ಲಖನೌ: ಉತ್ತರ ಪ್ರದೇಶದ ಕಾನ್ಪುರದಲ್ಲಿ ಸುಗಂಧ ದ್ರವ್ಯ, ಪರಿಮಳಪೂರಿತ ತಂಬಾಕು ಉತ್ಪನ್ನಗಳನ್ನು ತಯಾರಿಸುವ ಕೈಗಾರಿಕೆ ಹೊಂದಿರುವ ಪಿಯೂಷ್ ಜೈನ್ರನ್ನು ಭಾನುವಾರ ರಾತ್ರಿ ಬಂಧಿಸಲಾಗಿದೆ. ಅವರ ಪೂರ್ವಜರಿಗೆ ಸೇರಿದ ಕನೌಜ್ ಮನೆಯಲ್ಲಿ 10 ಕೋಟಿ ರೂಪಾಯಿ ಪತ್ತೆಯಾಗಿದೆ. ಕಾನ್ಪುರದ ಮನೆಯಲ್ಲಿ ವಶಪಡಿಸಿಕೊಂಡ 177.45 ಕೋಟಿ ರೂಪಾಯಿ ಸೇರಿ ಒಟ್ಟು ಪತ್ತೆಯಾದ ಮೊತ್ತ 187.45 ಕೋಟಿ ರೂಪಾಯಿಗೆ ಮುಟ್ಟಿದೆ. ಆದಾಯ ತೆರಿಗೆ ಇಲಾಖೆಯ ಕೇಂದ್ರೀಯ ಪರೋಕ್ಷ ತೆರಿಗೆ ಮತ್ತು ಸುಂಕ ಮಂಡಳಿ (ಸಿಬಿಐಸಿ) ಮತ್ತು ಜಿಎಸ್ಟಿ ಬೇಹುಗಾರಿಕಾ ನಿರ್ದೇಶನಾಲಯ (ಡಿಜಿಜಿಐ) ತಂಡಗಳು ಶೋಧ ಕಾರ್ಯ ಮುಂದುವರಿಸಿವೆ.
ಪಿಯೂಷ್ರ ಕನೌಜ್ ಮನೆಯಲ್ಲಿ ಎರಡು ಸಾವಿರ ರೂಪಾಯಿ ಮುಖಬೆಲೆಯ ನೋಟುಗಳನ್ನು ಎಂಟು ಚೀಲಗಳಲ್ಲಿ ತುಂಬಿಡಲಾಗಿತ್ತು. ಇದರ ಮೌಲ್ಯ 10 ಕೋಟಿ ರೂಪಾಯಿ ಎಂದು ಸಿಬಿಐಸಿ ಹೇಳಿದೆ.
ಸಮಾಜವಾದಿ ಪಕ್ಷದ ಬೆಂಬಲಿಗರೂ ಆದ ಪಿಯೂಷ್ಗೆ ಸಂಬಂಧಿಸಿದ ಕಾನ್ಪುರ, ಕನೌಜ್ ಮತ್ತು ಗುಜರಾತ್, ಮುಂಬೈಗಳಲ್ಲಿನ 11 ಸ್ಥಳಗಳ ಮೇಲೆ ಸಿಬಿಐಸಿ ಮತ್ತು ಡಿಜಿಜಿಐ ತಂಡ ಗುರುವಾರ ದಾಳಿ ನಡೆಸಿತ್ತು. ಕಾನ್ಪುರದಲ್ಲಿನ ಮನೆ, ಕಾರ್ಖಾನೆ, ಗೋದಾಮು, ಪೆಟ್ರೋಲ್ ಬಂಕ್ಗಳಲ್ಲಿ 36 ತಾಸಿನ ಶೋಧದ ನಂತರ 177.45 ಕೋಟಿ ರೂ. ನಗದು, ನಕಲಿ ಇನ್ವಾಯ್ಸ್ಗಳನ್ನು ವಶಪಡಿಸಿಕೊಳ್ಳಲಾಗಿತ್ತು. ನೋಟನ್ನು ಎಣಿಕೆ ಮಾಡಲು ಎಸ್ಬಿಐನಿಂದ 19 ಯಂತ್ರಗಳನ್ನು ತರಲಾಗಿತ್ತು. ಜಪ್ತಿ ಮಾಡಿದ ನೋಟುಗಳನ್ನು ಕಂಟೇನರ್ ಸಾಗಣೆ ವಾಹದಲ್ಲಿ ಸಾಗಿಸಲಾಗಿತ್ತು.
UP business man piyush jain Arrested
ಇದನ್ನು ಓದಿ: ಮಾಧ್ಯಮಗಳ – ಪತ್ರಕರ್ತರ ಮೇಲೆ ದಾಳಿಗಳು
ಇದನ್ನೂ ಓದಿ: ಉತ್ತರಪ್ರದೇಶದ ರಿಕ್ಷಾ ಎಳೆಯುವವನಿಗೂ ಬಂತು 3 ಕೋಟಿ ರೂಪಾಯಿಗಳ ಆದಾಯ ತೆರಿಗೆ ನೋಟಿಸ್
Discussion about this post