Recipe: ಮನೆಯಲ್ಲೇ ಸುಲಭವಾಗಿ ತಯಾರಿಸಿ ಮಿಸಳ್ ಪಾವ್

Recipe: ಬೇಕಾಗುವ ಸಾಮಗ್ರಿ: 2 ಪಾವ್, 2 ಈರುಳ್ಳಿ, ಒಂದು ಟೊಮೇಟೊ, ಒಂದು ಕಪ್ ಮಿಕ್ಸ್‌ಚರ್, ಒಂದು ಚಕ್ಕೆ, 2ರಿಂದ 3ಕಾಳು ಲವಂಗ, 2 ಮಸಾಲೆ ಎಲೆ, ಕೊಂಚ ಸೋಂಪು, 2 ಕಪ್ ನೆನೆಸಿದ ಬಟಾಣಿ, ಕಡಲೆ ಮತ್ತು ಮೊಳಕೆ ಬರಿಸಿದ ಹೆಸರು ಕಾಳು ಮತ್ತು ಮಟ್ಕಿ ಕಾಳು, 2 ಒಣಮೆಣಸಿನಕಾಯಿ, ಖಾರ ಹೆಚ್ಚು ಬೇಕಾದಲ್ಲಿ 3ರಿಂದ 4ಒಣಮೆಣಸು ಬಳಸಿ. 5ರಿಂದ6 ಎಸಳು ಬೆಳ್ಳುಳ್ಳಿ, 5ರಿಂದ 6 ಎಸಳು ಕರೀಬೇವು, ಅರ್ಧ ಸ್ಪೂನ್ ಜೀರಿಗೆ, ಅರ್ಧ ಸ್ಪೂನ್ ಸಾಸಿವೆ, ಕೊಂಚ ಇಂಗು, ಅರ್ಧ ಕಪ್ ತೆಂಗಿನ ತುರಿ, ಒಂದು ಚಿಕ್ಕ ತುಂಡು ಹಸಿ ಶುಂಠಿ, ಅರ್ಧ ಸ್ಪೂನ್ ಅರಿಷಿನ, ಅರ್ಧ ಸ್ಪೂನ್ ಗರಂ ಮಸಾಲೆ, ಅರ್ಧ ಸ್ಪೂನ್ ಧನಿಯಾ ಪುಡಿ, ಅರ್ಧ ಸ್ಪೂನ್ ಹರಿದು ಪುಡಿ ಮಾಡಿದ ಜೀರಿಗೆ, ಒಂದು ನಿಂಬೆ ಹಣ್ಣು, 5ರಿಂದ 6 ಸ್ಪೂನ್ ಎಣ್ಣೆ, ಕೊಂಚ ಬೆಲ್ಲ, ಅರ್ಧ ಕಪ್ ಸಣ್ಣಗೆ ಕತ್ತರಿಸಿದ ಕೊತ್ತೊಂಬರಿ ಸೊಪ್ಪು, ಅಗತ್ಯಕ್ಕೆ ತಕ್ಕಷ್ಟು ಉಪ್ಪು ಮತ್ತು ನೀರು.

Health Tips: ನೆನೆಸಿಟ್ಟ ಶೇಂಗಾ ಸೇವನೆಯಿಂದಾಗುವ 10 ಆರೋಗ್ಯಕರ ಲಾಭಗಳು

ಮಾಡುವ ವಿಧಾನ: ಕುಕ್ಕರಿನಲ್ಲಿ ಎಣ್ಣೆ ಹಾಕಿ, ಅದಕ್ಕೆ ಚಕ್ಕೆ, ಲವಂಗ, ಮಸಾಲೆ ಎಲೆ, ಸೋಂಪು, ಸಾಸಿವೆ, ಜೀರಿಗೆ, ಕರೀಬೇವು, ಇಂಗು ಹಾಕಿ ಕೊಂಚ ಹುರಿಯಿರಿ, ಇದಕ್ಕೆ ಈರುಳ್ಳಿ ಹಾಕಿ ಹುರಿದು, ಕೊಂಚ ಕಂದು ಬಣ್ಣ ಬಂದ ಮೇಲೆ ಟೊಮೇಟೋ ಹಾಕಿ ಬಾಡಿಸಿ.

ಈ ರೆಮಿಡಿಯನ್ನು ನೀವು ಪ್ರಯೋಗಿಸಿದರೆ, ನಿಮ್ಮ ತ್ವಚೆ ಕ್ಲೀನ್, ಸಾಫ್ಟ್ ಆಗೋದು ಗ್ಯಾರಂಟಿ

ಈಗ ನೆನೆಸಿಟ್ಟುಕೊಂಡ ಕಾಳುಗಳನ್ನ ಸೇರಿಸಿ 2 ನಿಮಿಷ ಹುರಿದು ಅಗತ್ಯವಿದ್ದಷ್ಟು ಉಪ್ಪು, ನೀರು, ಚಿಟಿಕೆ ಅರಿಶಿನ ಸೇರಿಸಿ ಮಿಕ್ಸ್ ಮಾಡಿ, 2ರಿಂದ 3 ವಿಶಲ್ ಕೂಗಿಸಿ ಬೇಯಿಸಿ.

ಕಾಳು ಬೇಯುತ್ತಿರುವಾಗ ಮತ್ತೊಂದು ಪ್ಯಾನ್‌ನಲ್ಲಿ ಕೊಂಚ ಎಣ್ಣೆ , ಕೊಬ್ಬರಿ ತುರಿ, ಬೆಳ್ಳುಳ್ಳಿ, ಒಣಮೆಣಸು ಹಾಕಿ ಘಮ ಬರುವವರೆಗೂ ಹುರಿಯಬೇಕು. 3 ನಿಮಿಷ ಹುರಿದ ನಂತರ ಅದನ್ನ ಮಿಕ್ಸರ್‌ಬೌಲ್‌ಗೆ ಹಾಕಿ ಅದರೊಟ್ಟಿಗೆ ಹಸಿ ಶುಂಠಿ ಹಾಕಿ ಪೇಸ್ಟ್‌ ತಯಾರಿಸಿ.

Horoscope: ನಾಚಿಕೆಯ ಸ್ವಭಾವದ ರಾಶಿಯವರು ಇವರು

ಕಾಳುಗಳು ಬೆಂದ ಬಳಿಕ ಅದರಲ್ಲಿ ಈ ಪೇಸ್ಟ್ ಸೇರಿಸಿ. ಜೊತೆಗೆ ಗರಂ ಮಸಾಲೆ ಪೌಡರ್, ಧನಿಯಾ ಪೌಡರ್, ಜೀರಿಗೆ ಪೌಡರ್, ಮತ್ತೆ ಕೊಂಚ ಅರಿಷಿನ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ 5ರಿಂದ 10 ನಿಮಿಷ ಮಂದ ಉರಿಯಲ್ಲಿ ಬೇಯಿಸಿ. ಈಗ ಗ್ಯಾಸ್ ಆಫ್ ಮಾಡಿ, ಕೊತ್ತೊಂಬರಿ ಸೊಪ್ಪು ಹಾಕಿ ಮುಚ್ಚಿಡಿ.10 ನಿಮಿಷದ ನಂತರ ಒಂದು ಸ್ಪೂನ್ ನಿಂಬೆ ರಸ ಹಾಕಿ ಮಿಕ್ಸ್ ಮಾಡಿದ್ರೆ, ಮಿಸಳ್ ಪಾವ್ ರೆಡಿ.

ಒಂದು ಪ್ಲೇಟ್‌ನಲ್ಲಿ ಪಾವ್ ಹಾಕಿ, ಒಂದು ಈರುಳ್ಳಿಯನ್ನ ಕತ್ತರಿಸಿ ಇಡಿ, ಇನ್ನೊಂದು ಕಪ್‌ನಲ್ಲಿ ಮಿಕ್ಸ್‌ಚರ್ ಹಾಕಿ, ದೊಡ್ಡ ಬೌಲ್‌ನಲ್ಲಿ ಮಿಸಳ್ ಹಾಕಿ, ಅರ್ಧ ನಿಂಬೆಹಣ್ಣಿನೊಂದಿಗೆ ಸವಿಯಲು ಕೊಡಿ.

ತರಕಾರಿ ಸುಕ್ಕೆ ರೆಸಿಪಿ: Mixed Vegetable Sukke recipe

ಈ ಖಾದ್ಯ ತಿನ್ನುವ ಹೊತ್ತಿಗೆ ಮಿಕ್ಸ್‌ಚರನ್ನು ಮಿಸಳ್‌ಗೆ ಹಾಕಿ. ಮೊದಲೇ ಮಿಸಳ್‌ಗೆ ಮಿಕ್ಸ್‌ಚರ್ ಹಾಕಿದರೆ, ಮಿಕ್ಸ್‌ಚರ್ ಮೆತ್ತಗಾಗಿ ಟೇಸ್ಟ್ ಹಾಳಾಗಬಹುದು, ಮಿಕ್ಸ್‌ಚರ್ ಕ್ರಂಚಿನೆಸ್ ಇದ್ದಾಗಲೇ ಮಿಸಳ್ ಪಾವ್ ಸವಿಯುವ ಮಜಾ ಬರೋದು.