Viral Post: ಡಿಲವರಿ ಬಾಯ್​ಗಳಿಗೆ ಸ್ವೀಟ್ ಗಿಫ್ಟ್ ಎಂದಾತನಿಗೆ ಶ್ಲಾಘನೆಯ ಮಹಾಪೂರ

ದೀಪಾವಳಿ ಬೆಳಕಿನ ಹಬ್ಬ. ಬೆಳಕು ಅಂದರೆ ಕಣ್ಣಿಗೆ ರಾಚುವಷ್ಟು ಪಟಾಕಿ ಹೊಡೆದು ಸಂಭ್ರಮಿಸುವುದಲ್ಲ. ಬದುಕಿನಲ್ಲಿ ನೆಮ್ಮದಿ, ಸಂತೋಷ ಅನ್ನುವ ಬೆಳಕು ಹಬ್ಬದ ಮೂಲಕ ದೊರೆಯಬೇಕು. ನೆಮ್ಮದಿ ಯಾರೂ ತಂದು ಕೊಡುವುದಿಲ್ಲ. ನಾವೇ ಸಂಪಾದಿಸಬೇಕು. ನೆಮ್ಮದಿ ಅನ್ನೋದು ಒಬ್ಬೊಬ್ಬರಿಗೆ ಒಂದೊಂದು ರೀತಿಯಿಂದ ದೊರೆಯುತ್ತದೆ. ಸೇವೆ ಮಾಡುವುದರಿಂದ, ಹವ್ಯಾಸಗಳಿಂದ ಹೀಗೆ. ಮತ್ತೊಬ್ಬರ ಕಷ್ಟಕ್ಕೆ ಹೆಗಲು ಕೊಡುವುದರಿಂದ.

ಟ್ವೀಟಿಗ ಚಿರಾಗ್ ಬರ್ಜಾತ್ಯ ಅನ್ನೋರು ದೀಪಾವಳಿ ಹಬ್ಬವನ್ನು ಹೊಸ ರೀತಿ ಆಚರಿಸಿಕೊಳ್ಳುತ್ತಿದ್ದಾರೆ. ಅದು ಹೇಗೆ ಎಂದರೆ, ‘ಇವತ್ತಿಂದ ನಾಲ್ಕು ದಿನ ಪ್ರತಿಯೊಬ್ಬ ಡಿಲವರಿ ಬಾಯ್ ಗಳಿಗೆ ನನ್ನ ಕಡೆಯಿಂದ ಸಿಹಿಡಬ್ಬಿ ನೀಡಲಾಗುವುದು’ ಎಂದು ಚಿರಾಗ್ ಟ್ವೀಟ್ ಮಾಡಿ, ಅದಕ್ಕೆ ಹೊಂದುವಂತ ಸಿಹಿ ತಿಂಡಿಡಬ್ಬದ ಭಾವಚಿತ್ರ ಹಾಕಿದ್ದಾರೆ.

ಈ ಪೋಸ್ಟ್ ಅನ್ನು ತಕ್ಷಣ ಸಾವಿರಾರು ಶೇರ್ ಮಾಡಿದ್ದಾರೆ. ಸುಮಾರು 9,700 ಜನ ಲೈಕ್ ಮಾಡಿದ್ದಾರೆ. ಹೆಚ್ಚು ಕಮ್ಮಿ ಅಷ್ಟೇ ಡಿಲವರಿಬಾಯ್​ಗಳು ಚಿರಾಗ್ ಅವರಿಂದ ಸಿಹಿ ಪೊಟ್ಟಣ ಪಡೆದಿದ್ದಾರೆ.

‘ಪ್ರತಿ ವರ್ಷ ಹೀಗೆ ನಮ್ಮ ಸುತ್ತಮುತ್ತಲ ಜನರಿಗೆ ಸಹಾಯ ಮಾಡುವ ಮೂಲಕ ಹಬ್ಬದಲ್ಲಿ ಸಾರ್ಥಕತೆಯನ್ನು ಕಂಡುಕೊಳ್ಳುತ್ತೇನೆ. ನನ್ನ ಸಂಪರ್ಕದಲ್ಲಿರುವ ಭದ್ರತಾ ಸಿಬ್ಬಂದಿಗಳಿಗೆ ಹಬ್ಬದ ನೆಪದಲ್ಲಿ ನೆರವು ನೀಡುತ್ತೇನೆ’ ಎಂದು ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದಾರೆ ಚಿರಾಗ್.

ಇಂಥ ಕಾರ್ಯಕ್ಕೆ ಸ್ಫೂರ್ತಿ ಏನು ಅನ್ನುವುದನ್ನು ಅವರು ಹೇಳಿಕೊಂಡಿರುವುದು ಹೀಗೆ- ‘ನಾನು ಅಮೆರಿಕದಲ್ಲಿ ಇದ್ದಾಗ, ಅಲ್ಲಿನ ಜನ ಹಬ್ಬದ ಸಂದರ್ಭದಲ್ಲಿ ನಿಸ್ಸಾಹಯಕ ಹಾಗೂ ಬಡಜನರಿಗೆ ಸಹಾಯ ಮಾಡುವುದನ್ನು ನೋಡಿದ್ದೆ. ಇದು ನಿಜಕ್ಕೂ ಅದ್ಬುತ ಕಾರ್ಯ. ನನ್ನ ಈ ಕಾರ್ಯಕ್ಕೆ ಅದೇ ಸ್ಫೂರ್ತಿ’.

‘ನಿಮಗೂ ನಿಮ್ಮ ಕುಟಂಬಕ್ಕೂ ದೀಪಾವಳಿ ಶುಭಾಶಯಗಳು. ಅನಿರೀಕ್ಷಿತವಾದ ಗಿಫ್ಟ್ ಕೊಟ್ಟಿದ್ದೀರ. ದೀಪಾವಳಿ, ನಿಮಗೆ ಮಿಲಯನ್ ಡಾಲರ್ ನಗುವನ್ನು ದೇವರ ದಯಪಾಲಿಸಲಿ’ ಎಂದು ಹಲವಾರು ಜನ ಟ್ವೀಟ್ ಮೂಲಕ ಚಿರಾಗರ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ.

Every delivery boy for next 4 days getting sweets from me 🎁 pic.twitter.com/obReChsthd

— Chirag Barjatya (@chiragbarjatyaa) November 1, 2021

Viral Tweet Every delivery boy for next 4 days getting sweets

ಇದನ್ನೂ ಓದಿ: Viral Video: ಪ್ರಶ್ನಿಸಿದ ಯುವಕನನ್ನು ಥಳಿಸಿದ ಪಂಜಾಬ್‌ನ ಶಾಸಕ