ಪಿಂಚಣಿದಾರರು ಪ್ರತಿವರ್ಷ ನವೆಂಬರ್ ತಿಂಗಳ 30ನೇ ದಿನಾಂಕದೊಳಗೆ ತಮ್ಮ ಜೀವನ ಪ್ರಮಾಣಪತ್ರವನ್ನು (Life Certificate) ತಾವು ಪಿಂಚಣಿ ಪಡೆಯುವ ಬ್ಯಾಂಕ್‌ಗಳಿಗೆ ಅಥವಾ ಅಂಚೆ ಕಛೇರಿಗಳಿಗೆ ಸಲ್ಲಿಸಬೇಕೆಂಬ ನಿಯಮವಿದ್ದು ತಪ್ಪಿದಲ್ಲಿ ಪಿಂಚಣಿಯನ್ನು ಸ್ಥಗಿತಗೊಳಿಸುವ ಸಾಧ್ಯತೆಗಳಿರುತ್ತವೆ.
ಈ ನಿಯಮದಲ್ಲಿ ಸ್ವಲ್ಪ ಮಟ್ಟಿನ ಬದಲಾವಣೆ ಮಾಡಲಾಗಿದ್ದು 80 ವರ್ಷ ಮೇಲ್ಪಟ್ಟ ಪಿಂಚಣಿದಾರರು ಪ್ರತಿ ವರ್ಷದ ಅಕ್ಟೋಬರ್ 1ನೇ ದಿನಾಂಕದಿಂದ ನವೆಂಬರ್ 30ನೇ ದಿನಾಂಕದವರೆಗಿನ ಎರಡು ತಿಂಗಳ ಅವಧಿಯಲ್ಲಿ ತಮ್ಮ ಜೀವನ ಪ್ರಮಾಣಪತ್ರವನ್ನು ಸಲ್ಲಿಸಲು ಅವಕಾಶ ನೀಡಲಾಗಿದೆ. ಆದರೆ 80 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಪಿಂಚಣಿದಾರರು ನವೆಂಬರ್ 1ನೇ ದಿನಾಂಕದಿಂದ ನವೆಂಬರ್ 30ನೇ ದಿನಾಂಕದೊಳಗೆ ತಮ್ಮ ಜೀವನ ಪ್ರಮಾಣಪತ್ರವನ್ನು ಸಲ್ಲಿಸಬೇಕಾಗಿದ್ದು ಇವರಿಗೆ 1 ತಿಂಗಳ ಅವಧಿಯ ಸಮಯವನ್ನು ನೀಡಲಾಗಿದೆ. ಪಿಂಚಣಿದಾರರು ಅವರು ಪಿಂಚಣಿ ಪಡೆಯುತ್ತಿರುವ ಅಂಚೆ ಕಛೇರಿಗಳಿಗಾಗಲೀ ಅಥವಾ ಬ್ಯಾಂಕ್‌ಗಳ ಶಾಖೆಗಳಿಗಾಗಲೀ ಖುದ್ದು ಭೇಟಿ ನೀಡಿ ಜೀವನ ಪ್ರಮಾಣಪತ್ರವನ್ನು ಸಲ್ಲಿಸಬೇಕಾಗಿದ್ದು ಅರ್ಹ ಪಿಂಚಣಿದಾರರು ಮನೆಬಾಗಿಲಿಗೇ ಬ್ಯಾಂಕಿಂಗ್ ಸೇವೆ ಅಥವಾ ಆನ್‌ಲೈನ್‌ ಮೂಲಕವೂ ಜೀವನ ಪ್ರಮಾಣಪತ್ರಗಳನ್ನು ಸಲ್ಲಿಸಬಹುದಾಗಿದೆ.
ಜೀವನ ಪ್ರಮಾಣಪತ್ರವು ಪಿಂಚಣಿದಾರರು ಜೀವಂತವಾಗಿದ್ದಾರೆಂದು ದೃಢೀಕರಿಸುವ ಬಹುಮುಖ್ಯವಾದ ಒಂದು ದಾಖಲಾತಿಯಾಗಿದ್ದು ಪಿಂಚಣಿದಾರರು ಪಿಂಚಣಿ ತೆಗೆದುಕೊಳ್ಳುವ ಬ್ಯಾಂಕ್ ಶಾಖೆಯ ಅಧಿಕಾರಿಗಳ ಅಥವಾ ಅಂಚೆ ಕಛೇರಿ ಅಧಿಕಾರಿಗಳ ಮುಂದೆ ಖುದ್ದು ಹಾಜರಾಗಿ ಸಹಿ ಮಾಡಿ ಸಲ್ಲಿಸಬೇಕಾಗುತ್ತದೆ. ಇದರಿಂದಾಗಿ ಪಿಂಚಣಿದಾರರು ನಿಧನರಾದಮೇಲೂ ಅವರ ಉದ್ಯೋಗದಾತರು ಮಾಹಿತಿಯಿಲ್ಲದೆ ಪಿಂಚಣಿ ಮುಂದುವರೆಸುವುದನ್ನು ತಡೆಯಬಹುದಾಗಿದೆ.
ಅನಿವಾಸಿ ಭಾರತೀಯ ಪಿಂಚಣಿದಾರರು ತಮ್ಮ ಜೀವನ ಪ್ರಮಾಣಪತ್ರವನ್ನು ಸ್ಥಳೀಯ ಭಾರತೀಯ ದೂತಾವಾಸ ಅಥವಾ ರಾಯಭಾರ ಕಛೇರಿಗಳ ಮೂಲಕ ಸಲ್ಲಿಸಬಹುದಾಗಿದ್ದು ಒಂದು ವೇಳೆ ಖುದ್ದಾಗಿ ಸಲ್ಲಿಸಲು ದೈಹಿಕವಾಗಿ ಅಸಮರ್ಥರಾಗಿದ್ದರೆ ಅಂಚೆ ಮೂಲಕ ಸಲ್ಲಿಸಬಹುದಾಗಿದ್ದು ದೈಹಿಕ ಅಸಮರ್ಥತೆಯನ್ನು ದೃಢೀಕರಿಸಿರುವ ವೈದೈರ ಪ್ರಮಾಣಪತ್ರವನ್ನೂ ಇದರೊಂದಿಗೆ ಲಗತ್ತಿಸಬೇಕಾಗುತ್ತದೆ.
State/Central Government Pensioners have to submit their Life Certificates before 30th of November every year
ಇದನ್ನೂ ಓದಿ: Alert: ಆಟೋ ಡೆಬಿಟ್, ಪಿಂಚಣಿ ನಿಯಮಗಳಲ್ಲಿ ಅ.1ರಿಂದ ಹಲವು ಬದಲಾವಣೆ
ಇದನ್ನೂ ಓದಿ: ಕೇಂದ್ರ ಸರಕಾರದ ಸಕ್ಷಮ ಪ್ರಾಧಿಕಾರ ಕೊನೆಯ ಸರ್ಟಿಫಿಕೇಶನ್ ಬಳಿಕ ಮಕ್ಕಳಿಗೆ ಕೋವಿಡ್ ಲಸಿಕೆ
Discussion about this post