ಎದೆ, ದವಡೆ, ಕತ್ತು ನೋವು, ಉಸಿರಾಟದ ತೊಂದರೆಗಳಿಂದಲೂ ಹೃದಯಾಘಾತ ಸಂಭವಿಸಬಹುದು. ಹೃದಯಾಘಾತದ ಸಂದರ್ಭದಲ್ಲಿ ಹೊಟ್ಟೆಯಲ್ಲಿ ವಿಚಿತ್ರ ಘಟನೆಗಳು ನಡೆಯುತ್ತವೆ. ಆದರೆ, ಇವನ್ನು ಬಹುತೇಕ ನಿರ್ಲಕ್ಷಿಸುತ್ತೇವೆ. ಆದರೆ, ಹೃದಯದ ಇನ್ನಿತರ ಸಮಸ್ಯೆಗಳ ಜತೆಗೆ ಹೊಟ್ಟೆನೋವು ಕಾಣಿಸಿಕೊಂಡರೆ ಕೂಡಲೇ ವೈದ್ಯರನ್ನು ಕಾಣುವುದು ಸೂಕ್ತ.
ಹೃದಯಾಘಾತವಾದ ಸಂದರ್ಭದಲ್ಲಿ ದೇಹದ ವಿವಿಧ ಭಾಗಗಳಿಗೆ ರಕ್ತ ಪೂರೈಕೆ ನಿಧಾನವಾಗುತ್ತದೆ.ಇದರಿಂದ ಹೊಟ್ಟೆಯಲ್ಲಿ ರಾಸಾಯನಿಕ ಬದಲಾವಣೆಗಳು ಕಾಣಿಸಿಕೊಳ್ಳುತ್ತವೆ. ಇದು ಕ್ಷಾರೀಯ ಆಮ್ಲಕ್ಕೆ ತಿರುಗುತ್ತದೆ.ಉದರದಲ್ಲಿ ಪಿಎಚ್ ಮಟ್ಟದ ಕಡಿಮೆ ಆದಾಗ ಜೀರ್ಣಾಂಗ ಸೇರಿದಂತೆ ದೇಹದ ವಿವಿಧ ಅಂಗಗಳು ಕಾರ್ಯ ಅಸಮರ್ಪಕವಾಗುತ್ತದೆ. ಇದು ಜಠರಗರುಳಿನಲ್ಲಿ ಸಮಸ್ಯೆಯನ್ನುಂಟು ಮಾಡುತ್ತವೆ. ಇದರಿಂದ ಉದರ ಬೇನೆ ಹೆಚ್ಚಾಗುತ್ತದೆ ಮತ್ತು ದೀರ್ಘಕಾಲದವರೆಗೆ ಕಾಣಿಸಿಕೊಳ್ಳುತ್ತದೆ. ಇಂಥ ನೋವು ಹೊಟ್ಟೆಯ ಮೇಲಿನ ಎಡಭಾಗದಲ್ಲಿ ಸಂಭವಿಸುತ್ತದೆ. ಕೆಲವರಿಗೆ ಇದು ಅನ್ನನಾಳದ ಸ್ಪಿಂಕ್ಟರ್ನಲ್ಲೂ ಕಾಣಿಸಬಹುದು.
ಕರುಳಿನ ನಾಳಗಳು ಮುಚ್ಚಿದಾಗ ಅಥವಾ ನಿರ್ಬಂಧಿಸಿದಾಗ ಅತಿಸಾರ ಮತ್ತು ವಾಂತಿ ಆಗಬಹುದು. ತೀವ್ರ ಅಡಚಣೆಯ ಸಂದರ್ಭದಲ್ಲಿ ಕರುಳಿನ ಒಂದು ಭಾಗವೂ ನಿಷ್ಕ್ರಿಯ ಆಗಬಹುದು. ಇಂಥ ವೇಳೆಯಲ್ಲಿ ಅಲಕ್ಷ್ಯ ಮಾಡದೆ ವೈದ್ಯರನ್ನು ಕಾಣಬೇಕು.
ಹೃದಯದ ತೊಂದರೆಯಿಂದ ಜೀರ್ಣಾಂಗ ವ್ಯವಸ್ಥೆ ಅಸಮರ್ಪಕವಾದರೆ ವಾಕರಿಕೆಯ ಲಕ್ಷಣಗಳು ಹೆಚ್ಚಾಗುತ್ತದೆ. ಹೊಟ್ಟೆಯಲ್ಲಿ ಹೈಡ್ರೋಕ್ಲೋರಿಕ್ ಆಮ್ಲಗಳ ಉತ್ಪಾದನೆ ಅತಿಯಾದರೆ ಅವಯವಗಳ ಸವೆತಕ್ಕೆ ಕಾರಣ ಆಗುತ್ತದೆ. ಇದನ್ನು ಆರಂಭದಲ್ಲೇ ಬಗೆಹರಿಸಿಕೊಳ್ಳದಿದ್ದರೆ ಹೊಟ್ಟೆಯಲ್ಲಿ ಹುಣ್ಣುಗಳಾಗಬಹುದು.
ಅಜೀರ್ಣ, ಎದೆಯುರಿ ಕೂಡ ಹೃದಯಾಘಾತದ ಸಂಕೇತವಾಗಬಹುದು. ಗಂಟಲು, ಹೃದಯ ಮತ್ತು ಹೊಟ್ಟೆಗಳು ಪರಸ್ಪರ ಬೆಸೆದುಕೊಂಡಿರುವ ಅಂಗಗಳು. ಪುರುಷರಿಗೆ ಹೋಲಿಸಿದರೆ ಮಹಿಳೆಯರಲ್ಲಿ ಅಜೀರ್ಣ ಮತ್ತು ಎದೆಯುರಿ ಹೆಚ್ಚಿರುತ್ತದೆ. ಇಂಥ ಲಕ್ಷಣಗಳನ್ನು ಅಲಕ್ಷಿಸಬಾರದು.
ಇದನ್ನೂ ಓದಿ: ಪಾಸ್ವರ್ಡ್ ಇಡೋದ್ರಲ್ಲಿ ಭಾರತೀಯರು ಫೇಲ್; ಒಮ್ಮೆ ನಿಮ್ಮ ಪಾಸ್ವರ್ಡ್ ಚೆಕ್ ಮಾಡ್ಕೊಳ್ಳಿ
Discussion about this post