ವಧುವಿನ ಬ್ರಾ ಸೈಜ್ ಕೇಳಿದ ಭೂಪ; ವೈರಲ್ ಆದ ಜಾಹೀರಾತಲ್ಲಿ ಏನೆಲ್ಲಾ ಇತ್ತು?

ಹುಡುಗಿ ನೋಡುತ್ತಿರುವ ಹುಡುಗ, ವಧುವಿನ ಎತ್ತರ, ತೂಕ, ತೆಳ್ಳಗೆ-ಬೆಳ್ಳಗೆ ಇರಬೇಕು, ಹಾಡೋಕೂ ಬರಬೇಕು ಅಂಥ ಕೇಳುವುದು ರೂಢಿ. ಆದರೆ, ಇಲ್ಲೊಬ್ಬ ಭೂಪ ನಾನು ಮದುವೆಯಾಗುವ ಹುಡುಗಿಯ ಬ್ರಾ ಸೈಜು, ಸೊಂಟದ ಸುತ್ತಳತೆ, ಎತ್ತರ ಎಲ್ಲವೂ ಇಷ್ಟೇ ಇರಬೇಕು ಅಂತ ತನ್ನ ಜಾಹೀರಾತಿನಲ್ಲಿ ಕೇಳುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಸದ್ದು ಮಾಡಿದ್ದಾನೆ.

ಬೆಟರ್ ಆಫ್.ಎಐ ಅನ್ನುವುದು ವಧುವರರನ್ನು ಜೊತೆ ಗೂಡಿಸುವ ಜಾಲತಾಣ. ಇದರಲ್ಲಿ ತನ್ನ ಮನದನ್ನೆಯನ್ನು ಹುಡುಕಲು ಬಂದವನು, ಆಕೆಯ ಬ್ರಾ, ಸೊಂಟದ ಸೈಜನ್ನು ತನ್ನ ಜಾಹೀರಾತಿನ ಪೋಸ್ಟ್‌ನಲ್ಲಿ ನಮೂದಿಸಿದ್ದಾನೆ. ಸಾಂಪ್ರದಾಯಿಕವಾಗಿ ಹುಡುಗಿಯ ಎತ್ತರ, ದಪ್ಪ, ನೋಡಲು ಬೆಳ್ಳಗೆ ಇರಬೇಕು ಅಂತೆಲ್ಲಾ ಕೇಳುವುದು ಸಂಪ್ರದಾಯ. ಆದರೆ ಈ ಭೂಪ, ನಾನು ಹುಡುಕುತ್ತಿರುವ ವಧು 6-7 ಅಡಿ ಎತ್ತರ ಇರಬೇಕು, ಸೊಂಟದ ಸುತ್ತಳತೆ 12-16 ಹಾಗೂ ಬ್ರಾ 5.2 ರಿಂದ 5.6 ಇದ್ದು, ಸುತ್ತಳತೆ 32ಬಿ ಇಂದ 32 ಸಿ ಇರಬೇಕು ಎಂದು ತನ್ನ ಬೇಡಿಕೆಯನ್ನು ಜಾಹೀರಾತಲ್ಲಿ ಹೇಳಿದ್ದಾನೆ.

ಇಷ್ಟಲ್ಲದೇ ಅದೃಷ್ಟವಂತ ಹುಡುಗಿಯು ಸಂಪ್ರದಾಯ ಕುಟುಂಬದಿಂದ ಬಂದವಳಾಗಿರಬೇಕು. ಆದರೂ ಪ್ರಗತಿಪರ ಗುಣ ಹೊಂದಿರಬೇಕು. ಸರಳ ಜೀವನಕ್ಕೆ ಹೊಂದಿಕೊಳ್ಳಬೇಕು. ಮುಖ್ಯವಾಗಿ ರಾತ್ರಿ ಮಲಗುವಾಗ ಸಾಂಪ್ರದಾಯಿಕ ಉಡುಪುಗಳನ್ನು ಧರಿಸಬೇಕು. ಮನದನ್ನೆಯಾಗುವವಳು ನಾಯಿಯನ್ನು ಪ್ರೀತಿಸಲೇಬೇಕು. ಮಕ್ಕಳಿರಬಾರದು, ವಯಸ್ಸು ಮಾತ್ರ 18ರಿಂದ 26 ಒಳಗೆ ಇರಬೇಕು ಎಂದೆಲ್ಲಾ ನಿಖರವಾಗಿ ಜಾಹೀರಾತಲ್ಲಿ ತಿಳಿಸಿದೆ.

ಈ ಜಾಹೀರಾತನ್ನು ವೈರಲ್ ಆಗಿದ್ದೇ ತಡ. ಥರಹೇವಾರಿ ಪ್ರತಿಕ್ರಿಯೆಗಳು ಬಂದವು. ಮದುವೆಯಾಗುವವರು ಗಂಡೋ ಅಥವಾ ಮಹಿಳೆಯರ ಬಟ್ಟೆ ಹೊಲಿಯುವ ಟೈಲರೋ ಅಂತ ಪ್ರಶ್ನೆ ಕೇಳಿದ್ದಾರೆ. ಆತನಿಗೆ ಈಗಾಗಲೇ ಒಂದು ಬಾರ್ಬಿ ಡಾಲ್ ಸೆಟ್ಟನ್ನು ಕೊಟ್ಟು ಬಿಡಿ ಅಂತ ಮತ್ತೊಬ್ಬರು ಕಟಕಿಯಾಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ವ್ಯಕ್ತಿಯ ಬ್ರಾ ಜಾಹೀರಾತು ವೈರಲ್ ಆದ ಮೇಲೆ,ಅದನ್ನು ಪ್ರಕಟಿಸಿದ ಬೆಟರ್ ಆಫ್.ಏಐ ಜಾಲತಾಣವು- ಈ ಜಾಹೀರಾತು ಕಂಪೆನಿಯ ನಿಯಮಗಳನ್ನು ಉಲ್ಲಂಘಿಸಿದೆ. ಹೀಗಾಗಿ, ವ್ಯಕ್ತಿಯ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುತ್ತೇವೆ ಎಂದು ಹೇಳುವ ಮೂಲಕ ಕೈ ತೊಳೆದುಕೊಂಡಿದೆ.

ಇದನ್ನೂ ಓದಿ: ಅಮೀರ್ ಖಾನ್ ಮೂರನೇ ಮದುವೆಗೆ ರೆಡಿ? ವಧು ಯಾರು?