ಸೆಕೆಂಡ್‌ ಹ್ಯಾಂಡ್‌ ಸ್ಮಾರ್ಟ್‌ಫೋನ್‌ ಖರೀದಿಸುವಂತಿದ್ದರೆ ಇದನ್ನೆಲ್ಲಾ ಗಮನಿಸಿ

ನವದೆಹಲಿ: ಉತ್ತಮ ಗುಣಮಟ್ಟದ ಸ್ಮಾರ್ಟ್‌ ಫೋನ್‌ ಖರೀದಿಸಲು ಬೆಲೆ ದುಬಾರಿ ಎಂದು ಕೊಳ್ಳುವವರು ಇಂಥ ಮೊಬೈಲ್‌ಗಳನ್ನು ಸೆಕೆಂಡ್ ಹ್ಯಾಂಡ್‌ ಸ್ಮಾರ್ಟ್‌ ಫೋನ್‌ ಮಾರುಕಟ್ಟೆಯಲ್ಲಿ ಖರೀದಿಸಬಹುದು. ಆದರೆ, ಕೊಳ್ಳುವುದಕ್ಕೂ ಮುನ್ನ ಈ ಕೆಳಕಂಡ ವಿಷಯಗಳನ್ನು ಸೂಕ್ಷ್ಮವಾಗಿ ಗಮನಿಸಿ ಖಾತರಿ ಪಡಿಸಿಕೊಳ್ಳುವುದು ಉತ್ತಮ.

ಸೆಕೆಂಡ್‌ ಹ್ಯಾಂಡ್‌ ಸ್ಮಾರ್ಟ್‌ ಫೋನ್‌ ಖರೀದಿಯಲ್ಲಿ ಅದರ ಭೌತಿಕ ಸ್ಥಿತಿಗತಿಯನ್ನು ಗಮನಿಸಬೇಕು. ಸ್ಕ್ರೀನ್‌ ಒಡೆದಿರುವ ಸಂಭವ ಇರುತ್ತದೆ/ ಇಂಥದನ್ನು ಅರ್ಧ ಬೆಲೆಗೆ ಖರೀದಿಸಿದರೂ ಪ್ರಯೋಜನವಿಲ್ಲ. ಏಕೆಂದರೆ ಮುಂದೆ ಟಚ್‌ ಸ್ಕ್ರೀನ್‌ ಕಾರ್ಯನಿರ್ವಹಿಸದಿರಬಹುದು. ನಂತರ ಇದರ ರಿಪೇರಿಗೆ ನೀವು ಹೆಚ್ಚಿನ ಹಣ ತೆರೆಬೇಕಾಗುತ್ತದೆ.
ಮೊಬೈಲ್‌ ಸೆಟ್‌ ಬಿದ್ದು ತಗ್ಗುನುಗ್ಗಾಗಿರುವ, ಗೀರುಬಿದ್ದಿರುವ ಸಾಧ್ಯತೆ ಇದೆ. ಇಂಥದನ್ನು ಗಮನವಿಟ್ಟು ಪರಿಶೀಲಿಸಿಕೊಳ್ಳಬೇಕು. ಬೇಗ ಶಾಖ (ಹೀಟ್)ಗೊಳ್ಳುತ್ತದೆಯೇ ಎಂಬುದನ್ನು ನೋಡಿಕೊಳ್ಳಬೇಕು.

ಬಳಕೆಯ ಅವಧಿ: ಹ್ಯಾಂಡ್‌ಸೆಟ್ ಎಷ್ಟು ದೀರ್ಘಾವಧಿಯವರೆಗೆ ಬಳಕೆಯಾಗಿದೆ ಎಂಬುದನ್ನು ತಿಳಿದುಕೊಂಡರೆ ಅದರ ಬೆಲೆ ನಿಗದಿ ಮಾಡಲು ಸಹಾಯ ಆಗುತ್ತದೆ. ಸ್ಮಾರ್ಟ್‌ ಫೋನ್‌ನ ಮೂಲ ಬಿಲ್/ಇನ್‌ವಾಯ್ಸ್‌ ನೀಡುವಂತೆ ಅದನ್ನು ಮಾರಾಟ ಮಾಡುವವರಿಂದ ಪಡೆದುಕೊಂಡು ಪರಿಶೀಲಿಸಿ. ಇದರಿಂದ ಐಎಂಇಐ ಸಂಖ್ಯೆಯೂ ದೊರೆಯುತ್ತದೆ. ಇದರಿಂದ ಅದು ಕಳ್ಳಮಾಲು ಅಲ್ಲ ಎಂಬುದನ್ನು ದೃಢ ಪಡಿಸಿಕೊಳ್ಳಬಹುದು. ಬಟನ್‌ಗಳು, ಪಾಪ್‌-ಅಪ್‌ಗಳ ಸರ್ಮಪಕವಾಗಿ ಇದೆಯೇ ಎಂಬುದನ್ನು ತಿಳಿದುಕೊಳ್ಳಿ.

ಬೆಲೆ: ಸೆಕೆಂಡ್‌ ಹ್ಯಾಂಡ್‌ ಫೋನ್‌ಗಳನ್ನು ಕೊಳ್ಳುವಾಗ ದರ ಅತ್ಯಂತ ಮಹತ್ವದ್ದು, ಖರೀದಿಸಬೇಕೆಂದಿರುವ ಮೊಬೈಲ್‌ನ ವರ್ಷನ್‌ ಯಾವಾಗ ಮಾರುಕಟ್ಟೆಗೆ ಬಂತು ಎನ್ನುವುದನ್ನು ಗಮನಿಸಿಯೇ ದರ ನಿಗದಿ ಮಾಡಿಕೊಳ್ಳಬೇಕು. ಚೌಕಾಶಿ ಮಾಡಿಯೇ ಖರೀದಿಸುವುದು ಉತ್ತಮ. ಇದಕ್ಕೂ ಮುನ್ನ ಭೌತಿಕ ಸ್ಥಿತಿಗತಿ, ಬ್ಯಾಟರಿ, ಸಾಫ್ಟ್‌ವೇರ್‌ನ (ರಾಮ್‌) ಕ್ಷಮತೆಯನ್ನು ಖಚಿತ ಪಡಿಸಿಕೊಳ್ಳಬೇಕು. ಮಾರಾಟಗಾರ ನಿಮ್ಮ \ರಕ್ಕೆ ಒಪ್ಪದಿದ್ದರೆ ಬೇಡ. ಕಾಯಿರಿ ಮತ್ತೊಂದು ಸೆಟ್‌ ನಿಮ್ಮ ಬಜೆಟ್‌ಗೆ ಸಿಗಬಹುದು.

ತಯಾರಿಕಾ ಅಪಡೇಟ್ಸ್‌:
ಮೊಬೈಲ್‌ ಸೆಟ್‌ಗಳನ್ನು ಕಾಲಕಾಲಕ್ಕೆ ಅಪಡೇಟ್‌ ಮಾಡಿಕೊಳ್ಳಬೇಕು. ಒಇಎಂ ವ್ಯವಸ್ಥೆ ಒಟಿಎ ಅಪ್‌ಡೇಟ್ಸ್‌ ಸಂದೇಶ ಸ್ಥಗಿತಗೊಳ್ಳುವುದಕ್ಕೂ ಮೊದಲು ಹ್ಯಾಂಡ್‌ಸೆಟ್‌ ಅಪಡೇಟ್‌ ಅವಶ್ಯಕ. ಸಾಮಾನ್ಯವಾಗಿ ಮೂರು ವರ್ಷಕ್ಕೊಮ್ಮೆ ಇದರ ಅಪ್‌ಡೇಟ್‌ ಮಾಡಿಕೊಳ್ಳಬೇಕು. ಖರೀದಿಗೆ ಉದ್ದೇಶಿಸಿರುವ ಮೊಬೈಲ್‌ ಈಗಾಗಲೇ ಎರಡು ವರ್ಷ ಬಳಕೆಯಾಗಿದ್ದರೆ. ನಿಮಗೆ ಸಿಗುವುದು ಇನ್ನೊಂದು ವರ್ಷ ಮಾತ್ರ ಎಂಬುದು ನೆನಪಿರಲಿ.

ಮಾಡೆಲ್‌ ಪರಿಶೀಲಿಸಿಕೊಳ್ಳಿ: ಸ್ಮಾಟ್‌ಫೋನ್‌ ಮಾಡಲ್‌ ಅತ್ಯಂತ ಪ್ರಮುಖ ಅಂಶ. ಮಾರುಕಟ್ಟೆಯಲ್ಲಿ ಯಶಸ್ವಿಯಾಗ ಮಾಡಲ್‌ಗಳನ್ನೆ ಖರೀದಿಸುವುದ ಉತ್ತಮ. ಇದಕ್ಕಾಗಿ ಸ್ಮಾಟ್‌ ಫೋನ್‌ಗಳ ಕುರಿತ ವಿಮಶರ್ಶೆ ಅಥವಾ ಬಳಕೆದಾರರು ಸಾಮಾಜಿಕ ಜಾಲತಾಣದಲ್ಲಿ ಹಾಕಿರುವ ಪೋಸ್ಟ್‌ಗಳನ್ನು ನೋಡುವುದು ಕ್ಷೇಮ. ಮಾರುಕಟ್ಟೆಯಲ್ಲಿ ಹೆಚ್ಚು ಚಾಲ್ತಿಯಲ್ಲಿರುವ ಮಾಡೆಲ್‌ ಖರೀದಿಸಿದರೆ ಅದರ ಬಿಡಿಭಾಗ, ಬ್ಯಾಟರಿಗಳು ಸುಲಭವಾಗಿ ಲಭ್ಯವಾಗುತ್ತವೆ.

How to buy Old Mobile Phones here is a guide

ಇದನ್ನೂ ಓದಿ: Phone Pay: ಫೋನ್ ಪೇ: ಮೊಬೈಲ್ ರೀಚಾರ್ಜ್ ಮಾಡಿದ್ರೆ ಬಳಕೆದಾರರು ಕೊಡಬೇಕು ಎಕ್ಸ್ ಟ್ರಾ ಚಾರ್ಚ್
ಇದನ್ನೂ ಓದಿ: ನೋಕಿಯಾದಿಂದ ಹೊಸ ‘ಟಿ20 ಟ್ಯಾಬ್ಲೆಟ್’: ಫೀಚರ್ಸ್ ಏನೇನು, ಬೆಲೆ ಎಷ್ಟು?