರು.

ಬಿಲ್‌ ಕಳೆದವಾರವಷ್ಟೇ “ಜಾಗತಿಕ ಭಯೋತ್ಪಾದನೆಯ ಮುಂದಿನ ದಾಳಿಯು ವಿಶ್ವಕ್ಕೆ ಸಾಂಕ್ರಾಮಿಕ ಸಿಡುಬು ರೋಗವನ್ನು ಹರಡುವ ಮೂಲಕ ಎದುರಾಗಲಿದೆ ಎಂದಿದ್ದರಲ್ಲದೇ ಮುಂದಿನ 5 ವರ್ಷಗಳಲ್ಲಿ “ನಾವು ಮುಂದಿನ ಸಾಂಕ್ರಾಮಿಕ ರೋಗಕ್ಕೆ ಸಿದ್ಧರಿದ್ದೇವೆ” ಎಂಬ ಹೆಸರಿನ ಪುಸ್ತಕವೊಂದು ಬಿಡುಗಡೆಯಾಗಲಿದ್ದು ಈ ದಾಳಿಗಳನ್ನು ತಪ್ಪಿಸಲು ನಡೆಸಬೇಕಾಗಿರುವ ಸಂಶೋಧನೆಗೆ ಹೆಚ್ಚಿನ ಪ್ರಮಾಣದ ಧನಸಹಾಯವನ್ನು ಕೋರಿದ್ದರು.

ಇದಕ್ಕೆ ಪ್ರತಿಯಾಗಿ ಅರೇಬಿಕ್ ಭಾಷೆಯಲ್ಲಿ ಉತ್ತರಿಸಿದ್ದ ಶಮ್ಸ್‌ ಬಂದರ್, “ಈ ವ್ಯಕ್ತಿಯು ಸುಂದರನಾಗಿದ್ದು ಈ ಎಲೆಕ್ಟ್ರಾನಿಕ್ ಯುಗದ ಪ್ರವಾದಿಯಾಗಿದ್ದಾನೆ.  ನಾನು ಅವರ ಭವಿಷ್ಯದ ಮುನ್ಸೂಚನೆಗಳನ್ನು ಹಾಗೂ ಜ್ಞಾನವನ್ನು ಮೆಚ್ಚುತ್ತೇನೆ.  ನಾನು ಅವರನ್ನು ವಿವಾಹವಾಗಲು ಬಯಸುತ್ತೇನೆ, ಇದಕ್ಕೆ ಅವರು ಒಪ್ಪುವರೆಂದು ನೀವು ನಿರೀಕ್ಷಿಸುವಿರಾ?” ಎಂದು ಜನರನ್ನು ಕೇಳಿದ್ದರು.  @Eyaaaad ಎನ್ನುವ ಹೆಸರಿನ ವ್ಯಕ್ತಿಯೊಬ್ಬರು ಬಿಲ್ ಗೇಟ್ಸ್‌ರ ಟ್ವೀಟ್‌ ಸಂದೇಶವನ್ನು ಹಂಚಿಕೊಂಡಿದ್ದರು.  ಇದನ್ನು ರೀಟ್ವೇಟ್‌ ಮಾಡಿದ್ದ ಶಮ್ಸ್‌ ಮೇಲಿನಂತೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದರು.

ಇದಕ್ಕೆ ಉತ್ತರವಾಗಿ ಮತ್ತೊಬ್ತರು ಶಮ್ಸ್ ಬಿಲ್ ಗೇಟ್ಸ್‌ ಬಳಿ ಇರುವ ಅಪಾರ ಹಣದಿಂದಾಗಿ ಈ ರೀತಿ ವಿವಾಹದ ಪ್ರಸ್ತಾಪ ಮಾಡಿರಬಹುದೆನ್ನುವ ಅರ್ಥ ಬರುವಂತೆ ಅನೇಕ ಚಿಹ್ನೆಗಳನ್ನು ಉಪಯೋಗಿಸಿ ಟ್ವೇಟ್ ಮಾಡಿದ್ದರು.

ಸುದ್ದಿಯು ಸ್ಥಳೀಯ ಅರಬ್‌ ಮಾಧ್ಯಮಗಳಲ್ಲಿ ಹೆಚ್ಚು-ಹೆಚ್ಚು ಪ್ರಚಾರಗೊಳ್ಳುತ್ತಿದ್ದಂತೆ ವಿವಾದಕ್ಕೆ ತಿರುಗಬಹುದೆಂದು ಭಾವಿಸಿದ ಶಮ್ಸ್‌ ಮತ್ತೊಂದು ಟ್ವೇಟ್‌ ಮಾಡಿ “ನನ್ನ ಈ ಸಂದೇಶ ಗಂಭೀರವಾದದ್ದಲ್ಲ ಹಾಗೂ ಕುಚೋದ್ಯದಿಂದ ಕೂಡಿತ್ತು. ಇದನ್ನು ಅರ್ಥ ಮಾಡಿಕೊಳ್ಳದ ಜನರು ಹಾಗು ಮಾಧ್ಯಮಗಳು ಇದರ ಅರ್ಥವನ್ನು ತಿರುಚಿ ಪ್ರಸಾರ ಮಾಡಿವೆ ಎಂದು ತಮ್ಮ ಸ್ಪಷ್ಟನೆ ನೀಡಿದ್ದಲ್ಲದೇ ಮಾಧ್ಯಮಗಳಿಗೆ “ನೀವು ಹೇಗೆ ಈ ವ್ಯಂಗ್ಯವನ್ನು ಅರ್ಥ ಮಾಡಿಕೊಳ್ಳದೇ ಹೋದಿರಿ? ಎಂದು ಪ್ರಶ್ನೆ ಮಾಡಿದ್ದರು.

Shams Bandar clarifies that her act of proposing to Bill Gates was a joke and not a serious one

ಇದನ್ನೂ ಓದಿ: ಬಾಲಿವುಡ್ ನಟಿಗೆ ಬಂಧೂಕಿನಿಂದ ಹೆದರಿಸಿ 7 ಲಕ್ಷ ದೋಚಿದ ದರೋಡೆಕೋರರು

ಇದನ್ನೂ ಓದಿ: ಬೇಡಿಕೆಯಲ್ಲಿರಲು ನಟ-ನಟಿಯರಿಗೆ ದಿನನಿತ್ಯದ ವ್ಯಾಯಾಮ ಎಷ್ಟು ಮುಖ್ಯ? ನೀವೇ ಓದಿ