ಜೆಡಿಎಸ್ ಮುಖಂಡನ ರೆಸಾರ್ಟ್ ನಲ್ಲಿ ರೇವ್ ಪಾರ್ಟಿ

ಬೆಂಗಳೂರು: ಅನೇಕಲ್ ಬಳಿಯ ಮುತ್ಯಾಲಮಡು ಬಳಿ ಜೆಡಿಎಸ್ ಮುಖಂಡನ ರೆಸಾರ್ಟ್ ಇದ್ದು, ಅದರಲ್ಲಿ ಹಲವರು ರೇವ್ ಪಾರ್ಟಿ ಮಾಡುತ್ತಿದ್ದ ಬಗ್ಗೆ ಖಚಿತ ಮಾಹಿತಿ ಪಡೆದಿದ್ದ ಪೊಲೀಸರು ದಾಳಿ ನಡೆಸಿ, ೧೨ ಮಂದಿಯನ್ನು ಬಂಧಿಸಿದ್ದಾರೆ.

ತಮಿಳುನಾಡಿನ ಗಡಿಭಾಗಕ್ಕೆ ಹೊಂದಿಕೊಂಡಂತಿದ್ದ ಖಾಸಗಿ ರೆಸಾರ್ಟ್ ನಲ್ಲಿ ಯುವಕ-ಯುವತಿಯರು ಮೋಜುಮಸ್ತಿಯಲ್ಲಿ ತೊಡಗಿದ್ದರು ಎಂದು ಹೇಳಲಾಗಿದೆ.

ಡ್ರಗ್ಸ್ ಪಾರ್ಟಿ: ಇದು ಬರೀ ಮೋಜು-ಮಸ್ತಿ ಪಾರ್ಟಿ ಆಗಿರದೆ ಡ್ರಗ್ಸ್ ಪಾರ್ಟಿ ಆಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ರೆಸಾರ್ಟ್ ಜೆಡಿಎಸ್ ಮುಖಂಡ ಶ್ರೀನಿವಾಸ್ ಮಾಲೀಕತ್ವದ್ದು ಎನ್ನಲಾಗಿದೆ. ರೇವ್ ಪಾರ್ಟಿಯಲ್ಲಿ ಪ್ರಭಾವಿ ವ್ಯಕ್ತಿಗಳ ಮಕ್ಕಳೇ ಭಾಗವಹಿಸಿದ್ದರು, ಇವರೆಲ್ಲಾ ಕಾಲೇಜು ವಿದ್ಯಾರ್ಥಿಗಳಾಗಿದ್ದರು ಎನ್ನುವುದು ಗಂಭೀರ ವಿಚಾರ.