ಮದುವೆಯಾಗಬೇಕಾದವಳು ಹೋಗಿದ್ದು ಸಾವಿನ ಮನೆಗೆ: ಡಯಟ್ ಮಾಡುವವರು ಹುಷಾರ್

Brazil News: ಮದುವೆಯಲ್ಲಿ ತಾನು ಸುಂದರವಾಗಿ ಕಾಣಬೇಕು. ಸೆಂಟರ್ ಆಫ್ ಅಟ್ರ್ಯಾಕ್ಷನ್ ಆಗಿರಬೇಕು ಅಂತಾ ಯಾವ ಹೆಣ್ಣಿಗೆ ತಾನೇ ಆಸೆ ಇರುವುದಿಲ್ಲ..? ಆದರೆ ಇಲ್ಲೋರ್ವ ಮಹಿಳೆ ಮದುವೆ ಗೌನ್‌ನಲ್ಲಿ ತಾನು ಫಿಟ್ ಆಗಿ ಕಾಣಬೇಕು ಅಂದುಕೊಂಡು ಸಾವಿನ ಮನೆ ಸೇರಿದ್ದಾಳೆ. ಈಕೆ ಸಾವಿನ ಕದ ತಟ್ಟಲು ಕಾರಣ, ಗ್ಯಾಸ್ಟ್ರಿಕ್ ಬಲೂನ್ ಸರ್ಜರಿ.

ಬ್ರೆಜಿಲ್‌ನಲ್ಲಿ ಈ ಘಟನೆ ನಡೆದಿದ್ದು, 31 ವರ್ಷದ ಲಾರಾ ಫರ್ನಾಂಡೀಸ್ ಎಂಬ ಮಹಿಳೆಗೆ ಮ್ಯಾಥ್ಯೂಸ್ ಎಂಬುವನ ಜೊತೆ ಇದೇ ವರ್ಷ ಸೆಪ್ಟೆಂಬರ್ 7ರಂದು ಮದುವೆ ಫಿಕ್ಸ್ ಆಗಿತ್ತು. ಮದುವೆ ಗೌನ್‌ನಲ್ಲಿ ಫಿಟ್ ಆಗಿ ಕಾಣಬೇಕು. ಸುಂದರವಾಗಿ ಇರಬೇಕು ಎಂಬ ಕಾರಣಕ್ಕೆ ಆಕೆ 8 ಕೆಜಿ ತೂಕ ಇಳಿಸಿಕೊಳ್ಳಬೇಕು ಎಂದು ನಿರ್ಧರಿಸಿದ್ದಾಳೆ. ಆಕೆ ನ್ಯಾಚುರಲ್ ಡಯಟ್ ಮಾಡಿ, ತನ್ನ ದೇಹದ ತೂಕ ಇಳಿಸಿಕೊಂಡಿದ್ದರೆ, ಆಗಬಹುದಿತ್ತು. ಆದರೆ ಆಕೆ ಗ್ಯಾಸ್ಟ್ರಿಕ್ ಬಲೂನ್ ಸರ್ಜರಿ ಮೊರೆ ಹೋಗಿದ್ದಾಳೆ.

ಕೆಲ ದಿನಗಳ ಬಳಿಕ ಅನಾರೋಗ್ಯದಿಂದ ಮತ್ತೆ ಆಸ್ಪತ್ರೆ ಸೇರಿದ್ದಾಳೆ. ಆಗ ವೈದ್ಯರು, ಸರ್ಜರಿ ಮಾಡಿದ ಜಾಗದಲ್ಲಿ ರಂಧ್ರವಾಗಿದ್ದು, ಅದರ ಸುತ್ತ ಸೋಂಕು ಹರಡಿದೆ ಎಂದಿದ್ದಾರೆ. ಅಲ್ಲದೇ, ಮತ್ತೆ ಸರ್ಜರಿ ಮಾಡಿ, ಬಲೂನ್ ಹೊರ ತೆಗೆದಿದ್ದಾರೆ. ಹೀಗೆ ಕೆಲ ದಿನಗಳ ಕಾಲ ಚಿಕಿತ್ಸೆ ಪಡೆಯುತ್ತಿದ್ದ ಲಾರಾ, ಚಿಕಿತ್ಸೆ ಫಲಿಸದೇ ಸಾವನ್ನಪ್ಪಿದ್ದಾಳೆ.

ಏನಿದು ಗ್ಯಾಸ್ಟ್ರಿಕ್ ಬಲೂನ್ ಸರ್ಜರಿ..? ಈ ಸರ್ಜರಿಯಲ್ಲಿ ಬಲೂನ್‌ನಲ್ಲಿ ಸರ್ಜರಿ ಮೂಲಕ ಹೊಟ್ಟೆಯಲ್ಲಿ ಕೂರಿಸಲಾಗುತ್ತದೆ. ಇದರಿಂದ ಹೊಟ್ಟೆ ತುಂಬಿದಂತಾಗಿ, ಹೆಚ್ಚು ಆಹಾರ ಸೇವನೆ ಮಾಡಲಾಗುವುದಿಲ್ಲ. ಆಗ ದೇಹದ ತೂಕ ಇಳಿಯುತ್ತದೆ. ಹಾಗಾಗಿ ಲಾರಾ ಈ ಸರ್ಜರಿ ಮೊರೆ ಹೋಗಿದ್ದಳು.