ಸಸ್ಯಾಹಾರಕ್ಕೆ ಹೋಲಿಸಿದರೆ ಮಾಂಸಾಹಾರದಲ್ಲಿ ಪ್ರೋಟೀನ್ ಹೆಚ್ಚು ಎಂದು ಕೆಲವರು ನಂಬುತ್ತಾರೆ. ಆದರೆ, ಮಾಂಸಾಹಾರದಷ್ಟೆ ಪೋಷಕಾಂಶಗಳನ್ನು ಹೊಂದಿರುವ ಸಸ್ಯಾಹಾರವೂ ಉಂಟು. ಇದರ ಬಳಕೆ ಹೆಚ್ಚಿಸುವ ಮೂಲಕ ಮಾಂಸಾಹಾರವನ್ನು ತ್ಯಜಿಸಬಹುದು. ಇದರಿಂದ ಪ್ರಾಣಿವಧೆಯನ್ನು ನಮ್ಮ ಮಿತಿಯಲ್ಲಾದರೂ ತಪ್ಪಿಸಬಹುದು. ಸಸ್ಯಾಹಾರದಲ್ಲಿ ಹೆಚ್ಚು ಪೋಷಕಾಂಶಗಳಿರುವ ಬೇಳೆಕಾಳುಗಳ ಟಿಪ್ಸ್ ಇಲ್ಲಿದೆ.
160 ಗ್ರಾಂ ಬಟಾಣಿ ಸೇವಿಸುವುದರಿಂದ 9 ಗ್ರಾಂ ಪ್ರೋಟೀನ್ ದೇಹಕ್ಕೆ ಸಿಗುತ್ತದೆ. ಜತೆಗೆ ಇದರಲ್ಲಿ ನಾರಿನಾಂಶ, ಫೋಲೇಟ್, ವಿಟಮಿನ್ ಎ, ಸಿ ಮತ್ತು ಕೆ ಇರುತ್ತದೆ.
ಸೋಯಾಬಿನ್ ಕಾಳಿನಿಂದ ತೆಗೆಯುವ ಹಾಲು ಡೇರಿ ಉತ್ಪನ್ನಗಳಿಗೆ ಪರ್ಯಾಯ. 244 ಮಿಲಿ ಲೀಟರ್ ಸೋಯಾ ಹಾಲಿನಲ್ಲಿ 6 ಗ್ರಾಂ ಪ್ರೋಟೀನ್ ಇರುತ್ತದೆ. ಇದರಿಂದ ಡಿ ಮತ್ತು ಬಿ12 ವಿಟಿಮಿನ್ಗಳು ಸಿಗುತ್ತವೆ.
ದಂಟಿನ ಸೊಪ್ಪಿನ (ರಾಜಗಿರಿ ಸೊಪ್ಪು) ಬೀಜವನ್ನು ಅಮರನಾಥ್ ಎಂದು ಕರೆಯುತ್ತಾರೆ. ಇದನ್ನು ಧಾನ್ಯವು 185 ಗ್ರಾಂ ಸೇವಿಸುವುದರಿಂದ 9 ಗ್ರಾಂ ಪೋಷಕಾಂಶ ಪಡೆಯಬಹುದು. ನಾರಿನಾಂಶ, ಕಬ್ಬಿಣ, ಮ್ಯಾಂಗನೀಸ್, ರಂಜಕಗಳು ಇದರಲ್ಲಿ ಇರುತ್ತದೆ.
ಪೋಷಕಾಂಶ ಈಸ್ಟ್ ಅನ್ನು ತಿನಿಸುಗಳ ಸ್ವಾದ ಹೆಚ್ಚಿಸಲು ಬಳಸಲಾಗುತ್ತದೆ. ಚೀಸ್ ಮಾದರಿ ಇದನ್ನು 16 ಗ್ರಾಂ ಸೇವಿಸುವುರಿಂದ ನಾರಿನಾಂಶದ ಜೊತೆಗೆ 8 ಗ್ರಾಂ ಪ್ರೋಟೀನ್ ಧಾರಾಳವಾಗಿ ಸಿಗುತ್ತದೆ. ಖನಿಜಾಂಶಗಳಾದ ಸತು, ಮೆಗ್ನಿಷಿಯಂ, ತಾಮ್ರ, ಬಿ12 ವಿಟಮಿನ್ ಇದರಲ್ಲಿ ಇರುತ್ತದೆ. ಈ ಪೋಷಕಾಂಶಗಳು ಮೊಟ್ಟೆ, ಕುರಿ, ಕೋಳಿ ಮಾಂಸಾಹಾರಗಳಲ್ಲಿ ದೊರೆಯುವ ಪ್ರೋಟೀನ್ಗೆ ಪರ್ಯಾಯವಾಗಿದೆ. ಹೀಗಾಗಿ ಮಾಂಸಾಹಾರವನ್ನು ತ್ಯಜಿಸಿ ಸಸ್ಯಾಹಾರಕ್ಕೆ ಪರಿವರ್ತನೆ ಆಗಲು ಇದು ಸಕಾಲ.
ಇದನ್ನೂ ಓದಿ: ಸ್ತನದ ಕ್ಯಾನ್ಸರ್ ಆತಂಕ ನಿವಾರಿಸಲು ಹೀಗಿರಲಿ ದೈನಂದಿನ ಆಹಾರ ಕ್ರಮ
Discussion about this post