ಬೊಜ್ಜು ಕರಗಿಸಲು ಹಾಲು

ಹಸುವಿನ ಹಾಲು ಬೊಜ್ಜು ಕರಗಿಸಲು ಉತ್ತಮವೇ?
ನಿಮ್ಮ ದೇಹಸಿರಿಯನ್ನು ಕಾಪಾಡಿಕೊಳ್ಳಲು ನೀವು ಕೆನೆಭರಿತ ಹಾಲನ್ನು ಕುಡಿಯದೇ ಇದ್ದೀರಾ? ಪ್ರತಿದಿನ ಹಸುವಿನ ಹಾಲಿನ್ನು ಸೇವಿಸುವುದರಿಂದ ತೂಕ ಹೆಚ್ಚುತ್ತದೆ ಎಂಬ ತಪ್ಪು ಕಲ್ಪನೆ ಇದೆಯಾ? ಹಾಗಾದರೆ ಆ ಕಲ್ಪನೆ ಎಷ್ಟು ಸರಿ? ಹಾಲಿನ ಬಗ್ಗೆ ಒಂದಿಷ್ಟು ಮಾಹಿತಿ ಹುಡುಕೋಣ?

ಹಾಲು ಕುಡಿಯುವುದನ್ನು ಬಿಟ್ಟಿದ್ದೀರಾ?
ಹಾಲು ಅತಿ ಹೆಚ್ಚಾಗಿ ಸೇವಿಸುವ ಪಾನೀಯ. ಭಾರತದಲ್ಲಂತೂ ಬಹಳ ಸುಲಭವಾಗಿ ಸಿಗುವ ಪೋಷಕಾಂಶವಾಗಿದೆ. ಹೀಗಿದ್ದೂ, ಬಹಳಷ್ಟು ಜನರು ಅತಿಯಾದ ಆರೋಗ್ಯ ಪ್ರಜ್ಞೆಯಿಂದ ಹಾಲಿನ ಜಾಗವನ್ನು ಸಸ್ಯಾಹಾರಿ ಪರ್ಯಾಯಗಳೊಂದಿಗೆ ಬದಲಿಸಿ ಆರೋಗ್ಯಕರವಾಗಿರಲು ನೋಡುತ್ತಿದ್ದಾರೆ. ಹಾಲನ್ನು ತ್ಯಜಿಸಲು ಮತ್ತೊಂದು ಬಹುಮುಖ್ಯ ಕಾರಣವೆಂದರೆ ಹಾಲು ಮತ್ತು ಹಾಲಿನ ಉಪ ಉತ್ಪನ್ನಗಳಲ್ಲಿನ ಪರಿಷ್ಕರಿಸಿದ ಕೊಬ್ಬು. ಈ ಕಾರಣದಿಂದ ಹಾಲುಕುಡಿಯುವುದನ್ನು ಬಿಡುವುದು ಸರಿಯೆ?

ಇತ್ತೀಚೆಗೆ ಆರೋಗ್ಯ ತಜ್ಞರು ಮತ್ತು ನ್ಯುಟ್ರಿಷನಿಸ್ಟ್‌ಗಳು ಬೊಜ್ಜನ್ನು ಕರಗಿಸುವವರಿಗೆ ಪ್ರತಿನಿತ್ಯ ಹಾಲನ್ನು ಆಹಾರದ ಒಂದು ಭಾಗವಾಗಿಸಲು ಸಲಹೆ ನೀಡುತ್ತಿದ್ದಾರೆ. ಏಕೆಂದರೆ ಹಾಲು ಕ್ಯಾಲ್ಸಿಯಂ, ಪೊಟಾಸಿಯಂ, ವಿಟಾಮಿನ್‌ ಬಿ12, ವಿಟಾಮಿನ್‌ ಡಿ ಮತ್ತು ರೈಬೋಫ್ಲೇವಿನ್‌ಗಳಂತಹ ಪೋಷಕಾಂಶಗಳ ಆಗರ.

ಹಾಲು ನಿಜವಾಗಿಯೂ ತೂಕ ಕಳೆದುಕೊಳ್ಳಲು ಸಹಕಾರಿಯೇ?
ಪ್ರತಿನಿತ್ಯ ಆಹಾರದಲ್ಲಿ ಹಾಲನ್ನು ಸೇವಿಸುವುದರಿಂದ ಜೀರ್ಣ ಕ್ರಿಯೆಯು ವೃದ್ಧಿಸಿ ತೂಕ ಕಳೆದುಕೊಳ್ಳಲು ನೆರವಾಗುತ್ತದೆ. ಯುನೈಟೆಡ್‌ ಸ್ಟೇಟ್‌ನ ಕೃಷಿ ಇಲಾಖೆಯು (USDA) ಶೇ. 3.2 ರಷ್ಟು ಕೊಬ್ಬಿನ ಅಂಶವಿರುವ 100 ಗ್ರಾಂ ಹಾಲಿನಲ್ಲಿ, 61 ಕ್ಯಾಲೋರಿಗಳು ಮತ್ತು 113 ಮಿ.ಗ್ರಾಂ. ಕ್ಯಾಲ್ಸಿಯಂ ಇರುತ್ತದೆ ಎಂದು ಹೇಳಿದೆ.

ಹಾಲು ಹೇಗೆ ತೂಕ ಇಳಿಸಲು ಸಹಕಾರಿ?
ಸಂಸ್ಕರಿಸಿದ ಹಾಲಿನಲ್ಲಿ ಕ್ಯಾಲೋರಿ ಅಂಶವು ಅಧಿಕವಾಗಿರುತ್ತದೆ. ಏಕೆಂದರೆ ಹಾಲು ಹಾಳಾಗದಂತೆ ಇರಿಸಲು ಬಳಸುವ ಕೆಲವು ರಾಸಾಯನಿಕಗಳು, ಸಿಹಿ, ರುಚಿಗಳನ್ನು ಸೇರಿಸುವುದರಿಂದ ಅದರ ಕ್ಯಾಲೋರಿಯು ಹೆಚ್ಚಾಗುತ್ತದೆ. ಹಾಗಿದ್ದರೂ, ನಿಮ್ಮ ನಿತ್ಯದ ಆಹಾರದಲ್ಲಿ ತೂಕವನ್ನು ಕಳೆದುಕೊಳ್ಳಲು ಹಾಲನ್ನು ಸೇವಿಸಬೇಕೆಂದರೆ ಅದಕ್ಕೆ ಕೆಲವು ಪದಾರ್ಥಗಳನ್ನು ಸೇರಿಸಬಹುದು. ಹಾಲಿಗೆ ಅರಿಶಿನ, ಜಾಯಿಕಾಯಿ, ದಾಲ್ಚಿನ್ನಿ, ಅಶ್ವಗಂಧಗಳನ್ನು ಸೇರಿಸುವುದರಿಂದ ನಮ್ಮ ಜೀರ್ಣಕ್ರಿಯೆ ಹೆಚ್ಚಾಗಿ ತೂಕ ಇಳಿಸುವದಕ್ಕೂ ಸಹಕಾರಿಯಾಗಿದೆ. ಇದು ಅಧಿಕ ಆಹಾರ ಸೇವನೆಯನ್ನು ತಡೆಯಬಲ್ಲದು. ಅದಲ್ಲದೆ ಹಾಲಿನಲ್ಲಿರು ಪ್ರೋಟೀನ್‌ ಮತ್ತು ನಿದ್ರೆಯನ್ನು ತರಿಸುವ ಟ್ರಾಪ್ಟೋಫನ್‌ ದೇಹದ ಶಕ್ತಿಯನ್ನು ಹೆಚ್ಚಿಸಿ, ಜೀರ್ಣಕ್ರಿಯೆಯನ್ನು ವರ್ಧಿಸಿ, ನರಗಳಿಗೆ ಚೈತನ್ಯವನ್ನು ತುಂಬುತ್ತದೆ.

ಅಧ್ಯಯನದ ಪ್ರಕಾರ ಕ್ಯಾಲ್ಸಿಯಂನ್ನು ಸರಿಯಾದ ಪ್ರಮಾಣದಲ್ಲಿ ದಿನನಿತ್ಯ ಸೇವಿಸುವುದರಿಂದ ಬೊಜ್ಜನ್ನು ತಡೆಯುವುದಲ್ಲದೆ, ಅಜೀರ್ಣ, ಟೈಪ್‌ –2 ಮಧುಮೇಹ, ಹೃದಯ ಸಂಬಂಧಿ ಕಾಯಿಲೆಗಳನ್ನು ತಡೆಯುವಲ್ಲಿ ಸಹಕರಿಸುವುದು. ಆದರೆ, ಒಂದು ವೇಳೆ ಯಾರಿಗಾದರೂ ಹಾಲಿನಲ್ಲಿರುವ ಲೆಕ್ಟೋಸ್‌ನಿಂದ ತೊಂದರೆಯಿದ್ದರೆ ಅಂತಹವರು ಹಾಲಿನಿಂದ ದೂರ ಇರುವದೇ ಒಳ್ಳೆಯದು.

How is milk helpful for those trying to lose weight?

ಇದನ್ನೂ ಓದಿ: ಚಳಿಗಾಲದಲ್ಲಿ ಕೀಲು ನೋವಿನಿಂದ ರಕ್ಷಣೆ ಪಡೆಯುವುದು ಹೇಗೆ?