ಒಬ್ಬಂಟಿ ನಾಯಿಗೆ ಬೇಜಾರಾದರೆ ಏನು ಮಾಡುತ್ತೆ, ಸುಮ್ಮನೆ ಮನೆಯೊಳಗೆ ಸುತ್ತು ಹಾಕುತ್ತಿರುತ್ತದೆ, ಊಟ ತಿನ್ನುತ್ತದೆ ಮತ್ತೂ ಬೇಸರವಾದರೆ ಕೂಗಬಹುದು, ಬೊಗಳಬಹುದು ಅಷ್ಟೇ. ಆದರೆ, ಬ್ರಿಟನ್‌ನ ಹೆಣ್ಣು ಲ್ಯಾಬ್ರಡೋ ಜಾಕ್ ಅನ್ನೋ ನಾಯಿ ತನ್ನ ಮಾಲೀಕನಿಗೆ ಕರೆ ಮಾಡಿ, ನಾನು ಇಲ್ಲಿ ಒಬ್ಬಳೆ ಇದ್ದೀನಿ ಬಾ ಅಂತ ಕರೆಯುತ್ತದಂತೆ. ಇದು ಹೇಗೆ ಸಾಧ್ಯ, ನಾಯಿ ಕೂಡ ತಂತ್ರಜ್ಞಾನ ಬಳಸುತ್ತಾ ಅಂತ ಕೇಳಬೇಡಿ. ಈ ನಾಯಿಗಾಗಿ ಡಾಗ್ ಪೋನ್ ಸಿದ್ಧವಾಗಿದೆ. ಚೆಂಡಿಗೂ, ಲ್ಯಾಪ್‌ಟಾಪ್‌ಗೂ ಸಂಪರ್ಕ ಏರ್ಪಡಿಸಿರುವುದರಿಂದ, ನಾಯಿ ಚೆಂಡನ್ನು ಜೋರಾಗಿ ಒತ್ತಿದರೋ, ಅಲ್ಲಾಡಿಸಿದರೆ ಸಾಕು ಲ್ಯಾಪ್‌ಟಾಪ್‌ ಮೂಲಕ ಮಾಲೀಕನಿಗೆ ಕರೆ ಹೋಗಿಬಿಡುತ್ತದೆ.
ಇದನ್ನು ಫಿನ್ ಲ್ಯಾಂಡ್ ನ ಗ್ಲಾಸ್ಗೋ ವಿವಿಯ ಪ್ರಾಣಿಗಳ ತಂತ್ರಜ್ಞಾನ ವೈದ್ಯರೊಬ್ಬರು ಸಿದ್ಧಪಡಿಸಿದ್ದಾರೆ. ಅವರ ಹೆಸರು ಇಲೆಯಾನ ಹಿರಿಸ್ಕ್ಜಿ ಡೂಗಾಲ್ಸ್ ಅಂಥ. ಇವರು 16 ದಿನಗಳ ಕಾಲ ತಮ್ಮ ಲ್ಯಾಬ್ ಸಹಾಯಕನಂತಿದ್ದ ನಾಯಿಗೆ ಚೆಂಡು ಒಂದನ್ನು ಆಟವಾಡಲು ಕೊಟ್ಟು ರೂಢಿ ಮಾಡಿದ್ದರು. ಅದು ಪಳಗಿದ ನಂತರ, ಅದೇ ಚೆಂಡಿಗೆ ಲ್ಯಾಪ್ ಟಾಪ್ ಸಂಪರ್ಕ ಏರ್ಪಡಿಸಿ, ನಾಯಿ ಚೆಂಡಿನ ಮೂಲಕ ಹೇಗೆಲ್ಲಾ ಕರೆ ಮಾಡುತ್ತದೆ ಎಂಬುದರ ಪ್ರಾತ್ಯಕ್ಷಿಕೆ ನೀಡಿದರು.
ಅನಿರೀಕ್ಷಿತವಾಗಿ ಕೆಲವು ಕರೆಗಳನ್ನು ಹೋಗುತ್ತವೆ ಅನ್ನೋದನ್ನು ಬಿಟ್ಟರೆ, ಜಾಕ್ ನಾಯಿ ತನ್ನ ಮಾಲೀಕನಿಗೆ ಈ ಫೋಟೋಟೈಪ್ ಉಪಕರಣ ಬಳಸಿಕೊಂಡು ಕರೆ ಮಾಡಿ, ತನ್ನಲ್ಲಿರುವ ಆಟಿಕೆಗಳನ್ನು ತೋರಿಸುತ್ತದೆ. ಪ್ರಾಣಿಗಳಿಗೆ ತಂತ್ರಜ್ಞಾನವನ್ನು ಪರಿಚಯಿಸುವುದರಲ್ಲಿ ತಜ್ಞರಾಗಿರುವ ಹಿರಿಸ್ಕ್ಜಿಅವರು, ರೆಸ್ಟೋರೆಂಟ್, ಆಫೀಸ್, ತಾನು ಓಡಾಡುವ ಬೀದಿಗಳನ್ನು ಲ್ಯಾಪ್ ಟ್ಯಾಪ್ ಪರದೆಯ ಮೇಲೆ ತೋರಿಸಿದರೆ ನಾಯಿ ಜಾಕ್, ಬಹಳ ಚೆನ್ನಾಗಿ ಪ್ರತಿಕ್ರಿಯಿಸುವುದನ್ನು ಕಲಿತಿದೆ.
ಜಾಕ್‌ಗೆ ಚೆಂಡನ್ನು ಬಳಸಿದರೆ ಅದು ನೇರವಾಗಿ ಮಾಲೀಕರಿಗೆ ಕರೆ ಹೋಗುತ್ತದೆ ಅನ್ನೋದರ ಬಗ್ಗೆ ಅರಿವಿದೆ ಅನ್ನೋದು ನಮಗೆ ತಿಳಿದಿಲ್ಲ. ಆದರೆ, ಅದು ಅನಗತ್ಯವಾದರೂ ಬೇರೆಯವರಿಗೆ ಕರೆ ಹೋಗಿರುವುದು ಉಂಟು ಎಂದು ವಿವರಿಸುತ್ತಾರೆ ಹಿರಿಸ್ಕ್ಜಿ. ಕೆಲವು ಸಂದರ್ಭದಲ್ಲಿ ತಾನು ತಾನು ಏನು ನೋಡುತ್ತದೆ ಅದನ್ನು ಬಹಳ ಚೆನ್ನಾಗಿ ಗುರುತಿಸುತ್ತದೆ. ನಾವು ಜೊತೆಗಿದ್ದಾಗ ತಾನು ನೋಡಿದ್ದರ ಬಗ್ಗೆ ಆಂಗಿಕವಾಗಿ ಕೆಲವು ವರ್ತನೆಗಳ ಮೂಲಕ ಏನೋ ಹೇಳುವ ಪ್ರಯತ್ನ ಮಾಡುತ್ತದೆ ಎನ್ನುತ್ತಾರೆ ವೈದ್ಯರು.
ಡಾಗ್ ಫೋನ್ ಬಳಕೆ ಎಲ್ಲ ನಾಯಿಗಳು ಬಳಸುವಂತಾಗುವ ಬಗ್ಗೆ ಹಿರಿಸ್ಕ್ಜಿಮತ್ತು ಅವರ ತಂಡಕ್ಕೆ ನಂಬಿಕೆ ಇದೆ. ಈ ವಿಚಾರವಾಗಿ ಕೊರೋನಾದಿಂದ ಕೆಲವೊಂದು ಪ್ರಯೋಗಗಳನ್ನು ಮಾಡಲು ಸಾಧ್ಯವಾಗಿಲ್ಲ ಅನ್ನೋ ಕೊರಗೂ ಇವರಿಗೆ ಇದೆಯಂತೆ.
ಇದನ್ನೂ ಓದಿ: ನಾಯಿ- ಮನುಷ್ಯನ ಸಂಬಂಧಕ್ಕೆ ಇದಕ್ಕಿಂತ ಉತ್ತಮ ಉದಾಹರಣೆ ಬೇಕಾ?
Discussion about this post